فصليتي واعذبهة

_البارت الثاني _

- ڪنتُ هادئاً أڪثر من اللازم ،
في وقتٍ ڪان من المُفترض أن أشّن حرباً 💛

#فصليتي واعذبهة
#yaqeen.hassan♥.
.
.
.
.
.
ميار:كعدت الصبح غسلت وبدلت لبست

ونزلت على الدرج نزل حسين وياي باوعت علي عيوني دمعت هاي اخر مرة اشوفة الصبح الله اعلم منو رح اشوف رحت حضنتة _صباح الخير باباتي
حسين :صباح النور بنوتي الحلوااا

ميار :باوعت دنج راسة يريد يبجي مردت طلعتي تكون حزينة حبيت اغير جو للبيت عاد كتلة _شنو هاي رح تبجي والله لذا بجيت ازعل عليك مو زين رح تخلص مني

حسين :واذا خلصت منج منو رح يضل النة  منو رح يكعد من الصبح يعيط علينة لج انت فرحة حياتنة

ميار :اني اكلك رح اروح ابوس مريم واحضنهة وانطيهة الفايروس مالتي حتى هية تكوم تعيط وتكمز عليك الصبح بس هاا مو تطلكهة اكتللك والله

مريم :رح نشتاقلج مومو
ميار :جتي الحساسة ولج لتبجين تعالي _حضنتهة واني كوة حابسة الدمعة ادري مرح اكدر اشوفهم بعد
_تمام كافي يلة كافي بجي امشي نتريك نزلت وتلكتني ماما تحضن وتبوس بية بست ايدها وراسها وكلت _ماما لتخافين علية اني بنتج مستحيل اعوفج ورح اجيج لتخافين شبيكم عبالك رح اموت _رحت لبابا هم بست ايدة وراسة وكتلة _بابا سلملي على علاوي وكلة رح اشتاق لخبالاتة وكلة خلي يتناكر وية مريم مو تضلون عايشين بكأبة تمام لان اخاف ارجع الكاكم بالشماعية 😂😂

حسين :لعد من هسة رح اروح وصلوني بدربكم

ميار :يوومة باباتي الة انت لتتخبل حباب اول شي سمي بنتك ميار يلة تتخبل تمام والله اذا سميتوهة غير شي اكسر ايدكم او لا ايدكم معليهة اكسر حلكم ماشي

حسين:ماشي ماشي كامت تكسر حلوك

ميار :هههههههه تريكنة وودعتهم بس احمد ماكو طالع الصبح للشغل ادري بي ميكدر يشوف الموقف ركبنة بالسيارة ورحنة لبيت اهل الولد اللي بغداد واني ابجي بالسيارة لان مكدرت احبس دموعي
(ملاحظة:بهذاك البارت من ورة محجة فهد بالاخير كال ثاني يوم طلعنة للبصرة معناها وياهم ميار لان ميار رح هسة يودوهة اهلها لبيت فهد اللي بغداد وتروح وية فهد للبصرة اسفة على الغلط 🌚)
وصلنا لبيتهم واني منزلة راسي ودموعي تنزل كام يحجي بابا وية حجي جبير ويوصي علية

جعفر: حجي ميار بنتي الوحيدة واني نطيتهة الكم بس حتى اوكف بحر الدم بس طلب واحد واكون ممنون منك ليوم الدين دير باللك عليهة ولتاذيهة هاي وحيدتي ومو سهل ان استغني عنها

حجي كاظم:ولو ابو احمد صارت هسة مثل بنتي فوتي بنتي جوة خلي نعقدلكم

ميار: فتت وية الرجال وكوة عفت بابا عيني عليهم لحد ممشت السيارة صحاني من تفكيري واحد حجة وياي