سلمي:ليه في شنو
-لا بس داير اتعرف عليها..
سلمي:اوك اسمها دلال و صفحتها.....
-شكرا
سلمي:العفو ولو(ليه سلمي ادتو ح نعرف بعدين.. )
ناس دلال خلصو يومهم ورجعو البيت كان باقي للامتحان اسبوع بس بقو يقرو قرايه جد طبعا ده بامر من دلال🌚(اريتها صحبيتي يا يمه موش العندي ديل كل همك الاكل👊🏻😒)
في بيت دلال...
حسام:دلال قومي اعملي لينا شااي
دلال:انا عندي امتحان وما فاضيه ليك😤وبقت تكمل في قرايتها...
حسام:طيب بتحتاجي لي.. 😑...دلال ولا عبرتو..
تاني يوم مشت الجامعه واتلمت هي الشله وبقو يشرحو ويشروحو لمن روحهم طلعت..
عصام:دلال انا في حياتي ما قريت قدر كدا😩
دلال:هسي احنا ما كملنا لسه وانت تعبت
عمر:انا بنسبه لي اتعودت عليها
سلمي:اااي بتنتقم مننا ايام الامتحانات دي بيه ما عارفه😑👊🏻
بيان:علي فكرة ده لـ مصلحتكم😤
دلال:قولي ليهم بالله..😒
عمر:طيب الله يخليك نرتاح شويه بس
دلال:نص ساعه بس ما اكتر.. ...
وكل زول مسك تلفونو الا دلال بقت تراجع في الكلام القروهو
عصام:دلال كدا بتزهجي ابردي حبه
دلال:لالا ما قاعده ازهج
سلمي:دي ممكن ماتفكو.. 😑
دلال:فكيتو هدا...تلفوني وين.. ومسكت تلفونا لقت فيهو رساله من محمد علي الفيس(محمد هو السال سلمي وهي ادتو علشان حست انو صحبتها بتحبو وهي ما عارفه الح يحصل)
دلال بينها وبين نفسها:ياربي ده مالو يكون عرف انا منو كان فتحت الرساله..
محمد:السلام عليكم
دلال:ياربي ارد عليهو ولا لا اعمل شنو ارد يا الله ارد
محمد شاف انها شافت الرساله رسل ليها تاني
محمد:ردي السلام علي الاقل يا دلال...
دلال شافت الرساله يا الله عرف اسمي من وين😱اتشجعت وردت
دلال:وعليكم السلام انت بتعرفني من وين...?
محمد:مامهم بعرفك من وين بس داير اقول ليك انك عاجباني وانا دايرك علي سنه الله ورسولو...🔕
دلال ما ردت ليهو اصلا...وقفلت النت وبقت تفكر تعمل شنو هي زاتا معجبه بيهو...
محمد بينو وبين نفسو:انا ما كان استعجل كدا ياخ هسي بتكون فاكراني مجنون ولا حاجه....
عمر:دلال شارده وين..
دلال:😪😪دلال ولا سامعاهو اصلا
عصام:بصوت علي دلاااال
دلال:اااا....اا. ااي في شنو
بيان:شاردة وين انتي بتكلم معاك من بتين..
دلال:لالا ولا شي ...خلونا نكمل...ورجعو تاني يقرا ودلال كل شويه بتسرح كان بس عصام المركز معاها...
عصام بينو وبين نفسو:دي الليله مالا بعد مسكت التلفون سرحت كدا...??
خلصو ورجعو البيت ...دلال اول ما وصلت فتحت الرساله قرتها الف مره لمن نامت صحت اذن المغرب قامت اتحممت وبدلت وصلت واكلت وقعدت تقرا...رسل ليها عصام لقاها قافله الشبكه بعد شويه اتصل ليها...
دلال:ده مالو ده متصل علي...ردت
عصام:دلال كيفك
دلال:تمام
عصام:حبيت اطمن عليك قبيل شايفك متوترة وسرحانه..
دلال:لالا مافي شي
عصام:متاكدة انتي مافيكي شي يعني
دلال:لالا انا كويسه والحمد لله
عصام:الحمدلله انك بخير خفت عليك شديد
دلال:خفت علي...🧐
عصام:ااا. ااااي يلا بتصل عليك تاني ..
دلال:اااي ان شااا الله.. بعد قفل دلال ده مالو ياربي
عصام مع نفسو:كنت ح تفضح روحك ياغبي شال مفاتيحو وطلع مشي لـ عمر...
دلال قفلت منو وهي بتفكر في محمد ...ياربي يعني هو بحس بنفس الي انا بحس بيهو ...طب افرضي بلعب بي انا اعمل شنو.. ماعارفه غايتو..
تاني يوم صحت وعمل البتعملو كل يوم ومشت الجامعه لبست ليها عبايه سودا وخلاص ومشو يقرو عمر:انا تعبت.. 😫
دلال: انت لازم كل يوم توقفنا😑
بيان:اااي ياخ خلينا شويه..
دلال:طيب خليتكم بكره في المتحان لمن ما تعرفو تحلو ما تزعلو
سلمي:دلال حرام احنا البنقرا فيهو دي بجيب لينها اكبر من الدرجه الكامله...
عصام:انا جعت ماشي اجيب اكل ارح معاي يا عمر
عمر:يازول هو انا تعبان شديد ما قادر
دلال:انا بمشي معاك لانو انا زاتي جيعانه..انتو دايرين
سلمي:لالا اكلنا احنا قبيل بلهنا عليكم...مشت دلال وعصام ..لقو الكفتريه زحمه والاكل قالو ما كتير...
عصام:دلال هنا مستحيل نقدر نقيب اكل قبل ساعتين
دلال:لالا ساعتين شنو ياخ بنتاخر
عصام:ارح في مطعم قريب من هنا ارح ليهو ...مشو لـلمدخل
عصام:ارح اركبي..
دلال:اركب وين 🧐
عصام :ديك عربيتي اركبي لحدي ما اجي
دلال:لالا ما بركب ارح كداري احسن
عصام:انتي خايفه مني ولا شنو...
دلال:لا ما كدا بس مابحب اركب عربيه زول
عصام:انا ما اااي زول يا دلال ارح ما ح اعمل ليك شي
دلال:لالا قلت ليك وعارفك ما ح تعمل شي بس علشان اكون مرتاحه ارح كداري
عصام:طيب براحتك ارح يلا...ومشو
في جانب اخر...
-انا ح اموت واعرف هو بفكر في شنو..
-انتي لسه ما نسيتيهو ياخ
-ما نسيتو ما ما ح انساهو عاجبني شديد بحبو ياخ جد بحبو بعدين ما ح الاقي احسن منو طول وعرض وهيبه وقروش وادب واخلاق وخلقه دايرة شنو اكتر من كدا
-بس انتي عارفه انو ما ما بحبك اصحي علي نفسك
-ااي عارفه بس ومالو يحبي يعني شنو..
-طيب افرضي بحب دلال حتعملي شنو
-ح اموتها واخد مكانها انا بحبو من زمان وهي تجي دخل الجنه بـ الجاهز...
دلال وعصام ماشين في الطريق...
عصام:كيف الليله موش احسن
دلال:ااي احسن
جو ولدين ماشين
الاول:والله عسل والله ما تستاهلا
التاني:هسي دي لو ماشه معاي تاني ما بعاين لـ زول
الاول:بس هو ما مقدر سااي
عصام:احترمو نفسكم هوي
الاول:ولو قنا لا
عصام :بخليكم انا تحترموها واتشكلو واضاربو عصام كان قوي وضربهم بس ضربوهو في يدو ضربه لمن وجعتو
دلال:عصام انا ااسفه بجد
عصام :ماعملتي شي تتاسفي عليهو
دلال:ما كان تعبرهم
عصام:يعني يعاكسوك وانا واقف ما راجل انا ولا شنو
دلال:لا ما كدا بسانت هسي اتاذيت
عصام:لالا عادي..
دلال كانت اول مره تحس انو في زول بخاف عليها وبحميها وحست بـ احساس جميل....قطع تفكيرها صوت عصام:دلال وصلنا يلا خشي
دلال:يلا.. اول ما دخلت😱محمد ده محمد ...محمد ما كان شايفها لانو بعاين في تلفونو...عصام مشي يطلب الاكل...دلال قلبها قرب يقع.. محمد شافها ومشي عليها...
(ولـﻡ ارۍ ﻋيناڪ انـﺳۍ ﻣن اڪون...😪🔕)
ح يقول ليهارشنو وردها ح يكون كيف حنشوف في الحلقه الجايه....
يتبع.......
