اختياري ☆قصة فتاة مسلمة☆

من القلب ❤❤

الفصل هذا و على خاطروا قريب من قلبي حبّيت نكتبو بلهجتي.. اللهجة التونسية 🇹🇳🇹🇳

كنت قاعدة في أمان الله حلّيت الواتباد و وقتها كانت الصدمة.. أما صدمة مزيانة لحقيقة 😂😂

اوّل ما بديت نكتب على الواتباد كان بعد ما خمّمت بالباهي و هذا صار بعد عامين ملّي تعرفت على التطبيق هذا 😅

وقتها بديت نهبط في خواطر كنت كاتبتهم تو عندي عامين و جمعتهم في اول كتاب كتبتو و الّي هو "خواطر"

مبعد قررت اني نبدا نكتب رواية و الفكرة متاعها كانت عندي من قبل.. منعرش كيفاش نلقا روحي هبطت اوّل فصل منها.. و بعدها بفترة تغصرت بالقراية و كل و كي نجي باش نكتب ساعات ننسى حتى الاحداث عدا عملت راحة قصيرة..

كي جاي وقت الحجر المنزلي و كل كيما تعرفوا رجعت نكتب اما كي الوزارة متاعنا اعلنت على مواعيد الامتحان الوطني البكالوريا تلهيت في القراية..

القرار هذا خذيتوا من اجل مصلحة الرواية.. افكار كثيرة في مخي.. احداثث كبيرة نخمم فاها و باش ما نظلمهاش قررت انّو نتلْهَا باها بالباهي بعد ما نكمّل نعدّي..

ما نحبش انشوقكم برشا خاطرني نعرف مرارة الانتظار هههه

اما نوعدكم و نشالله دوبا ما نكمل اللي شاغلني تَوْ باش نكمّل نكتب الرواية كاملة و باش نحدد مواعد للتنزيل (مرة او مرتين في الاسبوع) و اكّاك يكون التنزيل منتظم و غير منقطع..✌🏻✌🏻

و نشالله الرواية هاذي باش تكون سوى البداية لبرشا روايات مزيانين في المستقبل 🙏🏻🙏🏻🙏🏻

نعرف انّو لهجتنا صعيبة شويّة هاكا علاش اللي ماعرفش معنى ايْ كلمة يجّم يسألني 😊 ما تحشموش 😁😁