تحت الارهاب

حلقة 2

#تحت_الارهاب ☠

حلقة ( 2 )

مصعب سحب سلاحه و ضرب رصاصة !!

راكاان ..دموعه ينزلو ويخبط علي الارض
وهيفاء تجري لي سامر الي
طاح عالارض بدمه

مصعب..طبس علي راكان: نستنا فيك

وضربه علي وجهه

راكان..وذانه يصفرو و النزيف اثر فيه قعد يغمض في عيونه ويفتح لحد اغمي عليه بعياط هيفاء !!

راكان فاقد الوعي
يفتح في عيونه ويسكر
وكل الي يشوف فيه مشاهد وهوا فالمستشفي وعليه هلبا ناس مش مستوعب شئ يغمض ويسكر وصوت تصفير مفارقش وذانه
حاول يتحرك يبي يشوف سامر الدكتور ثابته : اعطوه مهدئ

راكان حاول ينوض من مكانه عطوه مهدئ وفقد الوعي نهائي مرة هادي

فتح عيونه بعد 24 ساعة

وشاف ايمينه وكان في حد اول مرة يشوفه مداير رجل علي رجل ويشوفلي

منذر..ابتسم
راكان حوول الغطاء وناض ؛ سامر وين

منذر ناض : اوقف مكانك واستريح
راكان..سكر راسه ووقف علي رجليه وطاح : سامر و صغاري
منذر..رفع راكان من الارض: اسمع يا راكان نقولك كل شئ غير اهداء ورد مكانك هاده المطلوب منك وتحكيلي الي صار بالحرف
راكان..عروقه وضحو من الاعصاب: صغاااري وين بعد من عليا
منذر: يا راكان خليك متعاون
راكان..دف منذر..وبعياط : بنمشي لصغاري بعد من علياا
منذر..بعياط: صغاري مخطوفين وولدك مات !!
راكان..سكت ويشوف لي منذر وعيونه يدمعو بدون ارادة
منذر: توا رد مكانك مش نلقو صغارك
راكان..عدل مكانه ويشوف لي منذر: من تكون انتا ؟
منذر: اني محقق قضايا اختطاف وجرائم
راكان: مرتي وين ؟!
منذر: مرتك في العزاء !
راكان..معاش قدر يتحمل وقعد يبكي ويشهق مكسور الخاطر : مقدرتش نحمي عيلتي مقدرتش
منذر: اي حد لو كان في موقفك مش حيقدر يدير شئ بس توا تقدر تساعدني واجد انك تحكيلي كل شئ ! واني حندير جهدي ونردلك سارة و سمير
راكان..هز راسه بمعني تمام موافق
منذر..فتح دفتره : علي حسب علمي انه قبل الاختطاف بيوم كنت في عملية نقل واعترضو طريقكم مجموعة مسلحة و انت الناجي الوحيد ! و بعد ساعات اعترضو طريقك مجموعة مسلحه وخطفو صغارك وقتلو ابنك لقينا في سيارتك شناطي وفيهم حوايج اني نقول انه نفس الي اعترضو عملية النقل اعترضو طريقك صح ؟!
راكان: ايه صح نفس الشخص الي شفت وجهه
منذر: شفت وجهه واحد منهم !
راكان: ايه
منذر: بس في شهادتك الاولي قلت انك مشفتش وجهه اي حد
راكان: خفت علي صغاري ! ومقدرتش نتكلم
منذر: تمام مرات لو قلت معلومتك راه فادتنا وكان في قبضة العدالة حاليا
راكان..يفكر بينه وبين نفسه يحكيله انه متعاون او لا !! وحيصدقوه لو قال انه كان تحت التهديد ! تحت الارهاب ومقدرش يدير شئ الا ينفذ الاوامر
منذر..انتبه ان راكان سارح: وين دماغك راح
راكان..فاق علي روحه: لا معاك
منذر: تمام ع حسب تحليلي هكي انتا كنت هارب من حوشك
راكان: ايه صح
منذر: تمام ممكن السبب
راكان: اني الناجي الوحيد وشفت وجهه واحد منهم ! قلت مرات يهجمو عليا ويقتلوني
منذر..يكتب فالدفتر: تقدر توصف مصعب ! اي شئ فيه علامات بارزة ؟!
راكان: عيونه سود لون بشرته قمحي طويل مش قصير و عنده وشم
منذر..رفع حاجبه باستغراب: وشم ؟
راكان: ايه ايه وشم في رقبته وكان سيارة كانها في حادث ومضروبة من القدام
منذر..زمط ريقه ويعرف كل شئ ووضحت قدامه هلبا حاجات
راكان: اني لو نشوفه نعرفه
منذر: تمام استريح انتا وحنعطي علم لزوجتك والدكتور حيطمنك علي حالتك
راكان..هز راسه