Hiling : Book II (Christmas special)- Completed!

Wish # 12

Eksaktong alas sais ng gabi ay sinundo ko na si Kaley. Dinalhan ko ng pagkain galing sa bahay ang pamilya nya pati si Zy.

"Tandaan mo Krauss,kailangan din magpahinga ng anak namin." ang paalala sa akin ni Tito.

"Opo,hindi ko po iyon kakalimutan." nahihiya kong sagot.

"Kung hindi mo sya maiuuwi ng maaga. Patulugin mo ng maaga. At pagkagaling sa simbang gabi ay patulugin ulit para makabawi sya." dagdag ni Tita.

"Ayaw naming mapadali ang pagkawala nya." ani pa ni Tito. Natahimik ako at napahinga ng malalim. Ako din naman,ayoko.

"Ako pong bahala sa kanya,aalagaan ko sya. Maraming salamat po sa tiwala." sagot ko at saktong lumabas na si Kaley sa kwarto nya. Formal ang suot nya,simple pero iba pa din ang dating sa akin.

"Aalis na ba?" aniya at tumango ako. "Ma,Pa. Alis na po kami."

Humalik sya sa mga ito at lumabas na kami.

"Maaga tayong matulog. Para makabawi ka." ani ko at ini start na ang makina ng kotse.

"Sige,medyo nakakapang hina na nga eh." sagot nya kaya nilingon ko sya.

"Kung gusto mo huwag na lang tayong mag simba? Pupuntahan na lang kita sa inyo araw araw? Baka ako pa maging dahilan ng lalong panghihina mo." nag aalala kong sabi habang nagmamaneho.

"Ano ka ba? May hiling tayo diba? Saka kain at tulog lang okay na ako ulit." ngumiti sya kaya napangiti na din ako.

Pagdating sa bahay ay madami ng tao. Napansin agad namin ang tropa sa isang table kaya lumapit kami dun.

Pagka upo pa lang namin ay dumating si Papa at tinawag ako. Kaya iniwan ko muna sa tropa si Kaley.

"Dinala mo dito yon para ipahiya ang pamilya?" mahinang sabi ni Papa ng makalayo kami. Agad umakyat ang dugo ko sa aking ulo.

"Ano ba Pa? Hindi ba kayo titigil? Hindi ako gagawa ng ikakapahiya ninyo. Sinama ko sya dito dahil gusto kong makaranas sya ng ganito!" gigil ngunit pabulong ko ding sabi.

"Hindi ipapahiya? Pumasok kayo dito ng magkahawak kamay for pete's sake! And now,everybody's looking at you!"

Huminga ako ng malalim at kinagat ko ang aking labi para makalma.

"Look,Pa. Just leave as be,kung hindi nyo kami tanggap fine. Basta huwag lang kayong magsalita ng hindi maganda. Please lang po." at agad ko na syang tinalikuran at bumalik sa sofa.

Again,hindi ako nagpahalata. Nagkasiyahan ang tropa. At ng matapos na ang kainan,exchange gifts at mga games ay nag inuman na kami. Pero RH lang,magsisimba pa kasi mamaya.

Nagpaalam muna ako na magbabanyo. At laking gulat ko ng makabalik ako.

Nag aaway sina Meiji at Ava,at umiiyak si Kaley. Teka nga? Anong ginagawa ni Ava dito?

"Sobra na ang pangmamaliit mo kay Kaley! Insecure!" sigaw ni Meiji. Lumapit na ang mga tao,pati sina Mama at Papa kaya lumapit na din ako.

"Me? Insecure? Ayaw ko lang na dumidikit ang baklang iyan kay Krauss! Napaka ambisyoso at gold digger!" galit ding sigaw ni Ava.

"Ava! Ano ba? Akala ko ba titigil ka na?!" sigaw ko at lumapit kay Kaley. He was crying like a child. At parang nahihirapan na naman syang huminga.

Bigla na lamang tumakbo si Kaley. Galit na tinitigan ko si Ava.

"Pag may nangyaring masama sa kanya hindi kita mapapatawad." ani ko at tiningnan sina Mama at Papa,pati ang mga taong nakatingin sa amin.

"Napaka sama mo. Gusto lang naman naming ma enjoy ni Kaley ang mga nahuhuling araw nya sa mundo! Pero sinaktan mo ang damdamin nya! At pwedeng maging dahilan iyon ng maaga nyang pagkawala!!" umiiyak na sigaw ni Meiji. Nagulat si Ava at ang mga magulang ko.

"Im sorry,pero kailangan ko syang sundan. Hindi ako papayag na maaga ang pagkawala nya dahil sa kakitiran ng mga utak nyo!" sabi ko at nagkatinginan sina Mama at Papa.

Agad akong tumakbo palabas at nadinig kong sumunod ang tropa.

It was 1AM at hindi pa din namin nahahanap si Kaley. Sobrang natatakot na ako. Kasalanan ko ito,dapat hindi ako umalis ng mga oras na iyon.

"Parang alam ko na kung nasaan sya. Hindi kasi iyon uuwi eh." ani Zy at lahat kami ay napatingin sa kanya.

"Saan sya pwedeng pumunta?" nag aalala kong tanong. I swear,sobrang takot na ako ngayon.

"Sa simbahan. Tuwing masama ang loob nya,dun sya pumupunta." sagot ni Zy at wala na kaming sinayang na panahon. Agad kaming nagpunta sa simbahan.

May mga konti ng tao at naghahanda na ang mga nagtitinda kaya pumasok na kami. Agad ko syang nakita dahil nasa bandang likod lang sya naupo. Nauna akong lumapit at tinabihan sya,nagsi upuan na din ang tropa.

"Sorry sa nangyari. Sana pala hindi ako umalis." ani ko. Tiningnan nya ako at biglang niyakap.

"Sorry din. Dahil sa akin nasira ang party. Lalo ng galit sa akin ang mga magulang mo." umiiyak nyang sabi. Lalo kong hinigpitan ang yakap sa kanya. Ayaw ko talagang umiiyak sya,parang tinutusok ang puso ko.

"Sshh. Hush now baby. Wala kang kasalanan. Huwag mong intindihin sina Mama at Papa. Kung galit sila let them be,nandyan pa naman ang mga magulang mo at ang buong tropa para suportahan tayo." ani ko at hinalikan ang ulo nya.

"Oo nga. Saka kasalanan yon ni Ava. Inggetera sya. Humanda talaga sya sa akin." ang pagsabat ni Meiji.

"Tahan na. Makakasama sayo yan. Ayaw kong ganyan ka." ani pa ni Zy. At parang batang sumunod si Kaley at pinigilan ang sarili sa pag iyak.

"Sorry sa inyong lahat. Hindi nyo tuloy na enjoy ang party." nahihiya pang sabi ni Kaley.

"Don't mind it. Magpaparty tayo ng tayo tayo ulit. Just like before." ang sabi ni Blaise. 

"Tama sila. So dapat huwag mo ng isipin yon." ani ko at niyakap ulit sya.

Lumabas kaming lahat sa simbahan para kumain. At ng mag alas quatro na ay bumalik kami,december 19 na nga pala,ika apat na simbang gabi.

"May sinabi sa akin ang lola ko nung bata pa ako." ang simula ng pari ng nasa sermon na. "Para hindi daw antukin sa simbang gabi ay maligo!"

Nagkatinginan kami ni Kaley at napangiti. 

"Kaya kung may nakikita ka ngayong ina antok na,alam nyo na ang sasabihin." dagdag ng pari at natawa kaming lahat. Kasi pare pareho kaming hindi naligo ngayong simbang gabi na ito.

Nang uwian na ay napag pasyahan kong kina Kaley ulit matulog. Ayaw ko munang umuwi dahil masama pa ang loob ko kina Mama at Papa. Pero uuwi ako mamayang tanghali.

Hinalikan ko sa labi ang nauna ng natulog na si Kaley at pumikit na din ako.

Pangako,Kaley. Hinding hindi ka na muling iiyak.

- HALU?! Meme na ako! Wish ko lang talaga ay sumakto sa pasko ang posting ko ng ending nito. Kahit walang masyadong nagbabasa nito at nagkocomment ay tatapusin ko po ito. =)