يلا صلو علي النبي.. 💗
دلال كانت حتموت من الشافتو ...بقت ما قادره تمشي حتي احلامها وامالها كلها اتلاشت في لمح البصر...شافت شنو...
دلال شافت محمد قاعده مع بت وماسك يدينها هي كانت شكلها بتبكي وهو ماسك يدينها وتاني بمسح ليها في دموعها..
دلال:لا لا مستحيل الانسان الي حبيتو او بديت احبو ليه ده ليه..💔💔
دلال رجعت سريع لـ شلتها اول ما شافوها كلهم قامو جرو عليها طبعا اولهم عصام
سلمي:دلال في شنو مالك
عصام:فيك حاجه في زول زعلك ولا زول قال ليك حاجه ضايقتك ..قال الكلام دا وما سكتت
عمر:دلول مالك ياخ
بيان:في شنو ما تخوفينا عليك خالتو حصلت ليها حاجه
دلال:امي قالو تعبت انا ماشه اشوفها...
عصام:ارح طيب يلا
دلال:لالا انا ح امشي براي
عمر:كيف الكلام ده مستحيل تمشي براك..
بيان:احنا ح نمشي معاك
دلال:لالا ما في زول يمشي معاي انا ح امشي براي ما بتقصرو شكرا
عمر:انتي هبله من متين بينا الكلام ده
سلمي:خليك من دا هسي ارح انا ح امشي معاك
دلال:لالا خليك انتي تمي قرايتك
عمر:لا لازم زول يمشي معاك..
دلال:طيب ارح.. 😓💔
مشت سلمي مع دلال وعمر طلع طوالي وبيان وعصام قعدو علشان نفحات جايه..
عصام:انا ما اظن انو امها فيها حاجه..
بيان:انا زاتي قلت كدا
عصام:شكلها زعلانه من حاجه..
بيان:اام بتكون بس هسي سلمي معاها وح تنتبه ليها دلال حساسه شديد..
نفحات:كيفكم
بيان:اهلين نفحات كيفك
نفحات:تمام الحمد لله عصام كيف
عصام:تمام الحمدلله وانتي كيف..
نفحات:تمام وين الباقين ماشيفاهم
بيان:مشو هسي دلال امها تعبت فجاة
نفحات:اوووو سلامتها
بيان:االله يسلمك.. ♥
نرجع لـ دلال..مشت البيت وسلمت علي امها عملت قدامها زي المافي شي ومعاها سلمي كانت الساعه 3ظهر عملو الغدا والشاي وختو ليهم ومشو..
سلمي:دلال انا بعرفك قويه بس دي شنو الخلاكي تبكي كدا في شنو....دلال اول ما اتذكرت الموضوع صعدت تبكي تاني ..
دلال:كل شي انتهي يا سلمي حلمي وحياتي انا حبيتو جد صح ما عرفتو الا فترة بسيطه بس جدا دخل قلبي هو كان اول حب لي ليه يحصل انو ينتهي قبل يبدا هو كان جادي ولا بلعب بي يل سلمي 😭😭😭😭😭😭😭😭😭😭😭😭😭😭😭
سلمي:حبيبتي اهدي وريني الحصل شنو ...
دلال:شفتو في الحديقه وكانت معاها بت وماسك يدها وهي بتبكي وبمسح ليها في دموعها وشويه وكان ح يحضنها اصلا ده الفضل انا اصلا غبيه ما كان اصدقو ليه كدا يا😭😭😭😭😭
سلمي:انتي جدا غبيه يعني لازم تكون حبييتي ولا كدا ممكن تكون اختو
دلال:اختو اختو ما بجي يراضيها هنا براضيها في بيتهم من في الحدايق اخ يا قلبي...وتبكي😭😭(انا ما عارفه لو كانت بتحبو من زمان كان حصل شنو😒)
سلمي:دلال ما تبقي جادة كدا ياخ انتي العادة دي ما ح تخليها اااي شي عندك جادي
دلال:والله كان عاجبني طيب لو عندو حبيبه ليه اتكلم معاااي
سلمي:ما تستعجلي يا دلال😪
دلال:خلاص انا اصلا ما دايره حاجه تاني...
سلمي:دلال ما تعملي حاجه تندمي عليها
دلال:انا عارفه بعمل في شنو
سلمي:براحتك يا دلال انا ح امشي لانو العشاء قرب ..
دلال:بيتي معاي..
سلمي:انتي عارفه امي براها وابوي مسافر
دلال:خليك معاي موش معاها اختك واخوك
سلمي:لالا اخوي مشي مع ابوي واختي في بيتها يلا نتلاقي بكره في الحديق
دلال:لا ما ماشه الحديقه تاني
سلمي:ح تخلي امتحاناتك علشانو
دلال:خلاص ما تبدي بي محاضراتك
سلمي:😒😒😒😒انا طايرة....ومشت دلال قدمتها لـ الباب
دلال:اصبرب دقيقه
سلمي:في شنو
احمد:كيفكم يا بناتي
دلال+بيان:تمام الحمد لله
احمد:ما تمشي براك يابتي استني يا حسام
حسام:نعم يا ابوي
حسام:تعال وصل سلمي
سلمي:لالا مافي داعي بمشي براي ما دايرة اتعبو
حسام:لا والله بت من عندنا ما بتطلع براها ارح يلا
دلال:خلاص يا سلمي حسام حلف يلا مع السلامه...
سلمي:طيب يلا باااي...مشي حسام يوصل سلمي...دلال دخلت لقت تلفونا منور لقت انو فيهو مكالمه جات تشوف ده منو فصل بعد شويه تاني اتصل ...دلال اترددت ترد ولا لا وقررت انها ما ترد...
بعد شويه.. عصام اتصل علي دلال...
عصام:دلول كيفك وكيف امك
دلال:الحمدلله والله
عصام:مالك يا دلال انتي الزعل ما بشبهك
دلال:لالا بس امي وكدا
عصام:دلال انتي بتغشيني انا..انا عارفك ما زعلانه علشان امك...
دلال:جد ياخ....محمد تاني دخل ليها في الخط هي فصلت فيهو....
عصام:يلا باي اقري علشان بعد بكرة الامتحان....
دلال:طيب يلا...وقفلت منو ومشت نامت وتاني يوم قعدت تقرا وابت تطلع نهائي مع انو كلهم حنسوها وكانت بتتحجج بامها فخلوها علي راحتها...قرت لمن جات الساعه10مسا ورقدت نامت...صحت تاني يوم الساعه4 وقعدت تقرا وتراجع وتاني عملت شغلهارفي البيت وطلعت..
في الجامعه
عمر:دلول كيفك
دلال:الحمدللله كيف انتو
كلهم:بخير
بيان:كيف خالتو
دلال:الحمدلله والله
عصام:يلا الامتحان باقي ليهو شويه...
كلهم مشو علي قاعه الامتحان حقتهم..دخلو القاعه...لسه الدكتور ما جا وهم لسه براجعو...دلال جاتها رساله...فتحتها
محمد:اشتغلي كويس ركزي في السؤال واستغفري قبل تبدي وماتستعجلي في الاجابه ودعواتي معاك😘😘
دلال كان نفسها تفرح بـ الرساله بس بتتزكر الموقف😔😔😔
حتي ما ردت عليهو وقررت انها اصلا تاني ما تتكلم معاهو...امتحنو وكان امتحان حلو...
عصام:والله ساهل ما صعب
عمر:بنسبه ليك يا اخوي
بيان:انت اصلا لو ساهل ما بتحلو🙃
عمر:صدقتي😆
دلال:الكلام ده احنا كلو قريناهم ...
سلمي:يلا نفطر لاني جعانه☹....ومشو كلهم فطرو وراجعو شويه ورجعو االبيت مشت ايام الامتحان دي كلها ومافيها شي جديد اخر يوم..
في الجامعه.....
عصام:الليله اخر يوم ارح شارع النيل
عمر:طوالي يا معلم
بيان:اااي والله ارح عندي نفسيات زاتو
سلمي:انا ما عندي مانع والله ززهجت
دلال:طيب امشو انتو انا راجعه البيت
عصام:مستحيل لازم تمشي معانا...
دلال:لالا ما عندي مزاج
عمر:والله تمشي معانا...
دلال:ياخ ما دايرة
بيان:بس هو حلف يا دلال...
دلال:طيب ارح.....ومشو كلهم بس دلال قالت لو دايرنها تمشي يمشو بـ المواصلات ما بـ عربيه عصام....
ومشو شارع النيل ووقعدو دلال نست الهم الهي فيهو وبتتونس وتضحك لحدي ما شافت محمد.....
(كادت ﻋيناڪ ان تذبـﺣني عندما رايتـﮪـا ﮪذه المره💔)
يتبع
