السلام عليكم
قراءه ممتعه
اسراء ' اليوم عاقبني ما خلاني اركب الخيل من وره حمزه
الاء ' ليش حمزه شعليه
اسراء ' صرنه نحجي علئ فارس احلامي الي انتحر واسماعيل جان واكف براي وحمزه ما كلي واني تعاقبت
زهراء ' وانتي ليش تججين هيج اسماعيل ما يحب واحده تحجي علئ فارس احلامه واذا شارك بالحديث معناه يريد يشاقه
اسراء ' من شفته وشافني هوه ما يشاقه بشي
الاء ' والله اريد اعرف شلون راح تكعدون بيت واحد
زهراء ' ههه اله تكعد بيبي وياهم
اسراء ' والله ما اقبل اعيش بيت وحيدي بي
غزل ' مو اسماعيل يكعد وياج
ازل ' عود تسامرو
اسراء ' مو اسماعيل مال واحد يتسامر وياه
زهراء ' والله انتي شايفه اخويه بالعين الصغيره
اسراء ' لا والله بالعين الجبيره
الاء ' اكول يا بنات شنو رايجن نفرش السفره بره وناكل
اسراء ' هوه راح يكون غدانه بره بس يجي فادي نفرش السفره
فاديه ' بعد وكت حتئ الاذان ما ماذن
اسراء ' يا بنات صدك شايفات تليفوني
رولا ' اخر شي شفته بيد علياء كالت انتي طالبه منه التليفون واخذته
اسراء ' باكت تليفوني
حلا ' يعني ما طالبه منه جيبلج التليفون
اسراء ' لا ما طالبه منه شي اليوم اله اعلمه شلون تاخذ تليفوني والله ما اخليه تعد بسلامه
زهراء ' هاي سوالف زوزان اسراء لا تسوين مشكله علمود التليفون
اسراء ' التليفون بي ارقام وصور حتئ ترخيص كاتبه بي اذا سوت شي بالتليفون غير اخوج و بيبي يعلكون مشنقتي
الاء ' هسه علئ شنو هذا التوتر ما معقوله هيه لهل درجه حقيره وتخرب سمعتج تجي هيه وحجي وياه واذا نكرت نعرف تنصرف
اسراء ' اي انشالله
بقيت كاعده علئ اعصابي كملن البنات الشغل وبقينه كاعدين شويه وطب فادي جايب العلاليك الاكل
فادي ' تره الولد ويانه حسبت حسابهم
اسراء ' لعد الغده هذا وين نودي لو عرفت بيبي تشنقنه
فادي ' لعد تردي تمشي علئ الولد
اسراء ' اي
فادي ' لا عيني عود بقنه علئ العشه
زهراء ' اي انشالله صحيح فادي ما تعرف شوكت نرجع للبيت
فادي ' والله بكيف اخوج لان هوه السايق واذا طخت براسه ياخذنه هسه
