فصليتي واعذبهة

_البارت الثاني والثلاثون _

- اغانيچ تفزز ألشوك يُحليوه
وكحل رمشچ خضار يلاعب ألطيّره🕊🌈'
.
.
.
.
#write:yaqeen.hassan
#فصليتي واعذبهة
.
.
.
ايلين : فجااااااااااا اجت المكالمة الي دمرتني جاوب سجاد وكالو ان فهد مسوي حادث وكعت بالكاع وممصدكة مستحيل مستحيل لاااا كمت بسرعة رادو يروحون جلبت بيهم رحت لبست ونزلت ورحنة للمستشفى واني كلبي يرجفف من الخوف خايفة اخسرهم ماكدر اعيش بدونهم يربي وصلنة للمستشفى دخلنة وسجاد سئل عليهم رحنة للطوارئ لكينة رجال واكف وبيدة سيف ديبجي رحت اخذت سيف منة وحضنتة وابجي وسجاد لزمة من ياختة ويعيط علي

الرجال : اني معلية والله اني معلية

سجاد : لعد منو العلي هاااا

الرجال : الولد اجة عندي اني صايغ عاف الطفل يمي كالي اجيب فلوسي من السيارة عبر الشارع وندعم واني جبتة هسة والله معلية

ميار : وكعت بالكاع وسيف بحضني من حجة هيج هوة رايح للصايغ اكيد ديجيبلي هدية ليش هيج اني السبب اني الزعلت علي اني السبب كومني عمو ولاء وكعدني على الكرسي وابجي بهسترية اذا فقدتة اخسر كلشي بحياتي مستحيل اخسرة يربي ساعدني والله اسوي كلشي يريدة بس لتاخذة مني اني ماكدر  بدونة يربي دخيلك بجاه كل الائمة لتحرمني منة يربي ضلينة ساعتين ننتضر بس حتى يطلعون من الطوارىء روحي طلعت من البجي اجوي ناز ورجلهة وهية تبجي وياي عاد يوسف اخذ سيف وحسن وزيد للبيت يم مريم لان مستشفى ويضوجون ضلينة اني وناز وسجاد وعمو ولاء وجدو ننتضرهم يطلعون بالاخير طلعو

الدكتور : ماعرف شنو اكللكم بس هوة محتاج دعائكم حالتة خطرة جدا صاير عندة نزيف داخلي ادعولة الله يكومة بالسلامة واحنة رح ندخلة للعناية المركزة هسة لحد متستقر حالتة

ميار : دكتور اكدر اشوفة

الدكتور : اسف ماكدر بس ورة الباب تكدرون لان ميصير يتعرض لاي ضغط

ميار : حسيت فقدت اخر ذرة امل بكلبي افكاري صارت كلها ان فهد خلاص مات ودوه للغرفة وباوعت علي من ورة الجامة الاجهزة على صدرة وبطنة وايدة وراسة ملفوف وجهاز االاوكسجين بحلكة ليش صار هيج حبيبي كل هذا لخاطري ليش اذيت نفسك حطيت راسي علة الجامة ودموعي تنزل مثل الشلال ماريد شي من الدنيا غير بس ان يرجع الي اريد ضحكتة وشقاه وحضنة معقولة هيج يروح وستمر فهد هيج لمدة 3ايام عشتهن بعذاب مو طبيعي بابا وحسين وماما اجوي ضلو يمنة واني البيت مشفتة مرجعت ضليت بالمستشفى وكل ما يكلولي رجعي اجلب بالباب مال الغرفة مستحيل اعوفة هوة  من تخربطت وحتاجيت كلية ضحة بروحة لخاطري واني هذا قليل بحقة اليوم الرابع ستقرت حالتة ودخلو للعملية واني القران موكع من ايدي اني وناز وبيبي تدعي طلع الدكتور وكال حالتة تحسنت فرحت بوكتهة فرحة مو طبيعية
وعاندت وية الدكتور الة ادخل عاد انتضرتة شكم ساعة ودخلني رحت كعدت يمة ولزمت ايدة وبستهة وحجيت
_ يلة حبيبي اكعد انت مابيك شي شوف الدكتور كال حالتك تحسنت كوم حبيبي لتتدلع اعرف بيك زعلت موو كوم اني رضيت رضيت والله ماريد هداية ولا شي مشتاقيت لسيوفي كوم هوة شتاقلك كام يكول بابا اكعد حبيبي اكعد لتحرمنة منك اكعد انت مو حجزتلي يم الدكتورة تذكر كوم حتى نجيب بيبي جديد وانت تسمي والله انت اخليك تسمي كوم شتاقيتلك ولك ليش تصير مليق كوم كوووم فهد _
ضليت ابجي يمة ومصحة جتي الممرضة كومتني منة لان ميصير اضل اكثر فهد ضل يومين حتى يصحة نقلوه لغرفة خاصة واني كمت ابات يمة وكامو يجون ولد عمة وعمامة واني معفتة ولا لحظة وكل يوم احجي وياه لحد ما اجوي ناز وجابت وياهة سيف ضليت ابوس بي مشتاقتلة كومة حجيت وية ناز وخليتة يمي بس ليلة هم راحو وضل سجاد برة كاعد شلت سيف وديتة يمة وخليتة بحضنة _ يلة فهد شوف منو اجة يشوفك اجاك سيوفي سيوفي يلة كول بابا كول يلة خلي يكعد بابا بابا زعلان يلة فهد لخاطر سيوفي اكعد دخيلك دخيلك _ كمت ابجي قوي تعبت والله شكد احجي وياه بس هوة مديكعد جنت لازمة ايدة حسيتها تحركت رفعت وجهي وشفتة مفتح ومبتسم _ فهدد فهدد كعدت