السلام عليكم
قراءه ممتعه
وشما اشوف وجوه حلوه
يبقى وجهچ ديرتي الماكو احلى منها
😍😍
كعدت الصبح غسلت ورحت صليت بعده رحت سويت ريوك اسماعيل نايم كملت تحظير الريوك وصعدت كعدته
اسراء ' اسماعيل يله اكعد اسماعيل
اسماعيل ' شتردين
اسراء ' اكعد حتئ نتريك
اسماعيل ' تعاي شوي
اسراء ' اسماعيل كوم ياعيني
اسماعيل ' تعاي ماراح اكلج
يحجي وياي وهوه مغمض دنه شويه ونمت وياه
اسراء ' قبل منجن تكعدني تكلي كسوله هسه منو الكسول هاا
اسماعيل ' انتي الكسوله
اسراء ' اني كسوله وهسه منو الي نايم
اسماعيل ' انتي الي نايمه
اسراء ' لعد منو الي مغمض عيونه هاا
اسماعيل بضحكه ' اني
اسراء ' هسه منو الكسول انته
اسماعيل ' اي يابه افتهمنه
اسراء ' لعد كوم
اسماعيل ' مو اذا اكوم وين اروح المحل وما افتحه راح ابقئ بالبيت وياج فه خليني نايم وشابكج هواي احسن
اسراء ' والاكل الي سويته ابقي
اسماعيل ' مغطيته لو مكشف
اسراء ' لا مغطيته لان اعرف بيك طول حتئ تنزل
اسماعيل ' لعد هاهيه نغمضي عيونج ونامي
غمضت عيوني وبقيت شابكته صارت الساعه ب11 كعدني اسماعيل وياه كعدت غسلت وجهي ونزلت اني وياه اخذت الطاوه وحميت الاكل وحميت الجاي وكعدنه ناكل بعده لملمت البيت عزلته نظفت الاثاث لان صالي هواي ما منظفته واسماعيل كل شوي حاجي عليه
اسراء ' اسماعيل هسه بدون هذا الكلام الي يوميه تحجي الي روح ونظف الطرمه لو نظف سيارتك لو اصعد بالسطح ونظفه
اسماعيل ' راح تشغليني بالبيت
اسراء ' اي لو تشتغل لو تكعد وتسكت لو تروح الشغلك بالمحل
اسماعيل ' والله طالع عندج لسان
اسراء ' ومن زمان اني عندي لسان قابل جديده عليك اني
اسماعيل ' لا بس ما عرفتج ام لسان طويل
اسراء ' هسه عرفتني
اسماعيل ' السطح شسوي بي مابي غراض حتئ اعزله
اسراء ' رشه بالمي واكنسه لان بي تراب وبعده غسله ومن تكمل غسل السطح تغسل الطرمه وياك تكمل بعده تغسل السياره مالتك وطببه للبيت
