جاء الصبح عليهم وبرضو عيونهم ما نامت...محمد اصلا كان الليله ماعندو شغل..عمر وعصام قامو علشان يجهزو لـ الجامع...
دلال قامت صلت الصبح وعملت الشاي استنت ابوها واخوها يجو من الجامع جو وشربو الشاي واتونسو لحدي ما شرقت الشمس....دلال قامت رتبت البيت وجهزت لـ الجامعه(لبست ليها اسكيرتي زيتي وتشيرت اسود في تشكيلات بـ الزيتي وطرحه زيتيه وجزمه سودا وشنطه سودا.. (رغم وضعهم الا كان ابوها بعمل المستحيل علشان ما ينقص عنها حاجه.. )
في الجامعه...
كلهم اتلاقي وسلمو وكدا ودخلو محاضرتهم...بعدين خلصت اتجمعو كلهم...
سلمي:يالله من الزفت ده بكرهو شين خلاص
بيان:العجب انا يلخ جلحاتو كبار خلاص👊🏻
دلال:حرام عليكم ده شراح
عمر:دلال هم بتكلمو عن شكلو ما عن شرحو🥴
دلال:واحنا مالنا ومال شكلو خلينا نركر في شرحو وبس😑
عمر:انا غايتو ماعندي امل انجح😓
عصام:امل ولا سعاد😹😹😹🌚
عمر:عصام خلي تفاهاتك دي.. 👊🏻👊🏻😤
عصام:تفاهاتي ولا برتكاناتي😹😹😹👊🏻
عمر:عصام(بنهرة كدا) 😡😡
عصام:ماتخت في بالك حبيت الطف علي الجو...
دلال وبيان وسلمي ميتين من الضحك في عمر😹😹😹
عمر:انتو هسي في شنو بتضحكو كدا
سلمي:لا مافي شي كمل كمل😆
دلال:😹😹كفايه خلاص ...ومشو يفطرو البنات مع بعض وعصام وعمر مشو لـ شباب بعرفوهم.. ..
في جانب اخر..
-ماشفتي اتصلت ليهو كورك فيني كيف
-انتي الغلطانه انا قلت ليك ما تتصلي ليهو
-دكلو بسببها دلال هي السبب.. 😡
-دلال عملت شنو هو اصلا برد عليك ده من زمان بارد معاك
-بس علي الاقل كان بسمع الكلام امس حتي كلامي ما سمعو..
-حبيبتي انتي براك جبتيها لـ نفسك ما تتصلي ليهو ياخ انتي مستحيل يمر عليك يوم ما تتصلي ياخ
-مابقدر ياخ الا اسمع صوتو ياخ صوتو مسيقى بنسبه لي
-انتي ما ح تفهمي ما تتصلي ليهو...
-ماعارفه اشوف...
عند ناس دلال...
سلمي كانت فاتحه تلفونها وبتضحك
دلال:دي جنت ولا شنو..بتضحك براها😒
بيان:ااي شكلها كدا..
سلمي:لا في نكات حلوه هنا
دلال:وين هنا
سلمي:وين يعني في الفيس
دلال:انا ماعندي فيس
بيان:جيبي اعملو ليك
دلال:طيب هاااك
بيان عملت صفحه لـ دلال وضافت فيها نفسها وسلمي وعمر وورتها كيف تستخدمو..بعد كدا كان عندهم محاضرة مشو حضروها ورجعو بيوتهم..
عند ناس دلال....
فاطمه:دلال قومي اعملي الشاي لـ ابوها
حسام:واعملي لي معاك
دلال:طيب...مشت عملت الشاي اتونسو ابوها واخوها عن الشغل (حسام نزل شغل مع ابوهو)
دلال مشت رقدت في سريرها اصلا كان يوم خميس يعني صابح الجمعه ما عندها جامعه.. المهم رقدت في السرير ولقت رسايل كتير في الواتس في المجموعه ...بقت تتونس معاهم.. عصام دخل ليها في الخاص...
عصام:دلال كيفك
دلال:تمام انت كيف
عصام:الحمدلله ...اها
دلال:يدوم الحمد يارب ....اها شنو
عصام:عرفيني اكتر عنك
دلال:اعرفك علي شنو يعني مافاهمه...🤨
عصام:عنك عن شخصيتك حياتك علاقاتك اااي شي
دلال:شخصيتي انتي عارفها وحياتي مافيها شي غير الجامعه اما علاقاتي في سلمي وبيان وعمر دي ياها كل علاقاتي
عصام:يعني ما عندك علاقه حب مثلا
دلال:حب شنو ياخ
عصام :ما مصدق بت في الجامعه ماعندها قصه حب
دلال:لا لا صدق صدق...وطلعت من الواتس خشت الفيس ..بتتصفح لاقتها صورة محمد.. فتحت الصورة الف مره علشان تتاكد كان جميل شديد وقاشر شديد خلاص وصفحتو كلها اذكار وكلام عن السياسه والدين وكدا جاها فضول انها تصادقو ورسلت ليهو طلب.. هو في عاتو ما بقبل الطلابات بس كان ماسك تلفونو ووافق علي الطلب...
تاني يو اصبح الجمعه قامت دلال صلت الصبح وعملت الشاي رتبت البيت ومسكت شيتها وبقت تقرا لحدي ما صلو الجمعه قامت صلت وامها ختت الفطور وقالت ماشه لـ اختها بت خالتها(امها واحده عند اهلها زي دلال ..دلال وحسام كانو ما محتكين بـ اهلهم نهائي ولا اهل امهم ولا ابوهم بس بثينه كانت بتجيهم كتير وهم ليها اكتر من سنه ما مشو ليها) ..
دلال صلت وقرت سورة الكهف ومشت فتحت تلفونها لقت رسايل من عصام جمعه مباركه وكدا ردت عليهو هو كان متصل.. اتونس معاها لـ حدي العصر في كلام عام وما ادراك ...تاني يوم برضو ماعندهم شي كان يومين عادين شديد ..يوم الاحد جاء كان عندهم محاضرتين بس ..قامت دلال عملت حاجاتها الي اصلا بتعملها ومشت الجامعه ...لقت شلتها ودخلو القاعه خلصت المحاضرة وطلعو
عمر:انا ماشي بعد كدا
عصام:اااي ارح
دلال:ماشين وين لسه ما خلصنا
عصام:انتي قاعده بتشرحي لينا
دلال:لا ما بشرح الا توروني ماشين وين عمر ده اصلو مستهتر انت زيو كان..
بيان:اها ماشين وين
عمر:مشوار ياخ(احراج ليه كدا ياعمري🌚)
مشو عمو وعصام مع بعض وديل دخلو المحاضرة ومعاهم نفحات😒...المهم خلصوها ومشو سلمي:ياجماعه عندي شيت ناقصني ماشه اشتريهو..ومشت وهي ماشه لاقاها..
-السلام عليكم
سلمي:عليكم السلام
-معليش ح اشيل من وقتك داير منك معروف بالله
سلمي:بشنو اقدر اساعدك...
-اشر ليها علي دلال وسالها عنها ...
-دي موش صحبتك
سلمي:اااي
-ممكن اعرف اسمها او صفحتها في الفيس....
(واخذت ابحث عنڪ ﺣتـﻯ وجدت من يدلنـﻯ🔕)
ده منو وداير شنو وسلمي ردها ح يكون كيف حنشوف في الحلقه الجايه ..
يتبع...
