السلام عليكم
قراءه ممتعه
شلته واخذته وياي للبيت بقينه نلعب وياه فرحانين بي ولسانه مصيبه كلامه مفهوم
رولا ' عمار تحب منو
عمار ' اثراء
حلا ' تعرفت عليه ساعات حبيته اي من خرب حظي
اسراء ' ههه واني اموت عليك
حمزه ' اسراء ديري بالج تحجين هيج كدام اسماعيل
اسراء ' دروحو مني تره والله اروح لبيبي
حمزه ' هههه ابقي انحب نشاقه وياج شبيج
اسراء ' لعد لا تشاقه وياي هيج
الاء ' صدك هوه وين اسماعيل
زهراء ' راح هوه ومراد و بيبي للبستان يشوفون الزرع
اسراء ' بيبي اخذت دواه وياه لو لا
زهراء ' اي اخذت دواه حضرتهن اله رولا
عمار ' اليد الوح لماما ( اريد اروح ل ماما )
اسراء ' ليش ضجت
عمار ' لا بس اليد انام
اسراء ' لعد تعال نام يمي
اخذته للغرفه فوك خليته بحضني صرت احجيله قصه ما حسيت غير نايمه اني وياه كعدت العصر شفت عمار نايم بعده غطيته ونزلت جوه شفت الكل مجمع رحت يم بيبي ونمت علئ جتفئ
الجده ' بعدج نعسانه
اسراء ' لا اصلا اليوم نمت هواي شوكت اجيتي
الجده ' قبل ربع ساعه من اجيت
اسراء ' اها
مراد ' وين الولد
اسراء ' عمار نايم بعده فوك
حلا ' تره عمار خبيث
مراد ' ليش شبي
حلا ' رولا سالته تحب منو جان يكلله اسراء
اسراء ' ههه والله انتن تغارن مني
حلا ' من حلاتج ونغار منج
الاء ' لا تشوفين نفسج
رولا ' لا تحجين جمع
الجده ' لا تحجن علئ اسراء
غزل ' بيبي تره احنه هم بنات ولدج
الجده ' اي بس اسراء اعز منجن
اسراء ' 😛 علئ عنادجن ههه
ازل ' لا تعيبين
اسراء ' ماشي خلود اكو نقص جنطه من مالاتي
خالد ' جنطه سوده مربعه صغيره بيه سحابه
اسراء ' اي وينها ماكو بغراضي
خالد ' ما ادري دوري عليه
اسراء ' ههه انته حافظ كل تفاصيله وما تدري بيه
