#تحت_الارهاب ☠
حلقة ( 3 )
بقلم محمد مالك
فتح عبد الكريم: تفضل ؟! مش ناوى تخليني نرقد اليوم !؟
منذر..دف عبد الكريم وجبد سلاحه وخش !!
عبد الكريم..بصوت عالي: نكلم فيك !!!
منذر ...مردش عليه وخش و سلاحه ف ايده
من دار لي دار
وعبد الكريم يعيط وراه وبصوت عالي !
الحاج منصور نزل من الدورج ومعاه الشخص الي عليه الوشم
الحاج منصور: تفضل يا محقق وليش رافع السلاح
منذر شاف الي عنده الوشم واقف جنب منصور وجهه عليه السلاح: انتا تعال معاي
اني ؟!
منذر: ايه انتا انزل الدروج وارفع ايديك
عبد الكريم : شن تبي منه ولد عمي هاده
منذر..فنص عيونه ف عبد الكريم : مرة جاية الي حتتكلم فيها بنرفعك معا ولد عمك
عبد الكريم: شن ذنبنا ؟! مش ترفعنا !!!
منذر..متوتر لانها قضيته الاولي !! وولد عمهم ينزل فالدروج علي مهل مهله
الحاج منصور: حنفتح فيك محضر وتوا تشوف
ولد عمهم رفع يديه
وتلفت
منذر حط السلاح علي خصره و شد ولد عمهم ودار كلبش ( اصفاد ) علي ايديه : افتح الي تبيه هادي خدمتي
وطلع بولد عمهم : شن اسمك ؟!
ولد عمهم : فتحي
منذر: عاشت الاسامي يا فتحي حنتعرفو علي بعضنا مزال
فتح باب السيارة وركبه الخلف
عبد الكريم ومنصور قدام الحوش يشوفو بحقد لي منذر
ركب السيارة واتجه بيه للقسم وكان مرة مرة يشوفله
ان فتحي مبتسم ولا كانه شادينه ! منذر من تركيز في فتحي استنتج انه ميت القلب وعضو من العصابة بدون اي شك وانه واثق مش حيصيرله شئ !
_________
مصعب في مكتبه
فتح زي المجلدات فيه صور للصغار وتحاليل وتفاصيل تامة
اسمع
واحد من الي معاه: نعم
مصعب: تمشي للحجرة رقم 3 وتاخد تحاليل من زوز صغار بنت وولد جدد
: تمام
مصعب..اتكى بالكرسي وفتح الدرج
وطلع تلفون جديد نوعيه قديمة بكل
وفتح شفرة جديدة فيه
ورده للدرج
منار مجمعة الصغار علي دائرة وهيا بينهم في وسطهم وتحكي في قصة
منار: الذئب طق الباب و الارانب قالو ماما جت والذئب كان يستنا فيهم يفتحو الباب ....قطع عليها باب الحجرة نفتح
والصغار كلهم شافو بعد ما كانو منسجمين
واحد منهم امشى اتجاه سامر وسمير وخش دكتور لابس نظارات وعلي وجهه عرق وملامح توتر هائلة
دكتور نزل علي رجليه : اني د.نزار وحنديرلكم ابرة هكي بسيطة ونعطيكم حلوة في المقابل
سمير: لا
دكتور..شاف لي منار بمعني تقنعه
منار..قربت من سمير: حيعطيك حلوى ومش حتوجعك ولا يا دكتور
دكتور.نزار: ايه بسرعة بسرعة
سمير: بس سارة لا
منار: علاش متبيش سارة تاخد حلوى ؟
سمير: ناخد ابرة انا ونعطي حلوى لسارة
منار..ابتسمت علي سمير ومستغربة كيف انه عتده طلاقة في الكلام علي رغم صغر سنه وكيف يحب اخته هكي !
سارة كانت عكسه انطوائية اكثر ساكته وديما وراء سمير
دكتور: منقدرش ندير ابرة ليك انتا بس حتا اختك لازم
سمير..ضرب الدكتور علي وجهه
دكتور..: اااااه
أنت تقرأ
تحت الارهاب
Mystery / Thrillerيموت شخص قدامك تحس بشعور غريب ويوجعك الموقف بس يموت حد قريب لقلبك وليك قدامك ! وانتا عاجز عن حمايته نفسيتك حتدمر قبل ما تدمر كليآ للكاتب محمد مالك..
