قصة تتحدث عن فتاة وحيدة تعيش بين ثلاثة اخوان مدلللة تذهب فصلية بسسب غلطة اخوها وتتعذب من قبل رجل عصبي متملك ياترا ماذا سيحدث
القصة باللهجة العراقية.
انطوني دعمكم هاي اول قصة الي ♥
-تكتليني بدمعتج واني أبن طيبين -ما عاركلي واحد دمعته سلاحه ☹️💔 . . . . قراءة ممتعة 💕 #write:yaqeen.hassan #فصليتي واعذبهة . . . . الاب : ميار القرار بيدج لو احنة لو هوة
ميار : جانت صدمة جبيرة علية نصدمت من الحجي ومن الشخص الحجاه هذا بابا ضليت يمكن 10 دقايق ساكتة لحد مجتني الصدمة الثانية من فهد واللي هية رح تدمر اخر امل الية بهالدنيا
فهد : لا عمو هية رح تضل يمكم اسف ميار صح اني وعدتج ما اعوفج بس اني ماعندي اهل وحاس بالفقدان واعرف شكد يأذي لهذا مستحيل بيوم اخليج تضوكي اهلج مراضين بية ومرايديني زوج الج على عيني وعلى راسي اسف ميار بس انت طالق احبج لطول العمر _ طلعت واثناء طلعتي دموعي نزلت نتهة كلشي بهاي الكلمة جانت مرتي صارت طليقتي راحت ميار راحت وهسة مجبور انساهة
ميار : وكعت بالكاع والكل جان صافن علية دموعي تجري هوة كالهة اي كالها طلكني بهذيج اللحظة اللي جانت اصعب لحظات حياتي جنت صدك صدك اتمنى اموت ولا اعيشهة كرهت الكل حتى اهلي لان همة السبب همة البعدوني عنة راح حبيبي راح فهد عشت وياه يوم واحد وراح للابد وكأن الله انطانياه هذا اليوم حتى يبعدني عنة طول العمر نهاريت بجي خسرت الشخص الوحيد النور حياتي عفت الكل وصعدت فوك للغرفة ودموعي نزلت بغزارة جان اكو شي بصدري يخنكني تمنيت يكتلني قبل ميكولهة هوة كالهة وراح وعافني بدماري كطع اخر امل الية بالحياة راح فهد وهالمرة مجان الة رجعة عشت بدونة نكطعت علاقتي بأهلي ورة سبوع يمكن رجعت لكربلاء كعدت يمكن ساعتين ابجي يم المكان اللي التقينة بي رحت للمركز على امل ان اشوفة بس كالو مرح يرجع بعد ترك القضية راح فهد وهالمرة حياتي صدك صارت بدون طعم جنت اتشاقة بالكلية واضحك وهسة بس اتصفن وابجي ماعندي حجي احجي بابا خابرني وكالي ان دز ورقة الطلاك بيومهة نهاريت فد مرة وتخربطت بالمستشفى بس وقعتهة بابا كال رح يحجون وياه ان همة وافقوا ان يصير زوجي بس اني مرضيت جنت اتأمل ان هوة يرجع وحدة ومرت هاي السنة والسنة الثانية تخرجي يعني 5 سنين مرت من حياتي شفتة بس يوم واحد اليوم حفلة تخرجي كعدت الصبح كوة لان مالي خلك البنات جانن يلبسن واني مالي خلك مع ان حسين كال بال9 يجون للكلية كمت بدلت ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولبست اكسسوارات حطيت مكياج وطلعنة اني والبنات الكلية اول مدخلنة لكينة الحفلة بادية الولد لابسين قاط رصاصي والقميص وردي مثل لون الشال والرباط اسود كلهم نفس الشي اجونة الشباب سلمو علينة وتغزلو شوية هههههههههه ورة شوية اجو اهلي شكد اقسي على روحي بس ماكدر رحت حضنت بابا وبجيت حتى هوة دمع وحضنتهم كلهم صدك فهد من كال صعب هذا الشعور جنت اتمناه يمي يلزم ايدي ويفتخر بية بس مجان موجود بدت الحفلة طبعا حفلة الحنة سويناهة اليوم حفلة الصورة والعصر حفلة التكريم شهادة التخرج بدت الحفلة وكلش حلوة صارت وبابا مكيف بية شكد جنت احلم بهذا اليوم قبل ما اروح فصلية جنت ابني احلام شالبس وشسوي والمكياج والصور بس هسة سويتهن من ورة خشمي لوما البنات جان اني مسويتهن والله حتى هنة الشترلي القاط والملابس لان جنت ماللي خلك جنت قبل اكول احب بالكلية وياي ونلزم ايدين بعض ونمشي بس ملكيت هاذا الشي ملكيت فهد هاي السنين مرت علية مثل السم تعبت واني اقسي على روحي تعبت واني كلما اكول رح انساه ارجع اتذكرة وين فهد وين حبيبي كل هذا الحجي دار علية واني كاعدة بالحديقة صافنة عليهم ديطكون بالصور واني دموعي تنزل المفروض بهيج يوم افرح لان حققت حلمي بس ماكو حسين جان واكف من بعيد يباوع علية واحس الندم بعيونة نقهرت على حالي وحالهم اللي مشافو الراحة من وراي ضلو طول هاي السنة يتعذبون بسببي كطعني من صفنتي صوت علي
