يلا صلي علي النبي💞
محمد:دلال انتي مالك معاي فجاه كدا اتغيرتي علي
دلال:انا ما اتغيرت ولا حاجه..
محمد:طيب مالك معاي بتتعاملي معاي كدا ليه...
دلال:يا دكتور محمد اصلا مافي حاجه بينا نتعامل علشانها مافي شي اصلا تمام
محمد:كيف يعني يا دلال مافي شي بينا
دلال:كدا يا دكتور.
محمد:دلال انتي عارفه انو انا بحبك ودايراك وكلمتي وافقتي..(دلال قلبها عمل شح لمن سمعت كلمه بحبك وقلبها قرب يقيف لمن سمعت دايرك بس كانت في حاجات كتيرة بتمنعها من انها تسمع لـ قلبها زي انو هي في علاقه مع عصام وانو هو ممكن يخونها في يوم تفكيرها اتحصر في النقطتين دي شديد استجمعت قواها وداست علي قلبها وده كان اصعب قرار ليها)
دلال:صح انا بعرف انو انت بتحبني وااي شي بس انا ما موافقه.
محمد:طيب ليه يا دلال انتي في الاول حسستني انك دايراني...
دلال:لالا انت حسيت من عندك انا ما عملت شي
محمد:كيف ما عملتي شي انتي ....قاطلعتو...
دلال:لالا ماعملت شي عن ازنك اتاخرت......ومشت
دلال كان نفسها ترجع ليهو وتقول ليهو وانا كمان بحبك بس كان احساس خيانتها لـ عصام وانو هي ح تكون جد لعبت بيهو وخيانتو ليها العملها قبل يبدو علاقتها كان مانعها تماما...💔💔💔💔💔💔💔💔💔💔
اما محمد فكان حاسي بـ انو هو اتهان علشان حبو ليها وانو هي استغلتو وكذبت عليها مع انو في حاجه في قلبو او جزء من قلبو ما مصدق الكلام ده بس برضو داس علي قلبو وقرر انو خلاص انتهي ااي شي حتي قبل يبدا. 💔💔💔💔💔💔
ــــــــــــــــــــــــــــــــــــــــــــــــــــــــــــــــــــــــــــــــــــــ
سلمي كانت بتتكلم مع بيان.....
بيان:انتي مالك مع دلال اتشكلتو ولا شنو
سلمي:لالا احنا ما متشكلين ولا شي
بيان:سلمي انتي ودلال انا بعرفكم زي جوع بطني انتو مالكم
سلمي:بيان قلت ليك مافي شي بيني وبين دلال احنا ما متشكلين ولا شي
بيان:الا متشكلين حتي عصام لاحظ لـ الشي ده
سلمي:انا ما عندي دخل بسيد عصام يلاحظ لشنو انا ما متشكله معاها ...
بيان:سلمي انتي مالك مع عصام كمان...
سلمي:اوووووف ياخ كرهتيني متشكله مع دلال علشاان......سكتت
بيان:هااا كملي ليه متشكله معاها هي عمرها ما بتزعل من زول الا علي شي ما هين..
سلمي:بيان خلاص لو سمحتي قفلي علي الموضوع ده انا ما نقصاك...
ـــــــــــــــــــــــــــــــــــــــــــــــــــــــــــــــــــــــــــــــــــــــــ
دلال كانت قاعده وزهجانه وزعلانه من نفسها شديد كانت قاعده تحت شجرة كدا ....جاها عصام
عصام:دلال حبيبتي مالك المزعلك منو...
دلال:مافي شي بس زهجانه شويه...
عصام:في زول جاي الاول بزهج بالغتي يا دلال..
دلال:صحي انت نتائجك كيف ...??
عصام:بصراحه يا عمري شايل ماده(انت يشيلك السيل يا يمه🌚🌚الناس كلها نجحت الا انت😒)
دلال:بتتعوض يا عصام بتتعوض(دلال بينها وبين نفسها بتفكر انو القرايه القروها كانت كافيه انها علي الاقل تنجحو في كل المواد بس ليه سقط?? )...
ـــــــــــــــــــــــــــــــــــــــــــــــــــــــــــــــــــــــــــــــــــــــــ
بعد شويه جات كل الشله واتلمت مع بعض...
عمر:ياخ دي اجمل فرحه بكره لازم نحتفل كلنا رايكم شنو..
بيان:ااي بالله لينا زمن مدعوكين مع السجم القرايه دي....
سلمي:انا غايتو ما عندي مشكله والله...
عصام:ولا انا ما عندي مشكله نمشي كلنا نحتفل ونفرح ولا رايكم شنو...دلال رايك شنو
دلال:اااي ما عندي مشكله
....وبقو يتونسو كان عصام وبيان بتكلمو مع بعض...بس
دلال كانت بتفكر في محمد وعصام انها هي ليه اتسرعت وارطبطت مع عصام مع انها بجد حبت محمد من اول يوم...💔💔💔💔💔💔💔
اما عمر فكان فاقد سجود شديد كان حاسي انو الدينا دي صعب انو يعيش فيها من دون سجود وكان نفسو يشوفها مره واحده بس ان شاا الله بـ الصدفه...♥♥♥♥♥♥
سلمي كانت بتفكر في دلال وعصام ومحمد انو كيف الموضوع اتعقد وبقي كدا وكان نفسها تحضن دلال وتستسمحها بس احساس انها ممكن تفقد كرامتها كان اكبر من ذلك وفي نفس الوقت كانت نظرتها لـ عصام انو ما كويس في محلها.....ديل خلصو تفكيرها...وديلك خلصو ونستهم ومشو...
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
في بيت دلال...
فاطمه:اها يا دلال الحصل شنو في نتيجتك....
احمد:كدي خليها تقعد...
حسام:امي انت عارفها...
دلال:سقط 4مواد
فاطمه:سجمي يا يمه ليه😱😱😱😱
حسام:مالك يا دلال كيف يعني طيب ليه
احمد:يا بت انتي جاده في الكلام ده ....
دلال:مالكم اتفعلتو كدا لا كذبت عليكم انا جيت الاولۍ علي الدفعه...
فاطمه:ايووووووي يوويي يوووووي🥳🥳🥳🥳🥳🥳🥳🥳
حسام:الفي مبروك ياحبيبتي❤❤❤❤❤❤
احمد: مبروك يا بتي ان شاا الله دايما من المتفوقين.....🌹🌹🌹🌹🌹
دلال: الله يبارك فيكم💞💞💞💞💞
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
في جانب اخر.....
-انت ما عملت الي التفقنا عليهو ليه ..
هو:عملتو لكين البت دي صعبه..
-انا دايره محمد باسرع وقت..
نفحات:وانا علي فكره دايرة عمر برضو لحدي هسي ما بطيق يعاين لي في وشي
-اسمع هنا الموضوع دا زاد عن حدو وكدا كتير اتصرف بعد كدا احسن ليك قبل اتجنن وانا جني كعب وعمرك ما شفتو ولا ح تشوفو....ومشت
نفحات:احنا الوقعنا معاها شنو دي صعبه
هو:صعبه علي نفسها ماعلي اوك..
نفحات:ما تتراجل علي انا االكلام دا كان تقولو قدامها...
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
عند عمر....
كان في بيتهم بتكلم مع امو....
امو:قوم يا عمر عندي حاجات دايرها من السوبر ماركت...
عمر:هسي يا امي الوقت اتاخر يياخ
امو:الوقت اتاخر شنو ياداب العشا اذن....
عمر:طيب امي دايرة شنو
امو:هاك الورقه دي...شال الورقه ومشي دخل السوبرماركت....شاف سجود....😱ماشي عليها....
عمر:سجود
سجود:اتخلعت😱عمر
عمر:وين انتي انا بفتش عليك لي زمن يا سجود وين كنتي وليه ااختفيتي فجاه...
سجود:عن ازنك....مسك يدها
عمر:في شنو يا سجود بتتعاملي معاي كدا ليه ارقامك مقفوله واتحةلتي من الجامعه مالك...
سجود:عمر انا مما ينفع اتكلم معاك اخوي جا معاي وممكن يجي في ااي لحظه...
عمر:طيب اديني رقمك علي الاقل...
سجود:انت موش برقمك القديم زاتو..
عمر:ااي زاتو
سجود:خلاص بتصل عليك
عمر:وعد....سجود:وعد...
كلنا نفسنا نعرف منو ديل البتكلم عن دلال ومحمد حتي انا نفسك اعرفكم عليهم الحلقات الجايه ح تتكشف كل الحقايق المختفيه قدام الكل ....اعملو لايك..وجمعه مباركه احبتي
اريد العوده الى الوراء وتحديدآ عند اخر لقاء💜💗✋🏻
يتبع....
