Metapora sa Pluma

DAING NG SANSINUKOB

Daing ng Sansinukob

Sa tulang ito, nais ko lang malaman mo ang dinaraing ko

Simula't sapul, ako na ang pinana ni kupido

Kaya pala minamahal kita nang higit pa sa pagmamahal ko sa sarili ko

Hinding-hindi ako magsisinungaling ukol diyan kahit tingnan mo pa sa mga mata ko

At saksi ang mga tala sa katotohanang ito

Gayon pa man,

Hindi ko pa rin maitatanggi na alam kong mahal mo siya

Na kahit tinamaan ako dito sa kanang banda,

Kung siya ang hanap mo, ako ang talo

Kahit aralin ko pa ang dalubtalaan,

Kung hindi ko rin ma-aabot ang bituin na aking hinahangaan,

Wala rin

Ayoko nang tumalima muli sa aking puso

Gusto ko namang paganahin itong isipan ko,

Ngunit paano?

Mukhang hindi na nga yata magkakaroon ng kawas itong nararamdaman ko para sa iyo,

Dahil kahit anong gawin ko, ikaw parin ang laman ng puso ko

Ito na nga siguro ang tinatawag nilang kabalintunaan ng pag-ibig,

Malayang nagmamahal

Subalit nakatali sa tanikala ng pag-irog 'pagkat ang damdamin ko'y ikinukubli na para bang sinasakal.