السلام عليكم
قراءه ممتعه
سهام ' بيبي شوكت ناخذ جنتنه للبيت
الجده ' كملو التجهيزات العرس واخذوه
سهام ' لعد احنه ما عدنه شي بس نشتريله النيشان وناخذه
الجده : شوكت تشترون النيشان
سهام : عكب باجر العصر أخذه اني وأم خالد نشتريله النيشان
الجده : شنو العصر الصبح باجر تاخذيه
سهام : اي انشالله باجر الصبح أخذه للسوك ونشتريله الي يعجبه
الجده : اخذيه للكاظم واشترو هناك
اسماعيل : بيبي بس اني ما أكدر اوصلهم لان باجر عندي بضاعه الصبح والعمال ما يدبروها
الجده : مو مراد يشتغل وياك
اسماعيل : اي بس ما يعرف النواقص والغراض الي اريدهن
الجده : مو مشكله كله على الي تريده
اسماعيل : اي انشالله
الجده : العرس شوكت
سهام : بعد اسبوعين
الجده : لا هواي 10 واخذوه
اسراء : بيبي ليش مستعجل تريدين تخلصين مني بساع
الجده : اذا طولت خطوبتج راح تصير مشاكل كل ما نستعجل احسن
اسراء : تره حتى ما شايفه البيت وين اكو عروس ما تشوف بيته
الجده : حتى لو اسماعيل راد يشوفج البيت أرفض
اسراء : وليش
الجده : لان فال مو حلو العروس طب للبيت قبل زفته اسماعيل الحجي موجه الك هم ما طب للبيت غير يوم عرسك
اسماعيل : اني شكو بالموضوع
الجده : كلت ماكو طبه للبيت غير يوم عرسكم
اسماعيل : بس منو يودي الغراض للبيت
الجده : باجر من تشترون النيشان تاخذوهن للبيت وانته عتبت الباب ما اطب هنه الي ياخذنهن ومن تكملون تقفلون الباب والمفتاح يضل عند سهام
حاولت انو العرس يتأجل بس ماكو انطتنه بيبي الأوامر وحنه علينه نفذ شويه وراحو خلص اليوم طبيعي
ثاني يوم الصبح جهزت نفسي لبست ثوب زيتوني ومكياج خفيف خلصت وبقيت كاعده يم بيبي اجوي سلمو على بيبي وبعده طلعنه بالبدايه رحنه زرنه وكملنه وبعده صرنه نشتري واول ما اشتريت جادر مال الصلاه هاي من أوامر بيبي بعده رحنه على ملابس صارن يشترن واني وارفض بس يعاندني ويشترن الي يردنه صرت اتوسل بس ماكو فايده
اسراء : باجي لا تشتري والله مالبسه
سهام : ليش
اسراء : دشوفي طوله كله شبر وربع شيغطي
