تحت الارهاب

حلقة 7

#تحت_الارهاب ☠

حلقة 7

لايك قبل ما تقراء ❤

بقلم محمد مالك

راكان يشوف للفيديو وعيونه دموع طاحت الكميرا من ايده
ومنذر وجهه احمر
راكان...شاف لي منذر ويتنفس بسرعةة
راكان سحب سلاحه وحطه في راس منذر

منذر..يوخر بشوية من سلاح راكان
راكان..بصوت عالي: اثبت مكانك

فرقة التدخل حايرين مش عارفين شن يدير
واحد منهم كلم المدير بالمايك وقاله راكان حاط سلاحه علي منذر

منذر: نزل سلاحك يا راكان انتا ماثر فيك الموقف !
راكان..دموعه ينزلو علي خده : علاش ؟! معندكش ضمير
منذر: فاهم غلط والله
راكان..بصوت عالي ودموعه ينزلو: انتا الي فضت الخطة 
منذر: اقسم بالله تعالي ما ليا علاقة بالموضوع لا من قريب لا بعيد انتا فاهم غلط مرات في حوشك يكون فيه كاميرات او فيه اجهزة تنصت مزروعة في مكان ثاني غير حوشك مرات في سيارة موضوع فيه احتمالات غير محدودة
راكان..يهز في راسه بمعني : لالالالا يا انتا يا المدير
منذر..رفع حاجبه: انتا شاك فيا وفالمدير ؟ بس لو كلامك صح وفيه خيانة اني عرفت الخائن
راكان..سحب رصاصه في بيت النار : تلعب عليا بالكلام ؟! ولدي يتعذب قدامي وانتا كل حد فيكم يتبع في المال
منذر: تتفكر وقت فتحت عيونك فالمستشفي ! وحكيتلي علي الشخص الي عليه الوشم بعد ما طلعت من عندك قلت مستحيل ان نقدرو نردو صغارك ومش حنقدرو نتقدمو لانه نشوف فيه مستحيل بس توا كل شوية نقربو اكثر واكثر ف نزل سلاحك ومتخليش روحك تستبعد من التحقيق لانك مش قادر تسيطر علي روحك
راكان: تقدمنا ؟! في شن بزبط رجعنا لنقطة الصفر توا علي اما تقدم تحكي
منذر: مدام انتا حتكمل معانا هاده يعتبر تقدم واني متاكد انك حتلقا حل للموضوع وتحل القضية بس تحكم علي نفسك عارف انك مقهور علي ولدك كيف ينضرب هكي اني منعرفاش ووجعني لانه ضرب طفل بطريقة هادي يوجع القلب ويقهر الانسان
راكان: توا زدت تاكدت انك الخائن

مدير..خش داهش يجري : راكان نزل سلاحك
راكان..شاف للمدير: هاده خائن يا مدير الخطة نفضحت
مدير: موضوع مش هكي يا راكان
راكان..بعياط لان عروقه يبانو وهوا يعيط: كييف وضحلي متبيش تركب الا هكي يا انت يا هوا انتا مديرش هكي خلاص انتا يا منذر نصاب               
مدير: نزل سلاحك يا  راكان مش شرط يكون شخص مرات حد الي فالعملية عطاهم علم مش شرط يكون منذر
راكان: من حيكون ؟! اني شاركت الخطة انتا وهوا بس الي فالقسم كلهم عالاعمي معانا
مدير: راكان نزل سلاحك ولا انتا حتستبعد من تحقيق نهائي ! مرات هما عاطين علم لو فيه تحرك غريب يعرفو انه في شئ صاير !
راكان..نزل سلاحه وعيونه دموع
طلع من المكان ومكلمش حد ويتحرك بالعكازات بسيف
لقى شخص يعرفه برا من القسم وصله للحوش

مدير: شن صار بزبط ؟!
منذر: كانو عارفين وواضح فيه خيانة او عندهم اجهزة تنصت فالقسم !
مدير: توا لما نردو القسم حندير كشف كامل ونخلي الكل يقلب القسم
منذر: اني حنشوف راكان
مدير: نصيحة متقرباش
منذر: الراجل واجعهه ولده لازم نكونو معاه
مدير: عنده اضظراب نفسي وتوا ف اسوا حالاته يعني احتمال تموت ع ايده لو تمشي خليه يهدآ وغدوا يجي القسم
منذر: اضظراب نفسي ؟
مدير: موضوع طويل نحكيلك بعدين توا ارجع بفرقة المكافحة للقسم واني راجع عندي مشوار
منذر: تمام