Deathless Killer (Artificial Vampire 2)

CHAPTER 39

Xia's POV

"Wala na ba kayo nakalimutan? Pasok na tayo?" nakangiting tanong ko pagkalabas ko.

"Mom, bakit ganyan suot mo?" tanong ni Primo.

"Bakit? May problema ba suot ko?" tinignan ko suot kong uniform ni Apple noong pumapasok pa siya sa school nila Primo.

"Dad?" tinignan nila si Zander nguniti napabuntong hininga lang ito.

"Pupuntahan niya si Kenji. Mas madali siyang makakapasok kung ganyan ang suot niya. Ayun ang sabi ng mommy niyo. Isipin niyo na lang na si Apple ang kasama niyo," paliwanag nito. Ihanatid na niya kami sa school.

"Mahal, wag mo kakalimutan sabihan si Claude na pupunta ako sa bahay niya. Isasama ko si Neil para makapasok ako agad."

"Okay."

"Goodbye!"

Hinalikan ko siya sa labi bago susumunod kila Primo. Pagkapasok namin sa building humiwalay na ako agad sa kanila at magtunggo sa office ni Kenji.

"Xia? Ano ginagawa mo dito?" tanong ni Kenji nang masalubong ko siya.

"Tamang-tama nagkita tayo. Ikaw pinunta ko dito. Pwede ba tayo mag-usap saglit?"

Tumingin siya sa orasan niya.

"Papunta na sana ako sa first class ko pero may 10 minutes pa naman. Tara sa office."

"Hindi din naman ako magtatagal. May ipapagawa ako sayo."

Umupo ako sa sofa na nasa opisina niya. Nilabas ko ang bloodpearl.

"Gusto ko pag-aralan mo ito kung paano natin ito magagamit laban sa gumagamit ng mother bloodpearl. Mag-ingat ka nga lang baka makontrol ka niya habang pinag-aaralan mo ito."

"Okay. Isesend ko sayo agad lahat ng nalaman ko tungkol dito. May iba ka pang sasabihin?"

"Pwede ko ba mahiram saglit si Neil sa oras  ng klase mo?"

"Bakit?"

"Magpapasama lang ako sa bahay ni Claude. Kilala mo ba yung maid ni Claude?"

Bigla siya namutla nang mabanggit ko ang maid ni Claude. Mukhang nabiktima din siya nito.

"Yeah. Dahil sa kanya kamuntik na kami naghiwalay ng asawa ko. Wag mo sabihing tuturuan mo siya ng leksyon dahil sa ginawa niya kay Zander?"

Tumawa lang ako bilang tugon. Hindi lang basta leksyon ang gagawin ko. Sigurado naman ako na nagugustuhan niya ang nangyayari sa kanya hanggang kamatayan.

"Nakakatakot tawa mo. Anong kademonyahan ang binabalak mo? Kung hindi kita kilala, iisipin kong masama ka."