فصليتي واعذبهة

_البارت الخامس والعشرون_

‌‎شمسُ النهارِ بحسنِ وجهكَ تقسمُ
إنّ الملاحة َ من جمالكَ تقسمُ
جمعتْ لبهجتكَ المحاسنُ كلُّها
والحسنُ في كلّ الأنامِ مقسمُ
يا من حكتْ عيناهُ سيفَ سميهِ
هلاّ اقتديتَ بعدله إذ يحكمُ؟
.
.
.
قراءة ممتعة 💕.
#write:yaqeen.hassan
#فصليتي واعذبهة
.
.
.
.
فهد : خوش نووور نوووووور

نور : هااا شيخ

فهد : تزوجيني 💔

بعد مرور شهر :

ميار : اليوم العرس مال فهد اي عرس حبيبي مر الاسبوع هذا مثل السم فهد نساني محجة وياي ابد ونور طايرة فرح وتباوعلي بشماتة متوقعتة رح يتزوجهة الهة هية معقولة علمود يحرك كلبي بس مبين من شكلة هوة مراضي من جنت اشوفهة ورة العقد تحجي وياه وتضحك قبل جنت اكللهة ما الج حق بس هسة حالها حالي الهة الحق مثلي كام فهد يجي للغرفة ينام بسكوت شكد شتاقيت لحضنة لغزلة عرفت ان اني بيدي خسرتة صحيت من حلمي على صوت الهلاهل جوة دموعي نزلت اني الجبت هذا الشي النفسي صدك حتاجيت حضن بابا او حسين او احمد او ماما بس حتة همة تعاركو وياي علمود هاي السالفة كعدت ابجي بمكاني واني اتذكر يوم عرسي شلون جان هسة فهد رح يتزوج فاتت علية ناز اللي مطايقة نور رجعت نمت وغطيت راسي ماريد احد اريد اضل وحدي حجت شوية ونزلت صعد وراهة فهد اجة يمي وخر الغطة ديشوفني كاعدة لو لا

فهد : كومي تريكي

ميار : ا اريد ا ان انام

فهد : ماكو نوم داكلج كومي تريكي

ميار : عو عوفني

فهد : كومي لخاطري

ميار : ماريد عوفني حباب _ سكت شوية وشالني بين ايدة ووداني للحمام شغل الدوش علية _ فهددد نزلني فهددد

فهد : هاي نزلتج غسلي وبدلي ونزلي ولبسي شي عريض وتعالي اكلي ترة اجي اشيلج وانزلج جوة تمام

ميار : م مما ريد ا اانزل

فهد : ليش

ميار : ماكو شي بس مابية حيل تعبانة

فهد : مو هذا الردتي

ميار : اني مكلت شي

فهد : لحد هاي اللحظة تكدرين تنهين كل هذا بكلمة وحدة

ميار : ماكو داعي اصلا انت مكيف

فهد : اي حوري الموضوع اني مكيف ميار لتحجين شي انت متعرفي شنو معناه تمام انتضرج جوة

ميار : راح عضيت شفتي ماريد ابجي غسلت ونزلت باوعت الكل جان موجود كلها انضارهة صارت علية سلمت عليهن من ورة خشمي نور جانت بالصالون طبيت للمطبخ جان فهد واكف يحجي وية ناز رحت شفت لبن محطوط على الميز اكلت خاشوكتين وعفتة لعبت نفسي هوة جان يباوع علية شكد يحاول يتجاهلني بس لحد هسة يهتم بية مبين من عيونة عاد وراهة طلع واجتي فاطمة واعرف رح تسوي مشكلة