يلا صلو علي النبي.. بدينا
محمد شاف دلال قام ومشي عليها...
محمد:السلام عليكم
دلال:عليكم السلام..
محمد:انا اسف قبيل استرعت ورسلت الرساله مع انو كان بدري عليها...بس ليه ما رديتي يعني لو في زول في حياتك عادي
دلال:لالا ما تتاسف انا بحترم احساسك...مافي زول في حياتي
محمد:يعني افهم انك موافقه..
دلال:انا مابعرفك حتي كيف اوافق(دلال كانت جوها حاجه بتقول ليها وافقي بس الخفه ما حبابا..حتي ما عرفت تقول ليهو شنو وانو ليه اصرت انها توريهو انو مافي زول في حياتها.. )
محمد:خلاص ح تعرفيني مع الايام ..
عصام جا:في حاجه يا اخينا
دلال:لا مافي شي
عصام:لو ضايقك قولي
دلال:لا ما ضايقني ارح
عصام :يلا...عصام مشي ودلال عاينت لـ محمد ومشت كان قلبها ح يقيف من الخوف والسعاده.. هو محمد جذاب شديد وبدخل القلب بسرعه..
عصام:دلال في حاجه
دلال:كانت سرحانه في كلامو معاها وانو شافت الجديه في وشو يعني راحت من بالها فكرة انو يكون بلعب بيها...
عصام:دلال دلااااال
دلال:اااي يا مح...انتبهت علي نفسها سريع...عصام
عصام عمل نفسو ماسمع او بـ الاصح ما كان فاهمها كانت دايرة تقول شنو ورجعو الجامعه وكل زول ساكت...
عمر:اتاخرتو
عصام:مالقينا هنا مشينا االمطعم...
بيان:يلا يا جماعه نتم علشان اتاخرنا
عصام طيب ناكل اول وقعدو اتكلو وقرو وطبعا دلال قالت لـ بيان اشرحي انتي وهي بقت سرحاااانه..
جات نفحات😒
نفحات:انتو هنا انا بفتش عليكم...
دلال:اهلين يا نفو في شنو
نفحات:جيت اقرا معاكم وكدا
عمر:طبعا شامي الوضع شديد بس ما بقدر يفوت الشرح...عصام كان منتبه ليهو
نفحات:عمر سلمي كيفكم وانت يا...
عصام:اسمي عصام
نفحات وانا اسمي نفحات اتشرفنا🤝🏻
سلمي:تمام انتي كيف
نفحات:كويسه...عمر..
عمر قاطعها:يلا نكمل
عصام:اقعدي يا نفحات...خلتهم كلهم وقعدت جنب عمر ..عمر كره نفسو ما قادر يعمي شي ...شرحو لمن المغرب قرب...
دلال:بعد كدا يلا نفشي الوقت اتاخر
عصام:ااي ارح انا بوصلكم
عمر:اااي يلا..
دلال:لا انتو امشو انا بمشي بـ المواصلات
بيان:ليه امشي معانا
دلال:لالا بمشي بواي عندي حاجات في السوق دايرة اجيبها
سلمي:لالا بتمشي معانا
عصام:ااي مستحيل نخليك براك
نفحات:يلا يا دلال ياخ
دلال كانت مترددة شديد فجاه تلفونها ضرب
دلال:الوووو
حسام:انتي في الجامعه..
دلال:اااي حسي طالعه
حسام:لالا خليك بجي اسوقك هسي مع صحبي
دلال:طيب تمام
دلال: ده حسام اخوي وقال جاي علي امشو انتو
عصام:بس...قاطعو عمر
عمر:خلاص يا زوله مدام اخوك جاي ..ارحكم...ومشو
دلال ارتاحت لانها ما كانت حابه تركب معاهو في العربيه...جاا اخوها وساقها...رجعت البيت بدلت واتغدت ورتبت الببت ومشت نامت ...
في جانب اخر....
محمد:انا مبسوط اني اعترفت ليها حاسي نفسي مرتاح.. ☺
حسن:كويس والله بس ما شايف انك استعجلت شويه
محمد:ااي بس صراحه ردها ما كان متوقع
حسن:ليه هي وافقت
محمد:لا هي ما وافقت ولا رفضت.. بس سكتت..
حسن:معناها في شويه اعجاب
محمد:او حب مثلا...
دلال صحت مع اذن العشاء صلت وقعدت تقرا جاتها رساله ..فتحتها بسرعه كانت فاكراهو محمد بس طلع عصاام...
عصام:وصلتي كيف
دلال:الحمدلله ..وسكتو بعد شويه رسل ليها حمودي(ااي بدلعو مالكم😌)
محمد:كيفك
دلال صبرت مسافه ردت :تمام ..
محمد:انا برضو تمام(بس هي ما سالتك🙃)
دلال:كويس طيب
محمد:ممكن اطلب طلب? لو ممكن يعني
دلال:اتفضل
محمد:ممكن نتلاقي بكره علشان في كلام داير اقولو ليك
دلال:قولو هنا
محمد:لا هو كتير بعدين نص ساعه بس ما اكتر..
دلال:ماعارفه والله
محمد:عليك النبي وافقي
دلال:طيب اشوف البحصل شنو
محمد:بالله عليك توافقي
دلال:طيب.. كانت مترددة بس يلا اتوكلت علي. الله مشت تمت قرايتها وبقت تفكر يا ربي داير يقول شنو...محمد برضو كان بفكر فيها ياربي رد فعلها ح يكون شنو ...
(حدثتڪ بما اريد فـ اخاف ان ما اريده انا انت لا تريده💔😪)
ح نعرف في الحلقه الجايه محمد داير يقول شنو وكيف رد دلال ح يكون.....
يتبع
