شارت العباس

بارت الاول

الكاتبة 🦚دنوشة 🦚

   💝   شارت العباس💝

ابو فهد،،،،،اني رجال الناس تحترمني وتهابني صح موشيخ بس كلمتي مسموعة عند الناس عندي ٦ولد وبنية وحيدة اسمهة حنين مدللة

فهد،،،،،اني الابن الاكبر للعاءلة اني واخوتي عدنة كيعان ومحطة بانزين مرات نشتغل بل كيعان لان احنة خالين بيهة فلاحين بس مرات نساعدهم بس حنين تروح يمهم داءمن

حنين، ،،،،اني البنت الوحيدة لهلي ومدللة مرات اطلع اشتغل وية الفلاحين لان خطية كبار بل عمر

حيدر،،،، اعرفكم على نفسي اني حيدرابن ابو حيدر الابن الاكبر للعاءلة اني الوحيد لهلي اشتغل بكاعنة اني ولد عمي مرات اشوف حنين بنت ابو فهد تشتغل وية الفلاحين وعجبتني اخلاقهة ورزانتهة وحترامهة للناس كمت اراقبهة من بعيد

حنين، ،،،،مرات اشوف حيدر يراقبني اخاف منة اكول شبي هذة اخاف ابقة بوحدي بل بستان
الان ماكو سياج بين كاعنة وكاعهم بس ساكة مي جبيرة وخالين عليهة حديدة حتى واحد يدخل على بستان الثاني

حيدر،،،، اني صديق فهد وعلاقتي بي قوية داءمن اروحلة للبيت اشوف اختة حنين بس محترمة مايوم فاتت مني ورفعت عينهة بعيني صرت اكثر روحاتي عليهم حتى للبستان اخلي ولد عمي يشتغلون واني اروح اكعد يم فهد حتى اشوف حنين

حنين، ،،،،يمة اصب غدة لولا

ام فهد،،،،،،،لايمة خلي يجي اخوج فهد لان طلع هوة وحيدر ابن جيرانة كعدو بل بستان

حنين،،،،،يمة شعجب حيدر دايجي هواي يمنة

ام فهد، ،،،،،يمة لعد وين يروح خليهم اقلها كاعدين كدام عينة الزمن موزين

حنين، ،،،،والله يايمة مامرتاحتلة حيدر

ام فهد،،،،،،كولي يا الله ان شاء الله ماكو شي

حيدر،،،،صار لليل طلعت للساكة بينة وبين بيت فهد شفت حنين كاعدة ويمهة طفل زغير تحمحمت كلت السلام عليكم

حنين، ،،،، كاعدة اني وابن اخوية زياد سمعت صوت وراي ودنية ليل جفلت عطت ماحس غير يد ونخلت على حلكي نداريت شفت حيدر
بقة يباوع علية صافن وخرت يدة كتلة غير تسوي صوت جفلتني

حيدر،،،، اسم الله عليج ماقصدي اجفلج

حنين، ،،،لعد شجابك علينة بهل ليل

حيدر، ،،،،والله مادري رجلية جابني على بستانكم اسف لان جفلتج

حنين، ،،،ماصار شي عادي اني اروح

حيدر، ،،،،نتضري حنين عندي حجي وياج

حنين، ،،،،كتلة شتريد وشلون عرفت اسمي

حيدر،،،،،،عرفتة بس اريد اكلج اني معجب بيج

حنين، ،،،،باوعت علي عفتة ورحت وصلت للبيت صعدت للغرفة كعدت افكر بكلامة بعدين تعوذت الشيطان ونمت

حيدر،،،،،من كلتلهة تندمت لان خاف تكول لخوهة فهد واني صديقي وعزيز علية

ام حيدر،،،،،يمة حيدر تعال عبرني الساكة مال مي لان اريد اروح اشوف بيت ابو فهد من زمان ما شايفتهم

حيدر،،،،تدللين يمة اخذت امي وعبرتهة الساكة وصلت للباب دكينا طلعلنة زياد

زياد،،،،ندك الباب فتحتة لكيت حيدر وامة كلتلهم تفضلو كل الهلة بيكم

ام حيدر،،،،، بيك اكثر وليدي امك موجودة اجيت اشوفهة

زياد، ،،،،،اي تفضلي خالة موجودة تفضل حيدر

حيدر، ،،،،،طبينة ويا كعدنة اجت ام فهد وابو فهد كاعدين يمنة ردت اشوفهة لحنين ماكو بس اسمع صوت حجيهة وية اخوتهة شوية ترخصنة وكمنة

حنين، ،،،،ابوية تمرض واخذو للمستشفى لان عندة جلطة قديمة وهسة تخربط الكل حتار بي
شوية وندك الباب فتحتة طلع حيدر

مشاهدة ممتعة للجميع اتمنة ينال عجابكم 😍

تحياتي الكم الكاتبة 💝🧚‍♂️دنوشة 💝🧚‍♂️