سلمي:عمر وين يا عصام
عصام:لقتو واحده وقالت دايرهو
سلمي:منوو دي
عصام:ماعارفه..
بيان:شباب داك موش عمر مع نفحات
دلال:لا كترتها دي هي عارفه انو بكرها...
عند ناس عمر....
عمر:نفحات دايرة شنو
نفحات:ليه يا عمر ما داير تتكلم معاي حتي عملتا ليك شنو.. 😓(ديرة تعملي شنو اكتر من كدا)
عمر:ما عملتي شي بس ما داير اتكلم معاك
نفحات:ليه ياعمر ما داير تتكلم معاي عملت ليك شنو
عمر:نفحات مافي حاجه بينا نتكلم فيها تمام ..يلا ...مشى وخلاها واقفه مكسورة وزعلانه
عمر رجع ليهم..
دلال:عمر مالك زهجان كده
عمر:مافي شي ارح نمشي...ومشو كل زول رجع بيتو الا عصام مشي مع عمر بعربيه عصام..
عصام:ماشاا الله دلال دي زوله كويسه.. 💝
عمر:ااي كويسه شديد وطيبانه خلاص
عصام:هي ما عندها قصه حب ولا شنو.. ?
عمر:هوي ما يكون الفي بالي
عصام:ليه بالك فيهو شنو.. 🤨
عمر:لا لا ولا شي كمل
عصام:لا مافي شي بس حبيت اسال ساااي...🙂
في بيت دلال...
فاطمه:دلال تعالي غسلي العده
دلال:طيب يا امي جايه
احمد:دلال اعملي لي معاك شاي..
دلال:طيب حاضر
حسام:السلام عليكم
كلهم:وعليكم السلام
دلال:انت موش انتهيت الليله من الامتحانات
حسام:اااي الحمد لله
فاطمه:ربنا يوفقك ياولدي
احمد:اها اجازتك بتين علشان تساعدني في الشغل
حسام:ااي اجازتي من بكرة وح انزل اساعدك ان شاا الله
احمد:الله يديك العافيه يا ولدي
حسام:امين💞
دلال:انتو شنو الدعوات بس لـ حسام انا مافي لي
فاطمه :انتي الله يعرس ليك وارتاح منك😒
حسام:امين يارب الليله قبل بكرة
احمد:لا انا داير بتي جنبي
دلال:انت يا ابوي الله يخليك لي😍موش زي ناس كدا.. 👊🏻😑
حسام:انتي اصلا عارفه نفسك بايرة😹😹
دلال:م ح ارد عليك👊🏻
فاطمه:خلاص اسكتو وانتي امشي غسلي العده😑
دلال:يعني العده دي وراي وراي😣
حسام:علي فكرة حتي في بيت راجلك في عده.. 😆😆
دلال:حسام اختاني سااي
مشت دلال غسلت العده واتحممت ومسكت تلفونها.. 📱
في احدى الحدائق الراقيه..
محمد:عارف يا حسن انا حبيتها شكلي كدا
حسن(اخو محمد)لينا 3سنين بنحنس فيك تعرس ولا حتي راضي تشوف بت وهسي بتقول شكلك حبيتها انت ما محمد الانا بعرفو يازول هو
محمد:انت لو شفتها ح تنسى نفسك زاتها ياخ تفاصينها وملامحها بتجنن😍(مدشدش انت يا اخوي)
حسن:طيب ادقدم ليها
محمد:بعد اعترف ليها
حسن:ومتين ح تعترف ليها
محمد:لمن الله يهون.. 💝
دلال ختت التلفون وقعدت تفكر في محمد ونظرتو ليها والاعجاب الظاهر في عيونو وهي ليه لمن شافتو قلبها دقه سريع وبتسال في نفسها ياربي اكون حبيتو لالا يا دلال مستحيل بس ليه بحصل معاي كده اكلم سلمي ولا لا انا ما متاكده من انتي بحبو ولا لا بس انا معجبه بيهو ياخ انا مالي احسن لي انوم...تلفونها ضرب وكانت سلمي(التقول حست بيها♥)
دلال:اتصلتي علي في وقتك ياخ😍
سلمي:صحي 😊
دلال:ديراك في موضوع
سلمي:قبلي موضوعك ده لانو ح يكون ما مهم دايرة اسالك ده منو القبيل رفع ليك الورقه وليه كنتو بتعاينو لـ بعض بطريقه دي..
دلال:ده نفسك الموضوع الي دايرة اكلمك عنو
سلمي:في مويه جاريه تحتي😑
دلال:لالا والله وحكت ليها لمن اتلاقو اول مره ولمن شفتو حصل ليها شنو ولمن رفع ليها الورقه ..
سلمي:دلال بدون مقدمات شكلك حبيتيهو
دلال:انتي شايفه كدا
سلمي:حبيبتي هو اصلا مافي غير كدا...
في جانب اخر... كان قاعد في الصفرة مع اهلو
اتصلت ليهو
-محمد كيفك
محمد:اسمي دكتور وبعدين ده ما وقت تتصلي فيهو
-بس انا كنت قاعده ادرس وفي حاجه وقفت لي
محمد:بس ده ما مبرر يخليك تتصلي علي في وقت زي ده
-طيب انت ليه بتتكلم معاي كدا😢
محمد:مافي شي والما فهماهو في الجامعه بشرحو ليك..😠
حنان:محمد مالك بتكورك كدا
محمد:مافي شي بس دي واحده ما عندها زوق ...وقام
حنان:تعال تم اكلك طيب
حسن:تعال يا زول مالك
محمد:لا ما داير الحمدلله
ايه:خلوهو انتو عارفنو ما ح يجي...
نتعرف علي اسرة محمد
حنان:ام محمد مرة طيبه كده شديد ماكبيرة شديد وبتحب اولادها ما عندها اهم منهم عندها ولدين وبت
حسن:عرفناهم قبل كده اخو محمد الكبير ومتزوج وعنده بت ومرتو حامل
ايه:مرت حسن حلوه وصفرة كدا بتحب راجلها واهلو وهم كمان بحبوها....
دلال قفلت من سلمي وشغل بالها التفكير في محمد ...ومحمد كان مضايقه من ...الكرهتو بـ اتصالاتها الكتير وحججها الما مفهومه وبرضو كان بفكر في دلال اتمنى انو تكون عسي معاهو علشان ينسى الزهج...وعمر كان بفكر في سجود الي اختفت من غير مقدمات او اصلا ما فكرت تسالو هو كان بخبها شديد...عصام كان بفكر في دلال البت الي كل حاجه فيها بتجنن ....وما غفت ولا عين واحد منهم كلهم قلوبهم و بالهم كان مشفول والاسوا انو عصام ومحمد بفكرو في نفس الشي في دلال ....وما نامت ولا عين واحد منهم كل زول كان في همو
(وظل قلبـﻯ يـفڪر بـڪ لـيلاً ولـﻡ تـﻏﻣض ﻋينـﻯ حتـﻯ اشرقت شمس حبـڪ من جديد❤)
يتبع...
