قدري

١٢

يلا نصلي علي النبي.. 💗
دلال كانت مبسوطه وشبه ناسيه الهي فيهو لحدي ما شافت محمد قاعده مع واحده والمصيبه كانت انو دي وحده تانيه غير ديك...💔💔💔💔
دلال:انا لازم امشي بعد كدا
بيان:ليه يا دلول بدري لسه ياداب وصلنا...
عمر:دلال يا بطلي هباله وراك شنو يعني(وراي حمار يهههاااااا😹🖐🏻)
دلال:لالا ماشه انا خلاص
عصام:طيب ليه ماشه
دلال:تعبانه ودايرة ارتاح..
عصام:طيب خلاص ارح اوصلك واجيهم راجع
دلال:لالا انت خليك انا ح امشي براي..
عصام:لالا مافي كلام زي ده والله وانا قاعد
عمر:انسۍ مدام قالت لا يعني لا
دلال:يلا مع السلامه
كلهم:الله بسلمك..
مشت دلال وطلعت دايرة توقف ليها امجاد بس تحس بـ زول مسك يدها...
محمد:دلال كيفك
دلال:فك يدي
محمد فك يدها وعاد ليها السؤال:دلال كيفك
دلال:تمام.. (بزهج)
محمد:دلال من اول يوم في الامتحان رسلت ليك واتصلت ليه للان ما رجعتي لي..
دلال:ما كنت فاضيه
محمد:كويس والله ظاهر انك مشغوله ما اكون ازعجتك
دلال:لالا ما في ازعاج عن اذنك
محمد:دلال انتي زعلانه مني شفتي مني شي ما كويس ولا سمعتي عني حاجه مافي مكانها...
دلال:لالا وعن اذنك انا ماشه...دلال كانت تموت وتسالو منو دي المعاها ومنو الكانت معاهو المره الفاتت...بس كانت في حاجه مانعاها زي انها ما ليها حق كدا تسالو ولا كانت دايرة تبين ليهو انها حبتو او معجبه بيهو مثلا فسكتت
محمد:دلال انتي ما موافقه علي يعني
دلال:ايوه ما موافقه عليك...
محمد:طب ليه مالي انا
دلال:انت راجل ااي واحده تتمناك بس اسفه...
محمد زعل شديد
محمد:ااي كلامك صح انا ااي واحده تتمناني وان شاا الله الله ح يعوضني بـ احسن ....ومشي حتي من دون يسمع ردها..كان مبسوط انو خلاص دخلت حياتو واحده زي ما بتمنها بس انتهي كل شي من قبل يبدا...ورد ليها كدا علشان ما كان داير ينكسر قدامها او يبين ليها انو هو دايرها ..
هي ختت في نفسها انو لو كان دايرها صحي كان علي الاقل كلف نفسو وسال هي ليه ما دايراها ومشت بيتها وقررت انها قبل تدخل البيت تكون نستو يعني كانو ما دخل حياتها....
دلال كانت عندها اجازة سهر بعد الامتحان...
رجعت البيت وهي ما عملت ولا كلمه من القالها...
رتبت البيت ودخلت اتحممت وعملت الغدا واتغدو واخوها كان نزل الجامعه.. بعد خلصت ااي شي مشت رقدت ومسكت تلفونها اتصل عليها عصام
عصام:دلول كيفك...
دلال:الحمدلله
عصام:كيف حاسه نفسك احسن
دلال: اااي الحمدلله والله احسن كتير
عصام:الحمدلله خفت عليك
دلال:تسلم ياخ
عصام:الله يسلمك لي....وقعد يقول في كلامو ده ويتونس معاها وضحكها وكدا...دلال حست بانها احسن بمكالمه عصام وانو هو قد شنو بهتم بيها ...
سلمي برضو اتصلت عليها ودخلو بيان معاهم وقعدو يتونسو ...
عمر كان بفكر في سجود وهي الحصل عليها شنو وليه ما جات سالتو من الكلام القالتو نفحات....

في جانب اخر:
كانو قاعدين 3 اشخاص بنتين وولد..
-ههههه والله يا نفحات اتاريك ما هينه...
نفحات-يا زوله ده كلامك كلو ولا عمر حبيبي
-حاسه بيك والله دلال دي اخدت كل شي عمر ومحمد.. وديل اهم اشخاص
-خلاص انتي اخدي محمد وانتي اخدي عمر وخلو لي انا دلال دي
-ههه اصلا ما ح نخليهم ليها...وانت شكلك وقعت يا عيوني😉

-لا بس البت صراحه تستاهل والله البت دي عسل بشكل ما طبيعي موش زيكم
نفحات:هوووي احنا مالنا هسي
-اي احنا هسي عيبنا شنو...
-عاينو انتي وهي ااي نعم نفحات تقارن نفسها بيك انتي تتقارني بيها لكين انتو الاتنين ما تقارنو نفسكم بـ دلال لانو انتو الاتنين ماعندكم عيش جنبها...
...تاني يوم دلال كملت شغلها وقاعده زهجانه اتصلت علي سلمي تلفونها مابدخل معاها اتصلت علي عصام اتونست معاها مسافه وقفلت منو وهي كل مره كانت بتحس بـ اهتمامو ليها....
عصام فرح شديد انها اتصل بيهو هي من نفسها لانها من يوم عرفتها ما حصل اتصلت ليهو ...
محمد كان ح يموت من الزعل وامي في نفس الوقت فاتحتهو في موضوع الزواج
امل(ام محمد):يل ولدي ما خلاص بعد ده ما دايرني اشرفك في بيتك
محمد:امي ققلي علي السيرة دي لانو ماحيحصل...
امل:يا ولدي نفسي اشوفك في بيتك قبل اموت
محمد:بعد الشر عنك يا امي بس هسي ما ماعندي طريقه...
حسن:طيب متين عندك طريقه...
محمد:ماعارف
ايه:ليه يا حسن نفسنا نفرح بيك...
محمد:قلت ما عارف....ومشي
دلال بقت اول ما تزهج تتصل علي عصام..

عصام كان مبسوط مني انها بدت تميل ليهو ..

سلمي كانت بتحاول تقنع دلال انو تسال محمد..

محمد كانت الدنيا ضايقه بيهو وزعلانه هو صح لاقاها كذا مره بس جد حباها

عمر كان بفتش علي سجود وما ترك مكان الا وفتشو بس بدون فايدة...

وكدا مرا من الشهر 15 يون وكل زول في دنيتو الخاصه...

(غفلت ﻋيناي عنـڪ حتـﻯ اصبـﺣت ابـﻋد قريب😪)

يتبع...