قدري

١

-يلا يا دلال قومي صحي النوم..
دلال:ياخ خليني دايرة انوم.. 😴
فاطمه:لا ناس عمتك جاين قومي
دلال:ياخ انا مابحبهم ياخ بناتها ديل متجعرفات خلاص😒
فاطمه :قومي خلاص😠
(دلال:خلاص قمتا😪
نتعرف علي ابطال قصتنا..
دلال: عمرها 18سنه بتدرس في الجامعه ادارة بت جمليه جملا ما طبيبعي  جميله شديد عيونها كبار ووسعات لونها عسليه ورموشها طويله وحواجبها غزيرة ومقرونه وشعرها طويل وناعم واسود لونها ابيض ماطويله وجسمها منسق 😍)
(حسام:اخو دلال عمرو 21 سنه ولد جميل شريد فيه نفسي عيون دلال بس لونها بني لونو اسمراني معضل وطويل بعض الشي شعرو طويل وناعم وراجل بمعني الكلمه(انا انبرشتا😹)
فاطمه:ام دلال جميله برضو فيه بعض من صفات دلال زي الشعر واللون عمرها زي 39 كدا لمن اتزوجت عمرها 17 سنه..
احمد:ابو دلال راجل الوقار والطيبه ظاهرة في وشو عمرو زي 46سنه..
نرجع لقصتنا..
فاطمه:ياخ بتك دي متعبه خلاص اصلها مابتقوم بدري كسلانه خلاص. 😠
احمد:ياخ خليها الليله ماعندها جامعه تكون تعبانه 😪
حسام:صباح الخير♥
احمد+فاطمه صباح النور
فاطمه:علي وين من الصباح.?
حسام:صحبي عندو عقد اختو ماشي ليو..
احمد:صلي الجمعه وامشي..
حسام:ح اصلي معاهم في جامع علشان ح احضر العقد..
دلال:صباح الخير
كلهم صباح النور..
دلال:شنو يا حسكو علي وين من الصباح😉
حسام:ماعندك شغله😒
دلال:شنو الاحراج من الصباح🌚
فاطمه خلاص بطلو نقه ارح اشربو الشاي..☕
دلال:احمر ولا بالبن.. ?
فاطمه:احمر طبعا..
دلال:خلاص ما دايرة😕
فاطمه:شنو هوو المادايرة تعالي..
دلال:طيب 😞
شربو الشاي وااي زول مشي باتجاه حسام مشي لصحبو وعمنا احمد مشي الجمعه وفاطمه مشت تعمل الغدا لعمت دلال ودلال مشت تنضف وتجيب كسرة طبعا وضعهم المالي علي قدرهم.. 😪بعد شويه جات عمتهم بثبينه وبناتها هبه وسهام...
بثينه:السلام عليكم
فاطمه :وعليكم السلام اتفضلو
بثينه:كيفكم..
فاطمه :الحمدلله كيفكم انتو
هبه:كويسين ياعمتو
فاطمه :كيفك يا سهام يابتي
سهام:تمام
بثينه:والله يا فاطمه انتي عارفه مع تعب البيت وكدا
فاطمه :الحمدلله والله
بثينه:وين دلال.. ?
فاطمه:هسي بتجي رسلتها تجيب كسرة
هبه:بس احنا ما بناكل كسرة
سهام:يك مابنحبها🤢
فاطمه: اي عارفاكم مابتحبوها دي لي خالكم بحبها☺
سهام:ايوا خلاص كان كدا
دلال:السلام عليكم
كلهم:عليكم السلام
هبه:دلول كيف
دلال:اهلن
فاطمه:😠بتحمر لـ دلال
سهام:كيفك يا دلال
دلال:الحمدلله
بثينه:وينك مختفيه.. ?
دلال:مع الجامعه يا عمتو
فاطمه انا قايمه اخت الاكل
دلال:يلا اساعدك
هبه:لا ياخ خليك معانا
فاطمه:خليك معاهم انا بختو..
دلال:طيب
بثينه:انا بمشي معاك ...ارح
هبه:كيف مع الجامعه يا دلول
دلال:تمام
سهام:والله كويس طبعا انتي عارفه انو نفسنا نجيك بس انتي عارفه الشمس والدنيا حر
دلال:ااي عارفه
هبه:شفتي بابا جاب لي تلفون هواوي اخر اصدار..
دلال:حلو
هبه:انتي الاحلۍ (يحلحل عضامك😑)
سهام:دلال انا سخنتا ماعندكم مكيف متحرك. 😩
دلال :لالا بس الفي الحيطه داك النشغلو ليكم.. *الله يكفتك شيطان😑
العلامه*دي معناها بتتكلم مع نفسها...
فاطمه:ارح الفدا
ومشو اتغدو وفاطمه ختت الغدا لـ احمد ودلال كرهت نفسها من كلامهم
وبعد الغدا قعدو يتونسو
سهام:وين حسام ياعمتي (طبعا عجبهم شديد)
فاطمه :قال عندو عقد اختو صحبو
هبه:يعني ما ح يجي
دلال:لا ما اعتقد هسي يجي🙂*احسن زاتو ان شاا الله مايجي 😈
واتونسو كتير ونص كلامهم كان مطاعنات ومشو..
دلال:امي انا موش قلت ليك بكره بناتها ديل يا متعجرفات خلاص😒
(هبه وسهام بقرو مع دلال في نفس الجامعه بس ما بتلاقو كل زول في كليتو)
فاطمه:مايسمعك ابوك بزعل
دلال انا ماشه انوم😴
حسام:انت مابتشبعي من النوم
فاطمه:انت جيت بتين
حسام:هسي
دلال:تنوم السهر👿انا بكره عندي جامعه مع السلامه..
فاطمه طيب
دلال:تصبحو علي خير
احمد :علي وين مابدري الساعه يدوب 8
دلال:تعبانه 😩
حسام:ياهي حركاتك ولا ح تشتريها.. 😒
فاطمه:غسلي العده ونومي
دلال:خليها الصباح هسي ما قادره ياخ.. 😫
فاطمه:علشان تقولي لي الصباح عندي جامعه امشي غسليها قلت ليك😠
دلال:طيب سمح
ومشت تغسل العده
جاها حسام:اساعدك
دلال:شكرا علشان تكسر الصحن وتقول لي امي كسرتو دلال زي المره الفاتت😑
حسام:نيتي كان طيبه والله🌚
دلال:بلا طيبه بلا سعاد معاك طير مني. 😒
انتهت من العده ومشت نامت😴
صحت تاني يوم بمنبه حقها عرفتوهو شنو (امها طبعا😹)
فاطمه:سجم الرماد قومي الجامعه..
دلال:يا الله في شنو من الصبح الشمس ما شرقت..
فاطمه صحي الصبح واتجهزي ولا يعني ح تصليهو لمن تجي راجعه
احمد:يا فاطمه🗣
فاطمه:نعم جايه ..وانتي يا زفت قومي هدا ابوك واخوك ماشين الجامع وانتي نايمه قومي.. 😠
دلال:طيب ...قامت وصلت الصبح حاضر (ولبست ليها اسكيرتي اسود وتيشيرت ملون وطرحه رماديه وجزمه رماديه وشنطه سودا) ومشت الجامعه ..
في الجامعه....
سلمي:وين يا دلول اتاخرتي
عمر:اوووو دلال وين ياخ الشوق والريد
دلال:عمر كيفك تمام اخبارك شنو وانتي يا سلمي  يا زفته  انا جايه قبل المحاضرة بساعه عايزاني اجي افتح الجامعه ولا شنو😠
بيان:ابردو عليها حبه ياخ
دلال:وريهم بالله😩
عمر:دلال حبيبتي ياخ دايرنك تراجعي لينا المتحانات قربت🙂(طبعا دلال شاطرة )
دلال:ااي حنكني حنكني. 😒
وبدو يتنابزو ويتشاكلو ويهاظرو ..بس في عيون كانت مراغبه دلال من بعيد ..
في جانب اخر..
-البت دي عسل ياخ من وين دي جايه🤤
-يازول دي زوله شاطرة وبسيطه وما بتتكلم مع ااي زول شايف الشله الهي معاها ديك بس ديل البتتكلم معاهم..
-رايك شنو نوقعها.. 😈
-يازول حولو معاها كتير بس مافي زول قدر عليها.. 🖐🏻
-انا بقدر😉
-بنشوووف😒

ديل منو وبتكلمو عن شنو ح نعرف في الحلاقات الجايه ..
عند ناس دلال
عمر:يا دلال عليك الله ارح
دلال:عمر ما عندي مزاج ياخ😏
نفحات:كيفك يا شباب
عمر:اهلن ...يلا يا جماعه انا ماشي
كلهم:طيب
نفحات:ماشي مالك يا عمر
عمر:عندي شغل
نفحات:يعني انت شغال😄😄😄
عمر:ما ح ارد عليك😏
دلال:كيفك يا نفو اخبارك وين مختفيه ليك كم يوم ما قاعده تجي.. (دلال بتحاول تهدي الجو شويه)
نفحات:الحمدلله بس ما كنت قادره اجي علشان كدا قلت دلوله حبيبتي بتراجع لي😉
سلمي:دلال ارح نراجع
دلال:قصدك ارجع ليكم
سلمي:ااي قصدي تراجعي لينا احنا وومنها تشرحي لـ نفحات.. 😅
بيان:ااي والله انا عندي كتير. ما فهماهو..
دلال:يلا
كلهم يلا

حنتعرف علي شلتها في الحلقه الجايه ومع الباقي ح نعرف ليه عمر بكره نفحاات ...
يتبع...