السلام عليكم
قراءه ممتعه
مــاعندي سـبع عيون و لاعـندي ســتة
شو هنّه بس اثنـين تارســهن انته 😍
الصبح
رولا : ازل غزل اكعدن يله كومن
ازل : شتردين من الصباحيات
رولا : اريد اشوف طولجن الحلو يله
ازل : رولا روحي نعسانه
رولا : حلا كومي ازل غزل يله ولجن مو البارحه كلتن انسوي حلويات
ازل : يعني نسوي الصبح رحمه الجدج روحي
رولا : حلا حلاوه طركاعه
حلا : مو تشوفيني مطموره ليش دفرين
رولا : يله كومي
حلا : شتردين
رولا : مو تردن انسوي حلويات
حلا : وعلي بيج كتله يا مخبل يسوي حلويات اول الصبح
رولا : مو العصر نطلع واروح نركب خيل شوكت تسون حلويات لعد
ازل : تعاي ياروحي نامي
رولا : تكومن لو لا
ازل و حلا : لا
رولا : ابقن مطمورات لعد
عفتهن ونزلت سويت ريوك تريكت وبقيت انظف بالبيت كملت وكعدت شويه ونزل انس بيده أمير
انس : صباح الخير قزمه
رولا : صباح النور اجكم
انس : هاج أمير تعلمي بي
رولا : إسراء وين لعد
انس : والله سمعته يبجي كلتلهم أنطوني ياه انطتني ياه إسراء واجيت
رولا : لعد حظرته البارحه مخلصه سهرايه خل اسويله ريوك
انس : تمام
رولا : شتريد تاكل انته
انس : بيض سلك سوي
رولا : تمام
رحت سويت ريوك الهم وكعدت اوكل أمير
انس : شعندج اليوم كاعده
رولا : متواعده ههه
انس : ههه لا والله شعندج
رولا : والله حلا والبنات ورطني كللي نكعد من الصبح نسوي حلويات حتى اروح نركب خيل العصر بس خلني اكعد وهنه كملن نومتهن
انس : حل تستاهلين
رولا : والله حتى ما شبعانه نوم وكعدت
انس : ارجعي نامي لعد
رولا : بس اني من اكعد بعد ما أكدر ارجع انام
انس : لعد ابقي كاعده وسوي فد شي تسلي بي
