نجمة الأدهم ج1 《المُعدلة》

الفصل التاسع

ادهم بصدمه: قولتي ايه؟
لارا بإشتياق: قولت عندك استعداد ترجعلي؟
ادهم بوجع: انتى متوقعة ان بعد اللي انتى عملتيه هوافق
لارا بوجع: صدقني لو كان بإيدي مكنش دا حصل
ادهم بحزن: امال كان بإيد مين؟
لارا بإبتسامه حزينه: انت عارف؟ احنا لو كنا اتجوزنا من سنتين كان زمنا دلوقتي معانا ولاد فاكر كنا عايزين نسميهم ايه؟
ادهم بدموع على وشك الهبوط: طبعاً فاكر..ليث ولينا
لارا بدموع تنهمر على وجهها مثل المطر: انت عارف ان انا عمري ماحبيت حد غيرك صح؟ انت عارف اني عمري ماتمنيت حد غيرك اب لولادي صح؟ انت عارف!! انا كنت كل ما افتكر الجرح اللي انا سببتهولك كنت بفضل اعيط كنت كل ما افتكر لما جيتلي الاوضه وقولتلي انك بتكرهني افضل اعيط ادهم انا بحبك اوي..واكملت بكاء....
اجلسها هو على اقرب مقعد وجلس امامها على ركبتيه ومسح لها دموعها التي كانت مثل السكاكين بقلبه وقال: لو فعلاً بتحبيني قوليلي ليه عملتي كدا
لارا ببكاء: هقولك والله هقولك بس مش دلوقتي انا مش قادره يا ادهم
ادهم بهدوء: طب ارتاحي شوية وبعد كدا نقوم
بعد فترة: احسن دلوقتي؟
لارا بإبتسامه على ثغرها: اه اسندني بقا
ادهم بمزاح: السناد اللي جبهولك ابوكي انا
تطلعت له بعبس طفولي ثم قالت: انا زعلانه منك وهخلي لينا وليث لما ييجوا مش يكلموك يا وحس
ادهم بحب: يعني هييجوا؟
لارا بحب: اكيد
ادهم بمزاح وهو يسندها: وبعدين ايه وحس دي؟
لارا بضحك: مس عالفه
ادهم: مس عالفه!!انتي طفله؟
لارا بحب: اه انا طفلتك
ادهم بإبتسامه: ماشي ياستي...هتقوليلي امتى بقا؟
لارا بتفكير: فاضي بكره؟
ادهم: حتى لو مش فاضي افضالك
لارا بإبتسامه: ماشي يبقا تيجي البيت نفطر مع بعض وبعدها نتكلم
ادهم: بس اسألي ساره الأول
لارا: ساره مش هتقول حاجه وبعدين هي هتبقا نزلت الشغل اصلاً
ادهم: ماشي ياستي...بعد ما اعرف السبب هترجعي القصر غصب عنك
لارا بعبوس طفولي: ايه غصب عنك دي؟ انا مش بعمل حاجه غصب عني
ادهم بحده خفيفه: اي حاجه انا اقولها تعمليها وانتي مغمضة عينك من قبل ما تفكري حتى
لارا بحب: وانا عشان بحبك ف هسمع كلامك في اي حاجه تقولها
ابتسم لها ادهم ثم خرج من المشفى ورأي سيارة سارة فذهب لها واجلس لارا بجانبها وقفل الباب وقال: ساره انا همشي وراكوا بعربيتي عشان اطلع لارا الشقة
ساره بإبتسامه خفيفه: ماشي يا ادهم
وذهب ادهم واستقل سيارته وعندما رأته ساره قادت سيارتها وهو ورأها...بعد خمسة عشر دقيقه كانت ساره تقوم بصف سيارتها وادهم هو الاخر كذلك وعندما انتهوا نزل ادهم من سيارته وفتح الباب وحمل لارا وقال بجديه: هطلعك الشقه تغيري هدومك ومش هسيبك غير لما اكون مقعدك على السرير عشان مش هتقدري تقفي
لارا بإبتسامه واسعه: ماشي
ذهبوا جميعاً الى المصعد واستقلوه وذهبوا الى الطابق التي تتواجد به شقة ساره...فتحت ساره البيت ودلفوا جميعاً..
ساره: دخلها يا ادهم جوه هي ليها اوضه
ادهم: فين ياساره؟
ساره: تاني اوضه على اليمين
ادهم: تمام
دلف ادهم الى داخل الغرفه التي قالت عليها ساره واجلس لارا على السرير وقال وهو ينهج: ها ياست لارا هتعملي ايه تاني؟
لارا بمرح طفولي: ايه يا حبيبي؟ انت عجزت ومش قادر تسندني ولا ايه؟
ادهم بمكر: تحبي تشوفي
لارا: لا شكرا
قطع حديثهم طرقات ساره على الباب
ادهم: اتفضلي يا ساره
دلفت ساره وقالت وهي تحمل حقائب لارا: مش هتغيري هدومك يا حاجه ولا ايه؟
لارا بضحك: والله كنت لسه هقول لأدهم
ساره: طب ياستي يلا
ادهم: انا هستنى بره ولو عوزتي تنقليها في اي حته اندهيلي
ساره: حاضر
خرج ادهم من الغرفه وبدلت ساره للارا ملابسها وجعلتها ترتدي الاسدال والحجاب عليهم وقالت: بقولك ايه؟ اول ما ادهم يمشي هتحكيلي كل حاجه...سامعه؟
لارا بضحك: حاضر ياستي
ساره: هطلع اندهله وهسيبكم شوية مع بعض
لارا بفرح: ماشي...ساره هو ممكن اقول لادهم يبات معانا؟ اصلي بصراحة خايفة نقعد لوحدنا بصي لو مش موافقه عادي والله مش هزعل وهحترم رأيك جداً
ساره بحب: يابنتي انتي هبله..اكيد معنديش مشكله..وبعدين ادهم دا اخويا
لارا بشكر: شكرا ياقلبي
ساره بإبتسامه: العفو ياروحي
ذهبت ساره وندت لأدهم واتى للارا وجلس بجانبها على السرير
لارا برجاء: ممكن تبات معايا النهرده عشان خاطري؟
ادهم بإبتسامة عشق: ياحبيبتي مش هينفع ممكن ساره متوافقش
لارا برجاء: لا انا قولتلها وهي موافقه لو سمحت بقا وافق
ادهم بحده خفيفه: لارا اسمعي الكلام
لارا بدموع: انت بتزعقلي عشان بقولك بات معايا..عموماً انا مش عايزة منك حاجه شكرا
خرج ادهم من الغرفه وبالشقة بأكملها وهو في قمة عضبه فهو سريع الغضب ولا يحب طريقة الاطفال هذه ولم يستمع الى نداء ساره له...
اما لارا فعندما خرج بكت بشده فهي كانت تريد ان يبقا معها فترة اكوى فهي تخاف من فكرة ان يحدث شئ فتضطر الى تركه مرة ثانية
ساره بإستغراب: لارا هو ادهم ماله ايه اللي ح...ايه دا مالك بتعيطي ليه؟
لارا ببكاء: طلبت منه يبات مرضاش وزعقلي وقالي اسمعي الكلام ولما قولتله براحتك مشي وسابني
ساره بحنان: معلش ياحبيبتي متزعليش تعالي عشان اقلعك الإسدال والحجاب
اومأت لارا لها..وقامت ساره بخلع الاسدال والحجاب للارا وقالت: مش جعان ياجميل؟
لارا بحزن: لا ياحبيبتي مليش نفس
ساره: طب احكيلي بقا ايه اللي حصل؟
قصت لارا كل شئ على ساره...
ساره بفرح: يعني كدا اتحلت
لارا بحزن: شكلها كدا لا
ساره بحزن عليها: ماشي ياحبيبتي نامي دلوقتي عشان متتعبيش
لارا بصوت يكاد يكون مسموع: حاضر
وقامت بعدل جلستها وخرجت ساره من الغرفه وحاولت لارا ان تذهب في النوم ولكن هناك شئ يمنعها...ظلت مستيقظة حتى الساعه الثالثة صباحاً....

الساعه التاسعه صباحاً:

لارا كانت نائمه بعمق ولكن قطع نومها شخص ما يرن الجرس بإستمرار
قالت بإنزعاج وصوت يشبه النوم: يوووووووه مين دا اللي جاي دلوقتي اوففففف
ثم قامت وجلست على السرير وحاولت النهوض ولكن رجلها تؤلمها بشده فأخذت هاتفها واتصلت بساره
ساره بإبتسامه: صباح الخير ياقمر
لارا: صباح النور ياحبيبتي...ساره في حد بيرن الجرس ومش بيسكت وانا مش قادره اقوم
ساره: طب ياحبيبتي انا هكلم ام محمد مرات البواب تطلع تشوف مين دا
لارا: ماشي ياحبيبتي وابقي قوليلي قالتلك ايه
ساره: حاضر ياروحي
قفلت لارا مع ساره..وبعد فتره اتصلت ساره بها وقالت: لارا ام محمد بتقولي انه بيقول انه ادهم
لارا بخفوت: ادهم...طب لارا انا مش عارفه اقوم اعمل ايه؟
ساره: متخافيش ياحبيبتي انا كده كده كنت سايبه نسخه من المفتاح لأم محمد عشان لو حصل حاجه وهي هتفتحله وانا كده كده سايبالك الإسدال والحجاب جمبك على السرير ماشي ياحبيبتي
لارا بشكر: شكرا ياحبيبتي ربنا يخليكي ليا
ساره بحب: ويخليكي ليا ياقلبي يلا باي لحسن اترد
لارا بضحك: باي
لبست لارا الإسدال والحجاب وقالت عندما طرق الباب: اتفضل
دلف ادهم للداخل وكانت معه ام محمد
وقالت ام محمد عندما تأكدت ان لارا تعرفه: طب يا انسه اني هروح بجا لو عايزه حاجه ابجي جوليلي
لارا بإبتسامه: ماشي يا ام محمد
ادهم بإبتسامه: استني يا ام محمد
ام محمد: نعم يا بيه
عطاها ادهم بعض النقود وقال: شكرا جدا على اهتمامك بلارا ودول حاجه صغيره عشان ولادك
ام محمد بفرحه: شالله يخليك يا بيه وينولك اللي فبالك
وذهبت من الغرفه بل من الشقه بأكملها
ادهم للارا وهو ملاحظ وجهها العابس: القمر لسه زعلان؟
لارا بحزن ودموع: القمر مش هيكلمك اصلاً
ادهم بحزن لحزنها: طب ممكن اعرف قمري زعلان ليه؟
انفجرت لارا باكيه وقالت: كنت عايزاك تفضل معايا...كنت عايزه افضل جمبك اطول فتره ممكنه....خايفه حاجه تحصل وتاخدك مني تاني واكملت بكاء
ذهب ادهم لها وقام بإحتضانها وقال: انا آسف والله مكنتش اقصد بس انتي عارفاني مبعرفش اتحكم في عصبيتي..ممكن متزعليش؟
لارا بشهقات: ماشي
ادهم بإبتسامه: مش هتحكيلي بقا عملتي كدا ليه زمان؟
لارا بخوف: هحكيلك...بس ماتيجي نقعد في البلكونه احسن
ادهم: ماشي يلا
وقام بسندها وذهب بها الى البلكونه وجلس واجلسها وقال: ها قولي يلا سامعك
لارا بخوف: اوعدني الاول انك مش هتسيبني
ادهم بنفاذ صبر: اوعدك
لارا بخوف وتوتر: يوم عيد ميلادك وانا بجيب الكيك كنت راكبه عربيتي وبسوق وبعدها...........
وقصت عليه كل شئ حدث منذ ان رأت معتز حتى عندما فعلت الحادث....
ادهم:......

_____________________

في القصر في الحديقة:

كانت ملك تسقى الورود وهي تغني بصوتها العذب ولكنها فزعت عندما قال احدهم بحب: مكنتش اعرف ان صوتك حلو اوي كده
ملك بخجل: ادم
ادم بحب: اه..عامله ايه؟
ملك بحزن: لارا وحشتني
ادم وهو يحاول التخيف من خزنها: معلش ادهم مش هيسيبها تمشي متخافيش
ملك بدموع: خايفه...خايفه ميعرفش يقنعها وتسيبنا للأبد
ادم بحنان: متخافيش انا معاكي
ملك بدموع: يعني انت عمرك ما هتسيبني
ادم بحنان: تؤ عمري ما هسيبك

_________________________