السلام عليكم
قراءه ممتعه
لو كان القلب ينطق ،،، لـنطق بـاسمك
لو كانت العين تنطق ،،، لـنطقت بـرسمك
لو كانت الــيد تنطق ،،، لـنطقت بـأمان لمسك
و لكن ليس لي الاّ ،،، شفاه ... لا تستطيع سوى أن تقول أحـــــــــبك
***
حلا...
من حاول فؤاد يتقربلي مراد صار متغير وياي وين ما اروح عيونه براي ومن تمرضت بيبي بقئ وياي حتئ ما يروح بيتهم كلامه الي الغاز وما يفهمني ومن توفت بيبي ورحت ويه اسراء جن جنونه عليه ما اعرف شنو سر عصبيته عليه بره الفاتحه بعد ما شفته لا احنه الي رحنه الهم ولا همه الي اجونه
اليوم عزمونه بيت عمي عدهم علئ ثواب مسون لبيبي لبست ثوب للركبه اسود ساده وبنطرون اسود لبست كلاده وحذاء فلات ابيض مالبست العبايه نزلت جوه مثل العاده ك اني اميره رحت يم بابا
حلا ' تررااه شلوني اخبل مو
انس ' تلعبين الروح
صالح ' ههه حلوه حبيبتي معليج باخوج
انس ' دشوفه جنه جني طالع من القبر
حلا ' لا تعيب لان حزينه ما اكدر البس غير شي ولا اكدر اخلي مكياج
انس ' جم مره غسلتي وجهج بالمي والصابون الله عليج
حلا ' هههه اربع مرات
انس ' هههه خرب بس خوش طالعه بيضه
حلا ' اي الحمدلله
صالح ' حلاوه روحي شوفيلي اخوج ومرته وين صارو
حلا ' اي انشالله
خليت وصعدت دكيت الباب عليهم سمحولي بالدخول ودخلت
حلا ' شوكت ناوين تنزلون
زهراء ' باجر
حلا ' لا خليه عكبه احسن
فادي ' بعد الاحسن هسه احنه شعدنه رايحين
حلا ' اندري ابقئ ويه الحب
فادي ' ولج يا حب دباعي بطنه واصله الخشمه همزين بعدني ما شردت منه
حلا ' ههه اني خل اروح قبل لا توكع شظايه براسي
سديت الباب واسمعه صار يتغرل وهيه ضايجه منه نزلت خربانه ضحك عليهم
صالح ' الله يجعل هل ضحكه خير
انس ' ههه شبيج ضحكيني وياج
حلا بضحك ' فادي وزهراء تعاركو بيناتهم وهسه دا يصالحه
انس ' هههه بابا امشينه هذوله منا الباجر ما يطلعون من الغرفه
صالح ' لا يطلعون هسه يراضيه
بقينه كاعدين صرت اني وانس واحد مقابل الثاني ونضحك شوي وخابرتني ازل كمت من مكاني ورحت بالمطبخ رديت عليه
