نجمة الأدهم ج1 《المُعدلة》

الفصل السابع

في صباح اليوم التالي:

في المشفى:

استيقظ الجميع وذهب مازن لجلب طعام ومشروبات لهم وبعد ان عاد كانت ساره تفحص لارا وعندما انتهت قالت بحزن عميق: شكلها كدا مش هتفوق
نور بدموع: سساره ببصي انتي دكتوره شاطره والنبي خاليها تفوق
ساره ببكاء: انا لا شاطره ولا زفت انا اكتشفت اني فاشله صاحبة عمري مش عارفه افوقها
ادهم بثقه: هتفوق انا متأكد
ساره: يا ادهم فاضل ساعه والاربعه وعشرين ساعه يخلصوا
ادهم بثقه:هتصحى انا متأكد
جلس بجانبها ومسك يدها وقبلها ثم قال : انا بحبك اوي يا لارا ابوس ايدك ما تسبيني

في الغرفه:

كان يعم حالة من الصمت.... الجميع متوتر وخائف الكل يدعي ان لارا تستيقظ...
ملك بحزن عميق: هي لسه مفاقتش؟
ساره بعيون مملوئه بالدموع: لسه ياملك لسه
نور ببكاء: انا خايفه متفوقش
مازن محاولة في فتح حديث معها: متقوليش كدا يانور ان شاء الله هتفوق
تطلعت له نور بعين حمراء وانف احمر بسبب كثرة البكاء..
تطلعت له بنظرة حرقت قلبه كأنها تقول له انني اكرهك ولا اريد ان اتحدث معك انت اصبحت من الماضي الآن!!!
وكان هو يشعر بتأنيب الضمير من اجل ما قاله لها...
______________________

عند ساره و مهاب:

ساره كانت تبكي من اجل رفيقة دربها ومهاب قلبه رق من اجلها فذهب لها وقال بحنان: الجميل بيعيط ليه؟
ساره ببكاء: لارا يا استاذ مهاب ممكن تروح مني
مهاب بحنان: اولا انا مهاب بس من غير استاذ ثانيا مش هتروح منك ولا حاجه ان شاء الله هتفوق اهدي بس انتي
ساره بين شهقاتها: وافرض ما فقتش
مهاب بعقلانية: تفائلوا بالخير تجدوه
ساره: معاك حق
قطعهم صوت ملك وهي تقول بفرح: لارا اخيراً فوقتي
ركضت ساره بإتجاهها ثم قامت بفحصها بفرحه عارمه وبعد ان انتهت قالت: بقيتي زي الفل انا مبسوطه مبسوطه اوي
وقامت بوضع قبلة على وجنتيها
ملك بدموع فرحه: انا مش مصدقة انك فوقتي
ثم ضمتها
نور بإبتسامه: لولو صحيتي ياقلبي وحشتيني اوووي
وضمتها
ادم بإبتسامه خفيفه: الف سلامه عليكي يا لارا قلقتينا عليكي
لارا بإبتسامه خفيفه: الله يسلمك يا ادم
تطلع لها مازن ولا يعرف ما الذي يجب ان يقوله هل يعتذر؟ لا يعرف مايجب عليه ان يفعل!!
تطلعت له لارا بإبتسامه واسعه لانها سعدت عندما رأته ثم قالت: ايه يامازن؟ موحشتكش؟
مازن بإبتسامه واسعه: اكيد وحشتيني ثم قام بإحتضانها وهي ظلت بأحضانه تبكي كانت تبكي على ما حدث معها كانت تبكي لانها كانت مشتاقه لحضن اخيها الذي حرمت منه منذ عامان كانت تبكي الماً ووجعاً...
مازن بدموع: انا اسف يا لارا سامحيني انا معرفتش قيمتك غير لما حسيت انك هتروحي مني...سامحيني ياحبيبتي
لارا بين شهقاتها وهي مازالت بأحضانه: مسمحاك يا مازن مسمحاك ياحبيبي
ابتعد عنها مازن ببطئ ثم مسح دموتها بأنامله وقال: مش عايز اشوف دموعك دي ماشي
اومأت له لارا بنعم...
كانت لارا تطلع بأنحاء الغرفه تدور عليه ولم تراه فعرفت انه لم يأتي فتنهدت بحزن وكانت الدموع متجمعه بعينها ولكن!! هناك ما اثار دهشتها وجعلها تبتسم بإتساع و جعل قلبها يرفرف وهذا الشئ كان....معشوقها الذي يقف خلف مازن لذلك هي لم تراه ولكن رآحت البرفان تبعه مميزه بالنسبه لها قالت بخفوت وهي تطلع الى مكانه: ادهم
ظهر ادهم من خلف مازن وتطلع لها ثم قال بجمود: الف سلامه عليكي يا انسه لارا
اندهش الجميع عندما نداها بلقب آنسة فلا داعي للألقاب بينهم
ولكن هي تطلعت له بدموع تلمع بعيناها ثم قالت بصوت يشبه البكاء لاحظه الجميع حتى هو: الله يسلمك يا...يا استاذ ادهم
كانوا ينظرون لبعض نظرات حزن وعتاب وعندما لاحظت ملك ان اختها على وشك البكاء قالت بسرعه: معلش بس ممكن تطلعوا عشان عايزين نغير للارا هدومها
تطلعت لها لارا بنظرة شكر وهي إبتسمت لها..اما الجميع فخرج من الغرفه ماعدا نور وسارة وفور خروجهم انفجرت لارا باكيه فذهبت لها ملك واحتضنتها وظلت تمسد على حجابها وقالت: بس ياحبيبتي شششش اهدي
نور بحزن: متزعليش نفسك يا لارا انتي لسه تعبانه
سارة بحزن: لارا حبيبتي انتي عامله عمليه لازم تهدي
لارا ببكاء: ادهم كل يوم بيبعد عني اكتر من اللي قبله انا تعبانه اوي وأكملت بكاء

_____________________

في الخارج:

ادم بعتاب: ليه يا ادهم عملت كدا؟
ادهم محاول في كبت حزنه: عملت ايه؟
ادم بهدوء:: انا عارف وانت عارف انت عملت ايه
ادهم ببرود: لا مش عارف
ادم بغضب: انت بتستهبل يا ادهم انت مش شايف حالتها كانت عامله ازاي انت مشوفتهاش!!! دي كانت هتعيط قدامنا كلنا..مكنتش قادره تمسك دموعها...انت عارف ملك طلعتنا ليه!؟ ملك طلعتنا عشان منشوفش ضعف لارا
ادهم بعصبيه ودموع: عايز تعرف عملت كدا ليه؟ اقولك انا ليه!! انت عارف انا بحب لارا قد ايه بس انا لازم اعرف هي ليه سابتني زمان...لازم اعرف هي ليه جرحتني
ادم بحزن: بس مش عشان تعرف هي جرحتك ليه تجرحها انت
ادهم بدموع: مين قالك اني عايز اجرحها...انا لو لارا اتجرحت اكني انا اللي اتجرحت مش هي انا ولارا واحد يا ادم
ادم: ادام كدا يبقا ليه بتعذب نفسك وبتعذبها معاك انا مش فاهم دماغك
ادهم بغموض: بكره تعرف
قطعهم خروج ملك من الغرفه لتقول لهم انهم انتهوا ليدلفوا جميعاً وعندما تطلع ادهم الى لارا وجد عيونها حمراء وانفها احمر فعلم انها كانت تبكي كان يريد ان يذهب لها ويأخذها بين احضانه ويهديها اما هي فتحاشت النظر له وعزمت في نفسها ان تنساه
قالت لسارة: ساره هو انا ممكن اخرج امتى؟
سارة: خروج ايه يابنتي؟ انتي مش هينفع تخرجي قبل اسبوعين بالكتير
لارا بإعتراض: لا طبعاً انا عايزه اخرج بكره بالكتير
ملك:انتي هبله يالارا ولا ايه تخرجي ايه بس
لارا بدموع: عادي انا كدا كدا مش فارقة مع حد....وبعدين وايه يعني ما الدكتوره نفسها هتبقا عايشه معايا
ملك بفرحه: ايه دا؟ ساره انتي هتيجي تعيشي معانا واخيراً
لارا بجمود: لا
ملك بإستغراب: امال ايه؟
لارا بجمود: انا اللي هروح اعيش مع سارة
نزل هذا الكلام على الجميع كالصاعقه ماعدا ساره التي كانت تعلم كل شئ اما ادهم فكان يريد قتلها على هذا الكلام ولكن حاول جاهداً في عدم النطق بحرف واحد...قطعهم دلوف العائلة ف آدم وملك قد سبقوهم وعندما رآتها سيلا ركضت لها واحتضنتها وقالت: الف سلامه عليكي يا احلى لارا في الكون كله
لارا بإبتسامه: الله يسلمك يا احلى سيلا في الكون كله
طلعت: حمدلله على السلامه يابنتي
لارا: الله يسلمك ياجدو
رباب بحب: الف سلامه عليكي يابنتي
لارا بجمود: الله يسلم حضرتك يامدام رباب مكنش له لزوم تتعبي نفسك انتي والاستاذ إبراهيم
إبراهيم بخجل من نفسه: يا بنتي احنا....
قطعتهم هي وقالت: ساره انا هخرج امتى؟
ساره بحزن على حال لارا: النهارده بالليل إن شاء الله بس لازم راحة تامة
لارا بجمود: ملك لوسمحتى لميلي هدومي وحاجتي وجبيهم هنا لساره عشان تحطهم معاها في العربيه
إبراهيم بصدمه: هدوم ايه اللي هتاخديها يابنتي
لارا بجمود: اه اصل حضرتك متعرفش انا هروح اعيش مع ساره عشان اريحكوا مني
رباب: ايه اللي بتقوليه دا؟ واخدتي اذن مين بقا ان شاء الله؟
طلعت: انا...خدت اذني انا يارباب
رباب بصدمة: وحضرتك موافق على الكلام دا يابابا
طلعت: اه موافق
نور ببرود مصطنع: اه صحيح انا كمان ماشيه هعيش في شقه لوحدي
صدمه اخرى حلت على الجميع ماعدا طلعت وكان اقوه بالنسبه لمازن...
نجلاء بصدمه: انتي بتقولي ايه؟
نور: زي ما سمعتي ياماما
لارا بإستغراب: طب انا ماشيه والسبب معروف انتي ليه؟
تطلعت نور الى مازن نظرة فهمها جيداً وصمتت
سيلا بدموع: انتي كمان عايزه تسيبينا يانور
ملك بدموع: انتوا كلكوا هتمشوا؟
سليم بصرامه: مفيش مشيان يانور ومش هتعيشي لوحدك
نور ببكاء: لا همشي وهعيش لوحدي...انا مش عايزه اعيش مع حد ..انا مش هعرف افضل عايشه معاه وهو بقا شايفني مجرد بنت عمه...انا تعبت بقا تعبت
وتركتهم وركضت خارج الغرفه وركض مازن وخرج ورآها
سليم:........

_______________________