فصليتي واعذبهة

_البارت العشرون _

‏و كل مُناي أن أنساك حقًا
و أن أمحوكَ من نصي و شِعري
و لكن كلما خطيتُ سطرًا
وجدتكَ مُلهِمي و إمامَ فِكري
.
.
.
.
#write:yaqeen.hassan
#فصليتي واعذبهة
.
.
.
.
ميار : طكيتلهة صور ودنطلع وفجا سدت الباب مال السطح علية ضليت ادك بالباب سمعت صوت جمدني بمكاني درت وجهي وشفت جلب جبيييير هذا يحرس السطح اخاف يجي حرامي اباوع علي وادك بالباب صوتي احسة راح كمت ابجي واصيح على فاطمة وماكو جواب لان الحنة مال سجاد توهة بدت والمزيقة هسة اجتي وديهوسون واني ارجف وهذا يتقرب مني وخرت شوية وهجم علية واني ادفع واصرخ بالاخير عضني قوووي بايدي حسيت سنونة نبتت بايدي صحت بكل قوة عندي _ فهههههههههههددددددددددددددددد

فهد : اجاني صوتهة من بين كل الاصوات طبيت ركض للبيت مهتميت منو جوة صعدت سويت الدرج خطوتين وصلت فوك افتح الغرف ماكو رحت فتحت باب السطح واشوفهة مددة والجلب فوكاهة رحت دفرتة بسرعة وبالي يمهة شجابهة شفتهة فاقدة باوعت لايدهة الدم مغطيهة شلتهة وقفلت باب السطح واحس قوة ماعندي خفت عليهة ماعرف شحجي اني جسمي يرجف نزلت بسرعة صحت على ناز _ ناززززز جيبي عباية بسرعةةةة
غطيتهة بالعباية وكلتلهة لتكولين لاحد اخذتهة و الطريق كلة اريدهة تكعد ماكو اخخخخ بس لو اعرف شصعدهة للسطح وصلت بعد ربع ساعة شلتهة بسرعة اخذوهة بالسدية ودخلوهة للغرفة الطوارئ واني احس حيلي يرجف ماعرف شبية كعدت وماكدر اوازن نفسي اباوع قميصي كلة دم يربي نشالله مابيها شي ورة ساعة طلعت الدكتورةمن الغرفة _ بشري   دكتورة شلونها

الدكتورة : الحمد لله نضفنة الجرح هوة عميق شوية بس كدرنة نعالجة رح انطيهة مسكنات وعلاج لان رح ياذيهة من تكعد ونشالله شهر وتصير زينة وهاا حاول لتخليهة تشتغل بيهة تمام

فهد : نشاللة دكتورة تسلمين

الدكتورة : عن اذنك حمدلله على سلامتهة

فهد : الله يسلمج _ راحت الدكتورة وفتت للغرفة جانت ايدهة ملفوفة باوعت على فستانهة اخخخ ربي شلون تريد تكفرني بهالليل شلون طالعة بت الاذينة كعدت يمهة انتضرهة تصحة من صحت كعدت تبجي وتكول افتحولي الباب صاير بيهة صدمة
_ ميار حبيبتي اني يمج خلاص مصار شي اني يمج

ميار، : فهد لتخلي يعضني فهد اذاني والله

فهد : مستحيل اخلي يتقرب منج اهدي حبيبتي دخيلج اهدي خلاص عمري انت _ حضنتهة وامسح على شعرهة _ ميار انت شوداج للسطح

ميار : فاطمة كالتلي بس نطك صور ونرجع
ومن طكينة ودنطلع قفلت الباب علية وراحت واني ضليت اعيط ومحد يسمعني

فهد : اخخخخ االله والله اذا مطلعت كل صرخة ودمعة من عيونج سم عليهة ميطلع اسمي فهد والله

ميار : فهد لتعوفني حباب

فهد : ماعوفج يكلبي ماعوفج اروح اشوف الممرضة واسوي ورقة الخروج واجي تمام