فصليتي واعذبهة

_ البارت الثلاثون _

إنت فجري لاغدى صبحي ظلام
‏وإنت نوري لاطفا ضيّ السما ...
.
.
.
اسفة كلش كلش داكتب بالبارت واخوية نشرة بالغلط هاي تكملة للبارت اسفة مرة ثانية .

#write:yaqeen.hassan
#فصليتي واعذبهة
.
.
.
ميار : تعبت هواي مرت الفاتحة ومرت الاربعين ونور دخلت بشهر الرابع وتدهورت حالتهة ضطرت تسوي ربط لان حملها ضعف كلش كلش مشت الايام وفهد ضل كل يوم بالمستشفى علمود نور تعب كلش وهية تعبانة اكثر منة كامت تنام بالمستشفى رح اختصر الاحداث دخلت نور بشهر السابع بيوم اللي مستحيل انساه بحياتي رحت للمستشفى وية فهد دخلت للغرفة جانت مددة وتعبانة وبطنهة كبيرة فهد طلع يشوف الدكتورة واني واكفة بعيد ماريد اتقرب اعرفهة رح تتعارك وياي بس اشرتلي بايدهة بمعنى تعالي رحت يمهة وحجت بتعب

نور : اعرف ان مالي حق احجي هيج بس مضطرة اني اسفة على كل السويتة بيج على كل الحجي والغلط ميار بعد مخسرت ماما حسيت طلعت حوبتج بية واني هسة احس خلاص هاي اخر ايامي ميار سامحيني ابني ابني ميار امانة بركبتج اذا متت واني اولدة ديري بالج علي اعتبري ابنج اني غلطت وياج بس ابني مالة ذنب اني اعرفج انت طيبة رح تديرين بالج منة انت امة ميار انت امة اني ماكدر اربي اني ما استاهل ابد ان اكون ام انت ميار انت امة انتتتت امةةةة اخخخخخخخخخخخخححح

ميار : لحد هاي اللحضة اتذكر صرختهة طلعت من كل كلبهة كامت تعيط واني ماعرف شسوي ارجف وبسسس دخل فهد والدكتورة وطلعتني العرفتة اجتي ولادتهة وهية بالسابع حملت وجابت ولد وتركتتتت الدنيااااااا ماتت عافتلي طفل بركبتي بجيت هوواي صح اذتني بس نقهرت على هذا الطفل ليش رح ينحرم من امة حتى فهد بجة طلع الطفل صغيررر كلشش ودوه للخدج واني منتهية وديناهة للدفنة واني بالسيارة بجيت بجي عمري مباجيتة وفهد عيونة تذب دم والله عيونة حمررر دفناهة بصف امهة ورجعنة للمستشفى من شفت الطفل تخربطت ومحسيت بشي كعدت بالغرفة وفهد جان بصفي ويبجي

فهد : ماكدر لتعوفيني انت هم ميار دخيلج قوي نفسج لخاطري لخاطر الطفل

ميار : ش شرح تس تسمي

فهد : ماعرف انت شتريدين

ميار : ن نور ج جانت تم تريد سيف

فهد : خلاص سيف

ميار : ف فهد ه هية ا ا امنتني ه هية جا جانت تعرفف _ بجيت وهوة حضني ويبجي تعبنة صدك بهذاك اليوم وتاذينة لان عافت طفل مالة ذنب وراحت واني رح اكون امة 💔

بعد مرور سنة :

ميار : اي مرت سنة وسيوفي كبر بعد الحادث ضل شهر بالمستشفى لان بشهر السابع نولد واني معفتة ولا لحظة ضلت وصية نور ترن بالي ربيت سيف مثل ابني تعلقت بي وصار مثل الهوة اللي يجري بدمي حتة فهد كام يغار منة الله رزقني بسيف عوضني عن كلشي ربيتة وحبيتة وصرت اذا يبجي ابجي وياه وفهد يحير بينة يسكتني لو يسكتة من يتمرض اتمرض وياه صار روحي الثالثة بعد فهد طبعا هههه
كعدت الصبح على حركة بوجهي فتحت عيني على اجمل شي بحياتي
_ ماماتي صباح الخير

فهد : ميار خلي نام لخاطر الكعبة مو وكت سوالفج

ميار : يعمري بابا ميريدك تعال نروح يم جدو وبيبي احسن تعال يروحي انت

فهد : اي عمي راح زمن فهد راح

ميار : من تبطل تغار منة ارجع احبك

فهد : روحي روحي واتذكري ترة اني زعلان

ميار : اي عود اتذكر هههههه _ رحت بدلت لسيف واني هم ونزلنة جوة : صباح الخير

جدو : هلا هلا بحفيدي الحلو

ميار :هههههه شنو هاي واني راح زمني

جدو : اي اخذ مكانكم هالفصعون

ميار : جيبة جيبة والله اخذة واروح لاهلي هناك محد ياخذ مكاني

جدو : ماكو متاخذي هذا مكانة بكلبي

ميار : لا لا ترا صارت مو زينة تعال وليدي رح يطلعون عينك بحبهم ههههههه

جدو : هاج هاج يلة روحي وكلي حتى ناخذة ويانة للكعدة

ميار : يمة فدوة لشيخي الحلو بس اكبر اذا ما اجيبلك كنتور جبيير مال دشاديش وعكال الة اطلعك شيخ الشيوخ

فهد : اي وابوه ماكو الة كلمة حلوة

جدو : لا راح زمنك حبيبي

بيبي : اي والله راح لعد شكبرك يحضي شيباتك طكن وانت تريد كلمة حلوة

ميار : ههههههه لا بيبي بعدة شعرة اسود

فهد : شكرا شكرا

سجاد : باااابااااا جدددددو مرييييم حااامل
.
.
.
لهنا ينتهي البارت اعتذر مرة ثانية على الصار وهالمرة صار البارت طويل اتمنى يعجبكم ولتنسون الايك ورايكم اهم شي وتابعو حسابي احبكم هواي
.
.
.
#write:yaqeen.hassan
#فصليتي واعذبهة