فصليتي واعذبهة

_ البارت السابع _

‌‎و أجملُ الُحب ما تلقاهُ مُختبئًا
خَلف العيونِ حيِيَّا يَرسمُ الخجلا

يُؤجل الموعدَ المُشتاقَ مُرتبكًا
و قلبهُ خفقاتُ تَعشقُ العَجلا
.
.
.
.
.
. # write:yaqeen_hassan
# فصليتي واعذبهة
.
.
.
.
ناز : خلصت الدوام ورجعت امشي بالفرع فجأ صار صوت وراي مال واحد يحجي ويتغزل اني بوكتهة لو تذبحوني متلكون قطرة دم بية كمت امشي سريع وهوة لحكني لزمني من ايدي واني ابجي واكلة عوفني وهوة ولا يمة السالفة فجا حسيت الولد تمدد بالكاع من قوة البوكس الاخذة درت وجهي وشفت يوسف ابن جيرانة

يوسف : روحي للبيت بسرعةةةةةةة

ناز : رحت اركض وكلساع اباوع واشوفة موتة للولد بيدة هلكد مضربة دخلت للبيت ابجي واشهك

فهد : لج ناز شبيج  احجي رح تخبلللليني

ميار : ناز حبيبيتي احجي شبيج _ فجا ندكت الباب وراح فهد يفتحهة وطول يمة

فهد : هلة يوسف شلونك

يوسف : الحمدلله فهد ناز اجتي مو

فهد : ليش شبيهة مدتحجي بس تبجي

يوسف : جنت راجع من الشغل وواحد سكط جان لازمهة وهية جانت تبجي عاد همزين اني جنت جاي وسكطتة من الضرب وهية رجعت بس هية هسة شلونهة اني كلت رح توكع من الخرعة

فهد : كاعدة تبجي خبلتني والله كلت اخاف صايرلهة شي لاسمح الله بس الحمد لله تسلم يوسف والله جميلك مرح انساه طول عمري

يوسف : ولو فهودي صدك جذب احنة جيران مابينة شكر يلة اني اترخص

فهد : حبيبي مرخوص الله وياك _ فتت للبيت _ ولج والله وكعتي كلبي عبالي احد ميت شي والنبي عقل مضل براسي

ناز : و والله ج جنت خايفة فهد لوما يوسف جا جان

فهد : اشششششششش لتحجين هيج مدام اني عايش مستحيل احد يأذيج تمام اهدي كومي غسلي وبدلي يلة

ناز : ماشي

ميار : باوعت علي من يحجي وتذكرت حسين واحمد وعلي من جانو يكلولي هيج كتمت دموعي لان ماريد ازيد الطين بلة كمت واحاول امشي اريد اصعد وماريد فهد يشوفني فجأة صرت بين ايدة وشالني

فهد : وين رايحة مثل الحرامية تتختلين

ميار : ا اريد ا اصعد

فهد : وشلون تصعدين انت مو متكدرين تمشين

ميار : لازم امشي حتى اصير زينة

فهد : ماكو مشي وتعالي رح نتغدة وين فالتة

ميار : ماريد غدة ماشتهي

فهد : اي والله مو اني رح اسمع كلامج امشي بلا هاي السوالف يللا ماشتهي خوش حجة هاي

ميار : اوووف شنو هاي كلشي تجبرني