السلام عليكم
قراءه ممتعه
حسيت شي ينزل عليه شي بارد على وجهي اسمع اسمي اريد أميز الصوت ما اعرف ولا أكدر افتح عيوني اخر شي جريت نفس قوي كلش مثل الميت وترجع روحه فتحت عيوني بالكوه اشوف مغوش بقيت افتح عيوني واسد بقيت أكرر المحاوله حد ما وضحت الصوره شفت اسماعيل يحجي وياي وما افتهم عليه بقت بحضنه ويضرب على خدي واني خدرانه مابيه حيل لا احجي ولا افتح عيوني
اسماعيل : اسراء لا تغمضين عيونج ابقى وياي احجي اي شي بس لا تسكتين ولا تغمضين اسراء تسمعيني لو لا
طلعت من حلكي بس كلمت *اي* بالكوه كلته وهوه بقى يحجي وياي ويريدني احجي بس اني ما عندي غير هاي الكلمه بقى منومني بحضنه اني خدرانه وتعبانه ما بيه حيل غمضت عيوني ونمت
الحفله
اجتي العروس من الصالون الكل صار يسأل على اسراء بس محد يعرف ليش طولو ياهوه الي يسأل نكله
*تعبت وراحت للبيت*
زهراء اكلت كلبنه عليه هيه ورولا
حلا : وابو فاضل علمي علمجن والله اسماعيل كال عدنه شغله ناسينه واذا انطول معليكم بينه
زهراء : اسراء ما حجتلج شي
حلا : لا ما حجت
رولا : اخابر عليه ما ترد
حلا : ناسيه تليفونه هنا شفته فوك أخذته وضميته اني
زهراء : خابري على اسماعيل
حلا : خابرته وما يرد وصار ينطيني رفض اخر شي فه عفته بعد ما خابرت
زهراء : يعني اكو عرس ما يحضر اخو العروس بي
حلا : لا تبجين انشالله يجون هسه
فاديه : وين اسراء
حلا : راح اكتب على كصتي والله
فاديه : هههه شبيج
حلا : والله مليت كل شوي شخص جايني يسألني على اسراء أخذه رجله رواحو للبيت
فاديه : اي على كيفج
الاء ' يابنات بيبي موتتني تسأل على اسراء اكلله ما اعرف هسه اجيت الجن اكو وحده عده معلومه جديده عليه
رولا : لا اسماعيل ما يرد علينه
الاء : والله اني خابرته كومه وهوه ما يرد عليه
حلا : هسه احنه شعلينه بيهم رجال ومرته بالبيت ليش نضايقهم يمكن عدهم مشكله يردون يحلوه هناك احنه شدخلنه
زهراء : والله صايره متحجيه
حلا : ههه خجلتيني
طشرنه كل وحده بمكان شغلنه السماعه وبقينه نركص الكل عرف اسراء رجعت للبيت ويه اسماعيل محد حجه شي اجتي الزفه لبسنه كلنه شالات عدلنه مكياج وهيه تبجي وعيونه بغوركه بالدموع مسحته دموعه ضحكناه شويه نست الخوف والتوتر شوي وطب العريس صار الجكليت والهلاهل وبعده زفوهم طشينه براهم شكر وراحو بسياراتهم للفندق احنه رجعنه للبيت بقينه نضف بس كرايبنه وكرايب باجي راحو يه بيبي بيته احنه البنات والولد بقينه نضف صارت الأجواء كله النه
