محمد ودلال مشو المكتب...
محمد:انتي من متين بتشتغلي هنا...
دلال:لي فتره يعني ..
محمد:ايوا كويس والله يلا نبدا نشتغل...
محمد كان نفسو يفتح معاها الموضوع تاني يمكن بعد الفتره دي كلها تكون حنت بس يمكن تحون حبت فـ سكت..
اما دلال فـ ما كان عندها امل انو هو يكون لسه بحبها...
ـــــــــــــــــــــــــــــــــــــــــــــــــــــــــــــــــــــــــــــــــــــــ
سلمي:يا بيات انا والله شكلي حبيتو بجنون
بيان:يا حبييتي طيب كلميهو انو بتحببه او كلمي دلال
سلمي:لالا ما ح اقدر اكلمو ممكن اكلم دلال بس اقول ليها شنو انا بحب اخوك
بيان:لالا ما تقولي ليها كدا قولي ليها عرسيهو لي😹😹😹
سلمي:انت بتتظارفي وانا يتكلم جاده...
ــــــــــــــــــــــــــــــــــــــــــــــــــــــــــــــــــــــــــــــــــــــــ
عمر كان نفسو انو يلاقي سجود تاني وهو كان بفكر انو ليه هي ما اتصلت بيهو معقول تكون نستو ولا غشتو طيب ليه هي ما اتصلت....انا لازم القيها تاني...
ـــــــــــــــــــــــــــــــــــــــــــــــــــــــــــــــــــــــــــــــــــــــ
محمد:طيب خلصنا شغل لليوم ممكن نكمل بكره..
دلال:طيب يا دكتور عن اذنك...وقامت مشت علي الباب
محمد:دلال...
دلال اتلفتت عليهو:نعم يا دكتور في حاجه
محمد:لالا مافي شي بس الوقت اتاخر خليني اوصلك...
دلال:لالا شكرا بمشي براي
محمد:لالا الوقت التاخر والشارع ما مضمون..
دلال:لالا شكرا ليك...ومشت سريع علشان ما يصر عليها ....
دلال نزلت تحت لقت تقريبا كل الفي الشركه مشو الا قليل منهم قاعده بس خلاص طالعين نزلت تحت وطلعت الشارع وللاسف مافي ولا عربيه.. لحدي استسلمت ومشت كداري...والشارع كان فاضي وما مضوي شديد ولاقااها سكران.. دلال كانت ح تموت من الخوف لحدي مافي نور اتوجه ليها...نزل. قزاز عربيتو..
محمد:اركبي لانو دا سكران احسن ليك..
دلال حتي من دون ما تفكر ركبت
محمد:ما كان تعاندي من الاول ...وين بيتكم...دلال وصفتو ليهو لحدي ما وصلها..
دلال:شكرا يا دكتور تعبتك معاي
محمد:ولو العفو...
دلال دخلت بيتهم وكانت ما بين مبسوطه وما مبسوطه....بس اتوكلت...
محمد كان احساسو نفس دلال ما بين مبسوط ولالا بس هم الاتنين كانو بتمنو انو ولا واحد يكون حب زول تاني....
تاني يوم دلال مشت الشركه من الصباح لانو ماعندها جامعه....واتوجهت لـ مكتب محمد..
دلال:صباح الخير
محمد:صباح النور اتفضلي...وتاني بدو يشتغلو وكل واحد فيهم نفسو في طريقه تخلي التاني يتكلم معاهو...
ــــــــــــــــــــــــــــــــــــــــــ بنسبه لسجود فـ اتصلت علي عمر...
سجود:كيفك يا عمر انا سجود
عمر قلبو داير يطير من الفرح...:اهلين يا سجود ليه طولتي علي وما اتصلتي
سجود:معليس بس كان عندنا ظروف
عمر:سجود انا للان بحبك...
سجود:سكتت
عمر:والله القالتو نفحات غلط وهي بس دايره تفرق بينا..
سجود:بصوت مكسور صحي😥
عمر:والله العظيم..
سجود:يعني انت جد بتحبني
عمر:بموت فيك❤❤❤
سجود:وانا كمان...وبـ كدا رجعو لـ بعض....
اما حسام فـ كمان كان واقع في الحب وفي حب سلمي بزات ....❤❤
سلمي كان ح تموت وتعترف ليهو...💔💔
ــــــــــــــــــــــــــــــــــــــــــــــــ
دلال خلصت الشغل ومشت لـ سلمي علشان يقرو سوا ومعاهم بيان وعلي اساس انو ترجع الشركه بعد المغرب علشان يقدرو يحلو المشكله دي....
دلال خلصت من القرايه ومشت الشركه..
محمد:ليه اتاخرتي يا استاذه
دلال:معليش يا دكتور
محمد:لازم نخلص الليله
دلال:طيب ...دلال اصلا مشت غصب عنها لانو الوقت اتاخر بس ما قدرت ترفض امر محمد...وبدو يشتغلو لحدي بعد العشاء بـ شويه..
دلال:عن ازنك يا دكتور ممكن امشي اشرب قهوه لانو راسي وجعني..
محمد:اتفضلي..
ونزلت تحت مشت كفتريا الشركه لقتها قافله مشت كفتريا قريب شديد لـ الشركه شربت القهوه وهنا حست بروحها ارتاحت.. ورجعت لقاها ولد وهي راجعه...
الولد:شنو يا حلوه ماشه براك تعالي امشي معاي
دلال ماردت ليهو اصلا ودا كان ولد من الجريئين ديلك فمسكها من يدها وجراها عليهو
دلال:دا شنو فكني يا حيوان
الولد:ولو قلت لا يا تمشي معاي يا م ح افكك...دلال ازكرت عصام وحركاتو معاها وبقت بتتكلم برا راسها...فكني يا كلب وتبكي...الولد زاتو استغرب...
محمد حس انها اتاخرت فنزل يشوفها لقي الكفتريا قافله طلع برا وشافها من بعيد بتبكي والولد ماسكلها..محمد طوالي مشي ليهو ضربو وفكاها منو.. ومسك دلال عليهو
محمد:دلال اهدي ...دلال كانت خايفه شديد
دلال:فكني ياخ
محمد:دا انا يا دلال محمد
دلال:ااي عارفه فكني اصلا دا كلو بسببك
محمد:سببي انا😳دلال:ااي بسببك لو ما انت اصريت اني اجي زي الوقت دا ما كان حصل كدا والمره الفاتت برضو لو ما انت طلعت بتاع لعب ما كان اتاثرت بـ عصام وقبلت بيهو...
محمد:ليه انا عملت شنو
دلال:ما عارفه...ومشت اقرب امجاد ركبتها...محمد استغرب شديد بكلامها قام اتصل لـ سلمي لانو كان عندو رقمها ووراها بكلام دلال
سلمي:محمد دلال لسه بتحبك والله بس الحصل كان صعب عليها
محمد:ليه الحصل شنو..
سلمي:ورتو بـ اااي شي.
محمد:والله انا ما عارفه كلام زي دا .....وقفل من دلال والدنيا ضاقت بيهو.. قرر انو يمشي ليها..محمد مشي بيت دلال كانت الساعه 8 طبعا هو بعرف البيت...دق الباب...فتح ليها حسام وكان الباقين قاعدين في الحوش ودلال لسه ما جات...
حسام:اتفضل...عايز منو
في اللحظه دي دلال جات داخله...
دلال:😳انت بتعمل في شنو هنا..
حسام:بتعرفيهو..
احمد جا عليهم...اتفضل يا محمد يا ولدي اتفضل...
دلال:ابوي انت بتعرفو
احمد:دخلو الولد خلنو واقف كدا.. ودخلو.. سلم علي فاطمه ودلال جابت ليه. عصير وقعدو
احمد:دا محمد دكتور في الاقتصاد شغال في نفس جامعه دلال...وبصراحه قبل سنه وحاجه جاني في الشغل وطلب يد دلال بس دلال كانت ممتحنه وما حبيت اشغل بالها...ولمن انتهت قلت اكلمها بس تاني هو ما ظهر...
دلال:طلب ايدي انا😳
احمد:اااي.. حسام:ايوا دا القلت لي جا ليك وكلمتني اسال منو...
احمد:اااي...حسام قام وسلم عليهو وقام سلم محمد علي فاطمه...
محمد:والله يا ابوي انا جيتك لـ نفس الطلب تاني واتمنى ما ارجع خايب..
احمد:والله انت ولد ماشاا الله عليك انا اديتك لو علي بس شوف البت..
محمد:طيب يا ابوي ممكن اتكلم معاها علي انفراد..
احمد:حقك يا ولد اقعدو هنا احنا ندخل جوا...
محمد:دلال والله انا مالي ذنب في الحصل دا
دلال لسه كانت مصدومه بس بعد الكلام دا اتاكد انو محمد بحبها جد
دلال:بعد الكلام القالو ابوي اتاكد انو دا كان لعبه من هبه بس انت كيف عرفت
محمد:مامهم المهم احنا هسي مع بعض......
تاني يوم محمد كلم امو واخوهو وابوهو اصلا كان برا...وناس محمد اهلو مشو لـ اهل دلال واتفقو علي انو العرس بعد شهر.. وودو ليهم شيلت العروس...دلال انحبست وكان مبسوطه شديد لكين ماهما كان ما بتلحق محمد.. عدت الايام وكان باقي للعرس 3يوم..والليله حنه محمد وكانت ولا اروع وتاني يوم حنه دلال وكانت حلوه بس هبه كانت ح تموت..تاني يوم من الصباح دلال مشت الكوفير.. وبدت تجهز للحفله.. كان يوم جمعه زي بعد الصلاه اتصل عليها محمد وسمعت ...لقد زوجتك ابنتي علي سنه الله ورسولو وصوت المازون وهو بقول كدا بقو زوجان...دلال كانت ح تموت من كميه الفرح الهي فيها لمن قعدت بتبكي الكوفير كلو بقي يبكي معاها خصوصا سلمي....
سمعت صوت محمد:دلالي خلاص احنا الليله ح نكون لـ بعض طول العمر وبقيتي مرتي ودنيتي واتحقق مناي خلاص..
دلال:انا ما عارفه ااقول شنو بس اانا بحبك...
محمد:هو انتي بعد بحبك دي تاني فيها قول يلا يا مرتي اجهزي جاي اخطفك...دلال قفلت منو وتاني قعدت تبكي وهدوها وكملت باقي تجهيزها.. جا محمد بعد خلصت ودخل لقاها قاعده براها دا طبعا بـ طلب منو وكان لابس البدله دي يخلوها هو كان عسل بس لمن دلال بقت تردد ما شاا االله
محمد:😍😍سدحان ممن خلق فصور هسي انا امشي بيك ووين...
دلال:كيف يعني
محمد خت يدو في راسها وحصنها وباسها في راسها واخيرا جا اليوم االي امسك يديك وامشي بيك قدام الناس اللحظه دي عشت بتمناها سنه ونص
دلال:الله يخليك لي واحنا هسي مع بعض♥
محمد:يلا مستنننا ومشو الصاله ودخلو بـ غنيه راضي عليك يا ولدي.. ورقصو اسلو بـ غنيه قربني منك♥♥.....وكانت احلي ليله في حياتهم...بعديها مشو شهر العسل دبي....
هبه لقت لها ولد غني ومسكت فيهو ونفحات بس بقت من االجامعه للبيت ومن البيت للجامعه..عصام قبضوها فب شبكه كبيره حقت مخدرات....اما عمر فـ لسه مع سجود وح يخطبها اول ما يجي اخوها من شهر العسل لانو هي اخت..وسلمي اعترف ليها حسام ايام االعرس وقرر انو يخطبها وبيان خطبها ود خخالها
محمد.....
بعد سنتين
دلال:يا الله يا محمد شيل ولد دا ببكي
محمد:انتي بتعملي في شنو
دلال:بعمل في السم الهاري ال حتاكلو...
محمد:يرضيك اكل السم الهاري
دلال:وانت يرضيك ااموت بين خدمه ولالدك وانت
محمد:بعد الشر عنك يا دلالي الله يخليك لي انتي دنيتي واخرتي وجنتي وعبدالله(ولدهم) ملاكي الصغير...
دلال:ولا يحرمني منك انت صحي كنت اجمل حاجه حصلت لي واجمل قدر.. يا حياتي انت يا قدري♥♥
دايره اقول ليكم ما ااي شي بنشوفو بكون صح ولا اشي بنسمعو صح وااي حاجه لازم قبل نحكم عليها ندرسها كويس🌹
......
ودايما ما نتسرع في اختيراتنا بزات في مشاعرنا لانو اغلب القرارات غلط وبنرجع نندم💘
......
دايما اتمسكو بحلمكم حتي لو كان صعب للانو مافي ششي مستحيل وفي الاخر ح تلقو االيتتمنوهو🌸
دمتم بخير ورمضان كريم وكل سنه وانتو طيبين 🔕🌹
