// الكاتبه فطوم العامري \\
صاح بابا كلنه فزينه ها شڪو انا اللّٰـه وانا اليه راجعون عززا مـטּ كال هـــيج متتت بدمي بالي راح يم سيف ماما عاطت مــــنو الماات ياسر واحمد يشروله بــــس يردون يعرفون مـنو المات سد التليفون لاتخافون واحد صديقي بلدوام متخبط بين مامودي اللمستشفى لاكي ميت بــــس شلـون واحد مداب وحباب اللّٰـه يرحمه باجر مـטּ ال7 كعديني دنروح اللتشيع ماما كالت يمه اسم اللّٰـه فززتنه عبالنه شو مــــنو المات كلت خــطيه اللّٰـه يرحمه حست بابا ضاج عــلى صديقه كام عافنه وراح اللحمام ديسبح عاد احمد صعد الغرفته لحكته مرته اخذت الجهال وراحت ماما فاتت للغرفه انــــي عزلت الخطار لان جنه كاعدين ياسر طلع كال بربج لاتنامين شوي واجي حته تفتحيلي الباب اييي روح مانام هســـه عاد طلع سديت الباب وصعدت الغرفتي ســاعه واجه ياسر فتحت الباب ورجعت الغرفتي باجر ثنين دوام حضرت كتبي وشفت الواجبات جان هاذ اخر شهر دوام ومر الشهر عـــادي ومرت المتحانات هـــم جانت فتره صعبه بــــس كدرت اعديها واجه اخر يوم امتحان فتنه للقاعه انــــي وريم انــــي ميته مـטּ الخوف جان عدنه امتحان كيمياء واني مو كلش بيها ف خاايفه وارجف جابولنه الدفاتر شوي واجتي الاسئله واني ڪلبـــي يدك حييل قريت شفت كم سؤال اعرفهم بديت احل احل وقت المتحان ســاعه بــــس حلت وراجعت خاف عندي سؤال غلط ضليت اراجع الاحد مخلص الوقت الي بقه عاد سحبو الدفاتر طلعنه ريم ها بشري جاوبتي ...
واللّٰـه جاوبت الي اعرفه وحاولت قدر المكان اجاوب ان شاء اللّٰـه ننجح ..
ريم اييي انــــي هـــم مثلج ان شاء اللّٰـه يلا تعالي نطلع ناخذ تكسي لو سيف يجينه...
مــــادري واللّٰـه مسئلته اصلا صارلي سبوعين ماحاجيه ويا ولاسامعه صورته متصورين كد مشتاقتله ...
هااا ﭑوكـفـي خل اخابره انــــي جبت تليفوني وخليته بلجنطه وصامت ...
ديله لعـــد طلعنه برا المدرسه نور دكت عــلى سيف جاوب كالتلها ها تجي تاخذنه لو نروح بتكسي كال انــــي جاي طبعا احنه بلمتحانات اجرنه خط وحد بــــس هســـه كال ماكدر اجيكم مرتي عدها ولاده ف ذبنه بلمدرسه وراح نتضرنه ربع ســاعه اجه سيف يمه شكد مشتااااقتله اباوعله عيوني مداتشبع شوف منه صعدنه ...
سيف ها شلونكم وي المتحانات بشروني ...
كلت واللّٰـه الاسئله نااااار لو ندبرها لو لا بــــس ان شاء اللّٰـه ننجح ...
ريم اييي واللّٰـه ان شاء اللّٰـه ...
سيف لاتخافن انــــي ادري بيكم ثنينجن خايفات بــــس مجاوبات عــلى الاسئله ...
مــــادري يمكن صـــدوك مـטּ الخوف كمنه منشوف شي كدامنه ...
سيف هههههه اييي هـــوه هـــيج نداريت عــليها مشتااقلها هوااي ايي نور احجيلي شلـونج سويتي مسويتي ...
بديت احجي اول شي زيـــنه الحمدالله ثاني شي يعني مسويت شي عـــادي كله قرايه مـטּ المدرسه للبيت وكبل اصعد الغرفني ابدل وافتح الكتب وابدي اقرره ساعتين بعدين انزل اكل ورجع اصعد الحمدالله هســـه خلصنا حرتااح شوي مااااشبعت نووم بليل اقره الصبح دوام وهاكذا ڪل يوم واخيرا خلص هل شهررر المر ...
ريم واني هـــم نفس الشي هـــيج ماسويت أي شي ...
سيف اييي ان شاء اللّٰـه تنجحن ...
صـــدوك سيوف احجيلي انــــته شلـون دوامك امتحاناتك شلـونك ...
سيف واللّٰـه كفرونه بلئسله والهسه بقه عدنه متحانين ڪل يوم مجليها شعلو اهلنه راسي دايخ منهم اريد بس امتحن حته اخلص ...
يااا زيـــن ليــــش ديخرون المتحانات ...
سيف شمدريني واللّٰـه هل سنه ميس مــنها ...
لا تحجي هـــيج حبيبي انــــي متكده منك تنجح وتتخرج وصير احله دكتور اسنان ...
سيف ان شاء اللّٰـه سحبت ايدها بستها ...
ابتسمت واني هـــم بست ايده طبعا سيف هــاي اخر سنه اله واني هـــم اخر سنه الي انــــي اتخرج مـטּ السادس وسيف يتخرج مـטּ الكليه وهاي امتحانات اخر سنه يعني مبقه شي الزواجنه وصل ريم بلاول وكالي اريد احجي وياج عاد مشه بلسياره ...
سيف مشتااااقلج يولي مشتاااق الكلشي بيج ...
انيي هـــم مشتااقتلك هووااي واللّٰـه صارلي سبوعين مشايفتك ولاحاجيه وياك عباالك سنه واللّٰـه ...
سيف ايييي واني هـــم لتهيت بلدوام باعي اخذج البيتنه نكعد نحجي عود اني ارجعج لبيتكم ...
ها ماعـــرف بــــس خاف بابا ميقبل لازم اخابر ماما واكللها يلا ...
سيف ليــــش ميقبل قابل انــــي وين ماااخذج ويييينن هـــوه البيت ها اها راح ارجعج البيتكم يعني صارلي كومه مشايفها واريد احجي وياها اكعد هـــيج تكليلي مـــوو صوجج صوجي واللّٰـه ...
شبيك سيف واللّٰـه انــــي هـــم اريددك بــــس غير بابا ميقبل انــــته موتدري بي ليــــش ترجع عــليه هــاي هيه اخذنه البيتكم بدون ماخابر احد ...
سيف استغفـــرالله ربــــي خابري امج شوفيها تقبل ماكدر اخذج بدون ميدرون اهلج ...
اوك اخذت تليفون سيف لان انــــي تليفوني بلبيت طلعت رقم ماما خابرت جاوبت هـلوو سيف شلـونك ... ماما انــــي نور ... ها نوره شڪو شو تخابرين مـטּ سيف ... لا ماڪو شي بــــس حروح ويه سيف البيت عمو ... شعندج رايحه ابوج يدري ... ماما هـــيج اروح يعني شويه ويرجعني نكعد شويه ... اووف منج يعني انتــــي ترحين وتخلين ابوج يعيط ويحجي عــليه
... يربي شجاوب سيف كاعد يمي ها اوك ماما ... سيف يمج ... ايييييييي ماما ... ديلا حبيبتي شسوي روحي وانــــي راح اقنع ابوج ... تمام ماما ديلا ... يلا باي ... سديت الخط كالت روحــــي ...
سيف اڪيد يعني مضاجت ...
لا محجت كالت روحــــي بــــس لاتتخرين خلي سيف يرجعج ...
سيف ايي طبعا انــــي ارجعج لعـــد مــــنو ...
اي وسكتت لان سيف جان معصب مــــدري ليــــش ...
سيف ادري بملاكي ضاج لان عيطت عــليه مـــوو ...
ها لا عـــادي بــــس انــــته ليــــش هـــيج تعيط شڪو صاير شي ...
سيف لا واللّٰـه مصاير شي بــــس انــــي اريد احجي وياج بموضوع وضجت مـטּ كلتيلي بابا ميقبل انــــي بــــس هل فرصه عندي اكعد احجي وياج ...
هاااا يلا هيه ماما كالت انــــي اقنع ابوج روحــــي ...
سيف اييي لاضوجين بداعتي ...
واللّٰـه مضايجه حبيبي رجعنه للبيت فتت ريم كالت هله ها شو جيتو سيف رجعني دنكعد نحجي بمورنه الخاصه وغمزتلها ضحكت ريم واني ضحكت كالت قصدج امورالبوس والحضن ... اييي بلضبط هوه اني اشبع من حضن سيف لو اموت ماشبع مو حضن جنه العافيه من اصير بحضنه حته انتي انساج هههههههه والله ريم ههههههه جلبه تنسيني جذب ايييي الله يديمكم ... ودنضحك نداريت شفت عمه واكفه ورانه وتسمع بكلامنه عززه متت خجلت يربي كالت عمه ها تردون تحجون بئمور موو ... هااا وضحكت رحت سلمت عــليها بوستها ... كالت سمعت كلشي حجيتو انتي وريم ربــــي ويخليكم البعظ بجاه كلمن عنده جاه ويحفضكم من كل عين ويخليلج سيف خيمه فوك راسج هاذ هـــوه رجلج وابو بيتج حافضي عــليه لاتخلي يدور منا ومنا انتــــي صيري كلشي اله وخلي ميكدر يفاركج لان هاذ الشي المصلحتج اذا صيرين ويا يبقه وياج ف انــــي دانصحج بنتي لاتفهمين كلامي غير شي انتــــي احسبج مثل هــاي ريم ماڪو فرق لان تربيتو سوه واتمنالكم الخير وهسه فوتي جوه سيف كالي اريد احجي وياج ... كلام عمه كله صح وحيل فرحت مـטּ حاسبتني مثل ريم وتنصحني كلت ان شاء اللّٰـه عمه اكون حسن ضنج واني هاذ الي اريده ... أيي حبيبتي روحــــي اصعد الغرفت سيف ديحجي وياج بموضوع ... ايي عمه فتت ريم لحكتني كلت لج عمو هنا لو لا استحي اصعد ... ريم لا قبل شويه طلع ويا عمو سعد ؏ـلمـود شغله ... هاا لعـــد سيف ويـــن راح شو ذبني وطلع ... لا امي دزته يجيب شغلان للبيت مـטּ هاذ المحل الي براس الشارع هســـه عــلى جيه ... ها ديلا حصعد انــــي صعدت الغرفه سيف اول ماافتت كفختني ريحته يمه شكد طيييبه فتت وسديت الباب ضليت افتر بلغرفه ملاته يربي كد انــــي احب هل شخص واللّٰـه امووت عــليه فتحت كنتوره شفت ملابسه مرتبات عكسي تمام انــــي اطلع وشمر ولا ارتب هههههههه هســـه مـטּ اجي يمه ارتب مثله فاتحه كنتوره وشلت قميصه اسود مـטּ يلبسه طلع كمررر حضنته متحملت هستوني حضنته فات سيف شافني هـــيج اتقرب ...
سيف اروووووح فــــدوه انــــي للي يحضنون بقمصاني تعالي احضنيني خوب ليــــش حاضنه القميص حته هاذ القميص محصل حضنات اڪثــر مني حرام عليج ...
ههههه خجلني رجعت القميص سديت الكنتور وتقربت يمه كبل سحبني بحضنه حضنته وشميت ريحته صــار اڪثــر مـטּ اسبوعين انــــي وسيف ممشاوفين فد ارتاحيت باسني مـטּ راسي وكالي تعالي سحبني مـטּ ايدي وكعدني عــلى الجربايه وكعد بصفي لزم ايدي ...
سيف شوفي نونه الموضوع هـــوه يخص عرسنه ...
ايي حبيبي احجي اسمعك ...
سيف نور عرسنه حيصير الخميس الجاي واني مـטּ هســـه بديت احضر اللنواقص ...
شلوووون سيف يعني بعــــد خمس ايام ...
سيف شبيج عيـــــني شنــــو يعني واذا خمس ايام ...
انــــي الهسه ممحضره روحــــي ممشتريه أي شيي كلشي ممسويه كومه شغلات بعدلي ولا الحك بخمس ايام ...
سيف باجر مـטּ الصبح اخذج ونروح نشتري مـטּ ملابس وكلشي تحتاجي ...
يعني خاف منلحك ...
سيف لا نلحك ونخلص كلشي ابويه بده يعزم بلعالم يريد يسوي عرس يخلي الكل يحجي بي وراح انجيب جوبي حجزت فرقه والمسواك العرس محـــمد كالي معليك انــــي احضر كلشي انــــته روح جهز مرتك اني اريد اكلج من هسه حته تلحكين لان انتن البنات هًواي شغلات تسون ف عندج وقت مكدرت اكلج بلايم الي فاتت لان جانت فتره امتحانات ماريد تثر عليج وييخرب واهسج من القرايه ...
فرحت سيف مفكر بيه ومخطط الكلشي كلت شتريدني احجي بعــــد وانته مخلص كلشي ومخطط مووواافقه وحضنته بسررعه وبقوتي هـــم لان صـــدوك فرحنيي وكمت ماشوف شي كدامي ...
سيف ان شاء اللّٰـه اكدر اخليج هـــيج دوم فرحانه وياي ومتحتاجين الاحد ...
ان شاء اللّٰـه عمري دموعي نزلو مـטּ الفرح الي بي بهل لحضه بعدني مـטּ حضنه شافني ابجي بتسم لان عرفني فرحانه مد ايده ومسح دموعي يلا هســـه ننزل وباجر حضري رووحج بل10 الصبح انــــي اخذج انتي وعمتي ومنا اخذ ريم وامي حته نطلع نكمل كلشي فد نوب ...
ايييييي اللّٰـه كريم ...
سيف ديلا حياتي خل ارجعج خاف عمي ميقبل وهم احجيله عــلى العرس وابويه كال بليل اروح وافهمه بكلشي ...
مااااريد ارجعع حبيبي اريد ابقه يم وسكتت لان انــــي انصدمت شلـون هـــيج حجيت هلكد مامندمجه ويا حجيت بدون مــــادري بروحي ها يلا يلا امشي ...
سيف لا كملي الكلام الي كلتي بلاول ...
مكلت شي كتلك يلا امشي ...
سيف نور كملي الكلام بسرعه تره اخليج تباتين هنا واللّٰـه ...
شبيك ياسيوفتي داكلك مكلت شي لاتلح ...
سيف اللّٰـه كريم تره بعــــد كم يوم تجين هنا وبعد مترحين ...
حقير ميكدر اله يحجي ضحكت ودنجت نزلنه هاذ الحجي ســاعه 6 العصر
وصلني البيتنه فتت لكيت بابا كاعد بلخطار واحمد يمه روان دسوي عشه بلمطبخ وماما يمها كاعده سلم سيف جلبت بي ماما مقبل كال بليل جاي انــــي وابويه وطلع كلت ماما الخميس العرس ... ياعرس ولج ... ماما عرسنه انــــي وسيف ... شــوكت تلحكون عيـــــني ماصور هســـه ... لااا هســـه سيف جان يحجيلي وكال باجر نروح نجيب الجهاز والذهب وعمو ديعزم بلعالم وحيسون جوبي هـــم ... هاا ان شاء اللّٰـه خير حبيبتي الف مبروك ... شڪرأ مامي ...
روان نونه الف مبرووك פـياتي لج ماشتريت ملابس ...
اللّٰـه يبارك بيج عـــادي باجر اخذج وياي تشترين لو تردين احمد يوديج بكيفج ...
روان اشوف احمد اذا قبل يوديني نروح انــــي ويا واذا لا يجوز اروح وياكم ...
تمام صعدت الغرفتي مرتااحه نفسه واخيرررا واخيرررا حصير بحضن حبيبي الفرح الي انــــي بي مينوصف نايمه عــلى الجربايه بملابس المدرسه مابدلت فاتت ماما جايبه وياها جنطه جبيره مال سفر كالت خلي بيها ملابسج الي عندج هســـه اخذي الزينات والموزينات ذبيهن وحد ايي هســـه خل ابدل واعزل ديلا كملي بسرعه حته تنزلين تتعشين نزلت ماما كمت بدلت ملابسي وبدين اخذ ملابسي الجديده والزينه والقديمات عزتهن وحد ســاعه حان تجي روان يلا تعالي تعشي كلت اوك نزلت تعشيت وياهم كملت ورجعت الغرفتي اعزل واعزل ماحس اله الساعه 11 بليل حته سيف لكيته جاي واني مــــادري عـــاد نزلت جان اشوف ...
اسفه ؏ السحكات كملو القصه واريد تفاعل حلو مثلكم 💙🥺.
يتبع ...
