اصبح يوم جديد علي ابطالنا دلال صحت صلت الصبح ومشت عملت الشاي شربتو ورتبت البيت وجهزت لجامعه(لبست ليها اسكرتي اسود وتيشيرت كبدي في تشكيلات بـ البيجي وطرحه بيجيه وشنطه بيجيه وجزمه كبديه) وصلت الجامعه لسه كان شلتها ما وصلت
-السلام عليكم
دلال:عليكم السلام
-انا اسمي عصام معاكم في نفس الدفعه ادارة وعندي حاجات ما فاهمها وانتي البروف يعني جيتك تشرحي لي.. ?
دلال:طيب بس هسي المحاضرة قربت
عصام:لالا ما هسي بكره عندما محاضرة واحده بعد تنتهي لو فاضيه يعني ممكن تشرحي لي
دلال:ااي ممكن بكره ان شااا الله ح اشرح ليك
عصام :شكرا يا....
دلال:اسمي دلال
عصام:شكرا يا دلال والله ما عارف كنت ح امشي وين شكرا بجد😇
دلال:لا ولو ده واجب.. ☺
دلال مشت لانو الحااضرة كانت باقي ليها دقايق ولشه. شلتها ما جات بعد شويه جو سلمي وبيان وقالو انو عمر في الطريق...
دلال:وين انتو اتاخرتو كدا ليه
بيان:والله اتلاقينا انا وسلمي وجينا مع بعض بس اتاخرنا لانو كان في زحمه
دلال:طيب يلا المحاضرة....ومشو
دلال وهي راجعه شافت محمد وقلبها بدق بدق بدق شديد بس عملت فيها ما شافتو قعدو شويه يتونسو وبعديها رجع بيتو وكالعاده ختت الغدا واخوها جا اتغدا معاها..
حسام:شنو يا دلول الايام دي ما بنشوفك كتير
دلال:والله يا حسكو مع القرايه وكدا امتحاناتي قربت شديد
حسام:ربنا ينجحك ياخ
دلال:جمعا كدا واشوفك اكبر دكتور(طبعا حسام بقرا صيدله)
حسام:امين يارب..😊
بعديها دلال مشت تقرا ونامت صحت تاني يوم نفس الروتين صلت الصبح وعملت الشاي ورتبت البيت ومشت الجامعه...
في الجامعه
مشت دلال الكفتريا لانو كان باقي ساعه علي المحاضرة حقتها ..
-دلال كيف
دلال:عمر كيف جيت بدري الليله..
عمر:ااي والله صحبي قال الا يجي بدر عندو امور كدا
دلال:ايوا اصلا كنت مستحيل اصدق انو انت تجي بدري من نفسك
عمر:دلال اعرفك ده عصام صحبي..
عصام:ااو دلال كيف
دلال:اهلين عصام تمام انت كيف
عمر:يعني بتعرفو بعض انتو.. ?
دلال:اااي امس قال لي انو اشرح ليهو..
عصام:عن ازنكم دقيقه بس ...طيب
دلال:انت بتعرفو من بتين.. ?ماحصل شفتو معاك.. ?
عمر:لي زي اسبوع كدا بعرفو بس تصدقي حاسس نفسي بعرفو لي سنه يا زول طيبان خلاص
دلال:اااي باين عليهو
عمر:ديلك موش سلمي وبيان
دلال:اااي هم
سلمي:صباح الخير
دلال+عمر:صباح النور
بيان :كيفكم يا شباب
دلال+عمر:كويسين
سلمي:عمر الليله مالك جاي بدري كدا عيانه🤨
عمر:ليه يعني الا اكون عيان علشان اجتهد
سلمي:ما من عوايدك يعني
عمر:هسي خلوكم من دا كلو الجاي علينا ده صحبي ح اعرفكم بيهو
عصام:السلام عليكم يا بنوتات (طبعا عصام ظريف شديد😀)يلا عصام لوني ابيض كدا في ملامحو جميل قصير ما طويل ضعيف شويه كدا بس كمان ماشديد انيق برضو شعرو ما ناعم وما جاف يعني مقبول )
سلمي+بيان:عليكم السلام ورحمه
عمر:ده صحبي اسمو عصام بقرا معانا ادارة
بيان:اتشرفنا.. ☺
سلمي:اهلين عصام
عصام:الشرف لي والله كيفك انتو
سلمي+بيان:الحمدلله
دلال:خلاص نمشي المحاضرة بعد كدا
مشو المحاضرة وخلصوها وقعدو مع بعض..
عصام:يلا يا دلال نشرح
دلال:اااي يلا
عمر:طيب خلينا نفطر اول شي
كلهم:اااي طيب
بيان:عمر انت جيب الاكل
عمر:اااي طيب يلا يا عصام نجيبو ونجي
عصام:طيب ارح ..
سلمي وعلامات التعجب في وشها:عمر من متين بعرفنا علي اصحابو
دلال:قال انو هو اتعرف عليهو قبل اسبوع وكانو عرفو قبل سنه
بيان:بصراحه طيب هو ياخ
دلال:اااي فعلا
سلمي:شكلو هنا في زول انبرش🥴
بيان:ياخ انبرشتا شنو انتي فاكرة انو ااي زول بنبرش فيهو كدا والسلام.. زيك😏😒
سلمي:خلاص ما تكابري انبرشتي.. 😜
بيان:لا مافي حاجه من دي حصلت ...خلاص ماتكابري انبرشتي😤(بتحاكي فيها)
دلال كانت متابعه وهي بتضحك عليهم:خلاص خلاص اهدو😆
في جانب اخر بتكلم بينو وبين نفسو ..سبحان الله ياخ دي من وين معقول في زول بجمال ده 🥰اهدا يا محمد انت شكلك وقعتا.. 🙂لا ما وقعت بس ليه بقكر فيها كتير كدا من يوم شفتها ..?😕
