لستُ ضعيفة

الفصل الثاني كل شيء يتغير

"مش كل حاجة حلوة بتكمل لازم يكون في حاجة وحشة تبوظ الحلو دا كله و تخليه ملوش طعم او تهده كله و سعات احنا الي بنختار اذا كنا نشوف الحلو بس ولا الوحش بس"
شريف باندهاش : هو انت؟
محسن برفعة حاجب: اهلا ايه الي جابك هنا؟
شريف : جاي اعمل انترفيو هنا انت بتعمل ايه هنا؟
محسن : انا شغال هنا بس لحظة لحظة انت جاي تقدم على شغل ؟!
شريف بانزعاج: اه و فيها ايه!
محسن : مقصدش بس انا عارف ان الشغل مش في دماغك خالص اشمعنة دلؤتى عايز تشتغل
شريف : لاقيته قريب من البيت  و قولت اجرب عشان اترحم من أسطوانة النصايح بتاعت كل يوم
"كلام محسن حسسني اني فاشل فعلا اه انا بقول على نفسي فاشل و  امي  و اخواتي إنما حد تاني  لا بحسها اهانة كبيرة اوي و عشان كدا قررت انه هيبقى نظام تحدي و هشتغل و هعلي و هوريه اني بتاع شغل و مش فاشل"
..................................................................................
بعد الانترفيو ب ربع ساعة
أمجد : منى
منى: ايوه يا فندم
أمجد : عندي ليكي تحدي جديد هيسهل في موضوع الترقية
منى بحماس : تحت امرك يا فندم 
أمجد بابتسامة : حلوة اوي الروح الحماسية دي التحدي هو أن النهاردة جيه موظف جديد بس شكله.... مش بيفهم حاجة بس محسن موصي عليه و انتي عارفة غلاوة محسن عندي عاملة ازاي
منى : و المطلوب مني يا فندم؟
أمجد : المطلوب منك انك تعلميه كل شغلنا و تخليه موظف شاطر زيك و ان نجحتي الترقية هتبقى من نصيبك على طول
منى : تمام يا فندم هو فين
أمجد : هيجي بعد خمس دقايق  كملي شغلك على ما يجي
منى: تمام
" بصراحة مكنتش مرتاحة لفكرة اني ادرب حد دي نهائي لاني... تقدروا تقولوا مش بستحمل الاغبياء و بتعصب بسرعة  و كمان محسن موصي عليه دي دايقتني اوي لأنه بيفضله عشان خطيب بنته و كمان الي يدايق اكتر انه مبيفهمش حاجة و كل الموظفين الي أتقبلوا مش بيفهموا حاجة  يعني بصراحة حد تاني الأولى بمكانه دا بس هعمل ايه بقا على رأي المثل ادي الحلق ل بلا ودان.... قطع حبل أفكاري صوت حد جنبي"
شريف : طيب اجي كمان شوية تكوني خلصتي سرحان
منى: انت مين انت و عايز ايه و ازاي تكلمني كدا
شريف : انا الموظف الجديد و قالولي انك هتقوليلي على قواعد الشغل
منى : اه  اذا كان كدا ف ما شاء الله بداية مبشرة
شريف برفعة حاجب : بتقولي ايه؟
منى بابتسامة مصتنعة : بقول اتفضل عشان اوريك الشغل ازاي
.................................................................................
بعد الساعة ٤
" بعد يوم طويل من الشغل و  الشرح المفصل المتكرر اكتر من مرة لواحد مخه مش موجود في رأسه اصلا  حسيت بصداع و تعب شديد و فكرت مروحتش البيت النهاردة و اروح اروق عن نفسي  و اتجهت لاقرب كافيه و طلبت قهوة دوبل عشان الصداع  و انسجمت مع ريحتها و طعمها كانت احلى حاجة اختم بيها  اليوم النهاردة... بس و انا قاعدة لمحت الراجل العجوز الي جبت منه الورد الصبح و لما شوفته افتكرت اني نسيت الورد في المكتب بسبب انشغالي بالاستاذ الجديد ف قومت و روحتله "
منى: مساء الخير يا حج فاكرني؟
الراجل : ايوه طبعا ازيك يا بنتي
منى: هو انت اسمك ايه يا حج؟
الراجل : اسمعي عم منصور
منى: و انا منى  اتشرفت بيك يا عم منصور.. كنت عايزاك تعملي لفة زي بتاعت الصبح
عم منصور: والله يا بنتي كان نفسي البي طلبك بس الورد دبل لانه معايا من الصبح بس تعالي معايا المشتل و اعملك لفتين مش واحدة بما انك بتحبي الورد كدا
منى بتوتر: ربنا يخليك يا عم منصور بس انا حقيقي مش هينفع اجي لاني لازم اروح
عم منصور : طيب خلاص استنيني هنا خمس دقايق المشتل مش بعيد
.... بعد خمس دقايق
عم منصور : اتفضلي يا منى ادي الورد اهوه
منى :الله دا جميل اوووي دا احلى من بتاع الصبح ... شكرا اوي يا عم منصور عايز كام كدا؟
عم منصور : لا دا من غير فلوس خالص  دا هدية مني ليكي  يلا بقا عشان تروحي عشان الوقت اتأخر
منى بابتسامة : ربنا يخليك يا راجل يا طيب و يسعدك زي ما فرحتني كدا 
..................................................................................
ام شريف: يلا يا شريف عشان تتعشى
شريف بكسل : جاي اهوه
ام شريف: قولي بقا الشغل كان حلو النهاردة
شريف : كان رغي رغي رغي و مفهمتش حاجة و ما صدقت ان الساعة جات ٤ عشان اروح
ام شريف : انت مش بتقول انهم خلوا اشطر موظف هو الي يقولك على إرشادات الشغل
شريف : ايو بس دي موظفة... دي بنت انا مش عارف هي وصلت ازاي المكانة دي
ام شريف بثقة: ما يجبها الا ستتها
شريف : تاني هنرجع للامثال تاني
ام شريف : متبقاش متنشن كدا اتعلم منها و يمكن تفيدها و تبقي زيها كمان او احسن او.... تنسجموا مع بعض
شريف : لا مفتكرش اني انسجم معاها و بعدين هي مش حلوة اوي يعني عشان ابصلها
ام شريف بحزن : يا ابني بص للجوهر مش للشكل  خد وحدة بتحب روحها ولا تاخد واحدة بتحب شكلها  لان الشكل هيروح مع الزمن إنما الروح عمرها ما هتروح الا للي خلقها
شريف : طيب انا قايم انام
"مش بفهم انا كلام ماما دا بحس انها من كوكب تاني عايشة في زمنها و مش شايفة ان البنات كلها دلؤتى مش حلوة من جوا و الي برا كله مكياج و بصراحة مش بستحمل كلامها دا بحسه تقيل على قلبي و قررت اطنش و افتح النت اضيع وقت عليه  و نمت متأخر طبعا"
.................................................................................
صباح جديد
" صحيت متأخر و نزلت على طول عشان اروح الشغل و عشان محسن ميفتحش بوقه معايا و يقول اني مش قد الشغل تاني بس اول ما وصلت"
منى بعصبية: اتأخرت يا استاذ... الموظف الجيد لازم يكون بدري في شغله
شريف بنرفزة: انتي بتكلميني كدا ليه ميكونش فاكرة نفسك المدير ولا ايه
منى : شوف شوف مين الي بيتكلم
شريف:...................