تحت الارهاب

حلقة 9 والاخيرة

#تحت_الارهاب
حلقة ( 9 ) والأخيرة

بقلم محمد مالك

القاضي: عندك شئ بتقوله ؟!
راكان: لا
القاضي: قررت المحكمة بحكم علي المدعو راكان ***** بالسجن لمدة 16 العام معا وجود كفالة بقيمة 500 الف دينار ليبي !
هيفاء..دموعها نزلو
ومنذر يشوف لي راكان

وعياط من جهة عائلة المدير عالحكم

الشرطة خدو راكان وبيطلعو بيه
القاضي: يمنح للمحكوم عليه 5 دقائق لتوديع عائلته

واقفين الشرطة جنبه وشادينه

هيفاء ومنذر قربو منه

راكان: سمير ؟!
هيفاء: عند اختي اطمن
راكان: تعرفي شغلك توا ؟!
هيفاء..هزت راسها ب ايه
منذر..يشوف مش فاهم
الحاج فيصل: شن درت في روحك يا ولدي
راكان: الله غالب يا حاج بس صغاري امانة عندك مش واثق بحد غيرك
الحاج فيصل: ان شاء الله ترجعلنا سارة بالسلامة يارب
راكان: حترجع باذن الله وهيفاء
هيفاء: نعم
راكان: توا طول تمشي الحوش تاخدي بضاعتك وتمشي لحوش اهلك لانه فيه اجهزة تنصت الحوش
منذر..رفع حاجبه: امس !
راكان: توا تفهم كل شئ الصبر
هيفاء: تمام توا نسلم الامانة ؟!
راكان: بعد ما تطلعي من محكمة تسلمي الامانة لي منذر طول وتمشي حوش تاخدي الي تبيه وتمشي لي حوش اهلك بس رد بالك حرف يطلع منك في الحوش متتكلميش حتا كلمة
هيفاء: تمام
منذر: اني هبلت منك اشرحلي
راكان: الصبر
الحاج فيصل: رد بالك علي روحك يا ولدي
راكان: باذن الله

الشرطي: تم وقتك

راكان..حضن هيفاء: ديري بالك ع روحك
هيفاء..دموعها نزلو وهيا تحضن فيه

وحضن منذر..وبصوت واطي: معتمد عليك
منذر: اطمن موضوع منتهي اعتبره

الشرطي خدا راكان وطلع بيه !

________

مصعب..في المكتب حاط ايديه ع راسه : يااا فتحي

فتحي..فتح الباب : نعم
مصعب: نادى عالشباب وتعال !
فتحي : تمام

شوية وتلقطو كلهم في مكتب مصعب

مصعب: شوف انتا وياه في زوز لازم يموتو اليوم ! لانهم خطر علينا واحد فالحبس ! والثاني شرطي موضوعه ساهل

فتحي: شرطي ؟!
مصعب: شرطي خلوه عليا ! نبيكم توصلو الي فالحبس كان معانا ومقصرش بس مفيش ضمان انه مش حيتكلم !
فتحي: تمام اني حنتصرف ف الي فالحبس
مصعب: تصرف معاه وشوف مكافئتك كيف حتكون يا فتحي حتعجبك بكل
فتحي ..طلع ومعاه الشباب

مصعب عالمكتب : بتلعب عليا يا راكان نسيت ان عندي الأولوية ديما بس نشهد بالله انك ثعلب واني احرف منك !

فتح تلفونه واتصل برواد ! وقاله تعالي نبيك !

__________

طلع منذر من محكمة
ومعاه هيفاء وحاج فيصل