تزوجِ الارضاء جدتي

بارت العشرون

السلام عليكم

قراءه ممتعه

اجني الاء وفاديه يقنعني واني باقيه ابجي لان احسن اكو شي بداخلي ومخنوكه حتى نفسي بالكوه أخذه

فاديه : هسه انتي على شنو تبجين اذا على مود بيبي الله يرحمه كافي تبجين عليه لان هيه راح تتعذب بقبره من وره دموعج واذا تبجين لان اسماعيل عصب عليج هذا هوه طبعه

الاء : وانتي الله يسلمج ما قصرتي عاندتي وما اكلتي ولا لكمه وكل هاي من صعدتي هنا ما خبرتي شخص

اسراء : كافي تعبت والله فدوه بعد لا تحجن ويايه

شبكتني فاديه وكالت

فاديه : المصلحتج دا نجبرج تاكلين والله ولا تنسين انتي جواج روح ثانيه ولازم تغذي

اسراء : فاديه دا اكلج ما أكدر اكل والله تلعب نفسي من أكل وهم ما اللي نفس اكل

فاديه : بس صالج يومين من دون اكل هيج حتى عافيه ما راح تبقى عندج

الاء : يا بنات تره حاره صارت هنا خل ننزل جوه

فاديه : يله سوسه كومي وياي خل ننزل

اسراء : اريد ابقى هنا روحن انتن

الاء : رحمه للرضى كومي كافي عاد

فاديه : الاء انزلي انتي اني راح ابقى وياهه

الاء : ماشي

بعده الاء واكفه اجتي حلا تركض خلت التليفون باذني كمشت التليفون وكال

اسماعيل : اسراء بس فهميني انتي ليش معانده لا من الي نازله جوه ولا من انتي ماكله اذا دا تسوين عناد وياي عوفي العناد لان ما راح يفيدج وقبل لا تفكرين بمصلحتج فكري بمصلحة الي بطنج شنو ذنبه يبقى من دون غذاء وكافي بيبي ماتت وراحت يم ربها وانتي هنا تعذبين نفسج وتعذبين الطفل وياج هذا شنو ذنبه يموت من الجوع من وراج ادري بيبي تعنيلج كلشي بس مو تموتين روحج من الاكل

أسراء : تعبت حسو بيه تره الي راحت مو بس بيبيتي راحت عائلتي كامله وياه هيه امي وابويه حتى اختي وصديقتي هيه صندوك أسراري هيه الي تفهمني من دون كلام عشت وياه طول هاي السنين تردوني اكل واشرب اني مخنوكه وما اعرف شبيه احس روحي اريد تطلع مني بس ما تطلع اني دا اتعذب ومحد يحس بيه تردوني أبين طبيعيه حتى ارضيكم ارحمو بحالي والله دا اموت والله دا اموت كافي تجبروني علئ شي كافي

شمرت التليفون علئ حلا وبقت ابجي بقن البنات كاعدات يمي بس ما يحجن شوي وقنعتني فاديه ننزل وافقت واول ما كمت علئ حيلي حسيت الدنيه افترت بيه اريد اوازن روحي ما اكدر جلبت ب فاديه بس بساع وكعت

حلا ' اسراء فتحي عيونج اسراء لا تغمضين ابقي ويايه

فاديه " الاء جيبي مي بسرعه خل نكعده