فصليتي واعذبهة

_ الــنـهــايـــــة _

• ٲنت مُعجزتي من بين هذا العالم بأڪمله🧚🏻‍♀️✨|~
.
.
.
write:yaqeen.hassan
#فصليتي واعذبهة
.
.
.

الدكتورة : رح اسويلج تحاليل قبل كلشي حتى نتاكد تمام

ميار : تمام _ سحبنة دم وسوينة التحاليل وانتضرنة برة لازمة ايد فهد وارجف والدمعة بطرف عيني تذكرت ذيج المرة شلون جنت متحمسة وخابت امالي بلكت هالمرة ماتخيب امالي

فهد : لتخافين خلاص اهدي

ميار : فهد اخاف هم......

فهد : ميار خلاص حياتي لتحجين هيج الله موجود ورح يرزقنة واذا مرزقنة سيوفي موجود هوة مو ابنج

ميار : اي _ نتضرنة شوية وصاحو اسمنة دخلنة ويانة عمو ولاء كعدنة وحجت الدكتورة

الدكتورة : انت كلتيلي ان الدكتورة القديمة كالتلج ان انت عقيمة

ميار : اي

الدكتورة : بنتي انت مابيج شي لا عقيمة ولا شي

ميار : صدك صدك هذاك اليوم تعرضت بي لاكبر صدمة بحياتي يعني متوقعت هيج يصير دموعي نزلت من وحدهن وباوعت لفهد اللي هوة بعدة بصدمتة

فهد : يعني شلون دكتورة بس الدكتورة الرحنالهة كالت مستحيل تحبل

الدكتورة : ماكو هيج شي تعال ولاء انت هم شوف التحاليل ايجابية

ولاء : اي صح ايجابية

ميار : ف فهد ت تت تتذكر من من كالت بنين مكالت اسمي

الدكتورة : اي احتمال غلطانة بالتحاليل

ميار : دنجت راسي وكمت ابجي ممصدكة اجة فهد حضني ومكيف ويحجي وية الدكتورة

فهد : ماعرف شلون اجازيج على هذا الخبر اللي يرد الروح

الدكتورة : هذا واجبي

ميار : زين دكتورة اني صارلي 3 سنين من تزوجنة ليش مصار حمل

الدكتورة : الدكتورة الرحتيلهة انطتج علاج

ميار : اي انطتني

الدكتورة جايبتة وياج

ميار : اي هياتة _ نطيتياهة

الدكتورة : اي هوة هذا السبب هذا الدوا يمنع المبايض ان تتكاثر اني رح اسلجلج منشطات ونشالله شهر شهرين هيج وتصيرين حامل باذن الله.

ميار : صدك دكتورة يعني اصير ام

الدكتورة : اي طبعا

مياار : جانت فرحة متنوصف طلعنة بعد متشكرناهة ورحنة على الدكتورة القديمة وطلع صدك التحاليل غلط وفهد كلب العيادة عليهة من الصياح والعياط وعمو ولاء كوة جرة واني اضحك بكلبي علي وممصدكة لحد هسة رجعنة للبيت وبيبي كامت تهلهل وسجاد طلع اغاني ويركص جانت صدك فرحة وفهد لازم ايدي ومعافهة صعدت ابدل وماحس غير حضني فهد من ورة وكام يفر بية بالغرفة_ فهددد نزلني هههههه