تحت الارهاب

حلقة 6

#تحت_الارهاب ☠

حلقة ( 6 )

بقلم محمد مالك ❤

خش مصعب ومعاه زوز واشر علي سمير: جيبوه

زوز قدمو وشدو سمير الي فاق ويعيط قعد

ناضو كلهم مخلوعين
منار جرت وشدت في سمير
مصعب عطاها كف لن طاحت علي الارض
وشد سمير من شعره وجبده

وسكر الباب وراه بقوة !

تلفت منار وشافت لي سارة الي كانت خاشه في بعضها وتبكي
حطت يدها علي خدهاا مكان الكف وناضت باتجاه سارة
وقعمزت عالسرير
منار: متخافيش حيرجع باذن الله
سارة: نبي سمير
منار: ايه حيرجع سمير
سارة: وعد
منار: وعد
سارة حضنت منار
شوية ومنار ناضت وقعدت تبكي
لي ان الي يطلع معاش يرجع !!

*
مصعب..في مكتبه

وفي كرسي قدامه مربوط سمير

سمير..عيونه دموع ويشوف لي مصعب

مصعب..ركز في نظرة سمير ليه نظرة غل وحقد وكره كلها متجمعه في عيونه: ادعى بابا ميلعبش بذيله
سمير..ساكت ودموعه ينزلو علي خده
مصعب: هههههههه مش حنديرلك شئ بس بابا لو دار شئ حنديرلك وقتها
سمير: يا بنت
مصعب..وقف من كرسيه وقدم لي سمير
وشده من وذنه بقوة ويتكلم بعصاب : تقول بنت مرة ثانية نقصلك صوابع ايديك صبع ورا الثاني فاهم ولا
مصعب..حول يده من علي سمير
وطلع من المكتب
لقى واحد واقف برا
مصعب: دور علي فتحي وجيبه
: حاضر
مصعب..ابتسم بالجنب

____________

راكان: وهكي خدينا كل المعلومات من الولد
منذر: والقضية انحلت
راكان: مزال
منذر..رفع حاجبه: كيف
راكان: فيه دافع متاكد خلى عبد الكريم يقتل حبيبه بوه اكثر من انه متحملش يشوف بوه معا مراة غير امه هادي حاجة وثاني حاجة نبو اعتراف مسجل من الحاج منصور يعترف انه تعاون
منذر: شن نبو اكثر الدم موجود في سرواله وولده اعترف والجثة في ملكيته
راكان: ومحامي شاطر يطلع ولده يبي الورث والفلوس ويطلع
منذر: تمام خش طلع منه اعتراف هي ونسكرو الموضوع ونلهو في موضوع غدوا
راكان: من لما جيت واني الي نحقق معا الناس تفضل انتا وريني شطارتك
منذر..ابتسم: متخشش عليا..وغمزله( ع اساس زي ما يدير راكان 😂)
راكان..ابتسم ويشوف فيه من الشاشة

خش منذر للغرفة وبدا التحقيق

مدير: عنده مستقبل
راكان تلفت: ايه يخدم بقلب
مدير؛ لكن بدون عقل مش كيفك أنتا
راكان: اني ليا 13 سنة نخدم وهوا مسكرش شهر وشوية يعني مزال الطريق قدامه
مدير: اني لما عرفتك مكنتش مدير وقتها وكانت ثالث سنة ليك تقريبا لما حولوك للقسم كنت داهية وعرفت اني متطلق وعرفت اني ضربت جاري من اول نظرة
راكان: مش داهية لا شئ اني نركز علي ابسط تفاصيل وهاده مرض اكثر من انه مفيد علي فكرة الي عندي اسمه متلازمة اسبرجر و90%الي عندهم المتلازمة يكونو مصابين بالتوحد وال 10% يكون عندهم حالات نفسية باضظراب
مدير: يعني انتا مريض نفسي ؟!
راكان..هز براسه : ايه يا مدير هاده الجانب الي ميعرفاش عليا مرة نكون مكتئب مرة نكون فرحان شبهه انفصام فالشخصية بس متحكم فيه بقدر الاستطاعة مفيش شئ بدون ثمن
مدير: بس هاده ما يمنعش ان موهبتك اسطورية لولاك لما عرفنا بالجريمة
راكان..ابتسم وشاف للشاشة