قصص المصحف

سيدنا ادريس

هل النبي ادريس هو الإله أوزوريس ؟؟!!  🤔

نسمع الحكاية من البداية .....

بعد مقتل هابيل وهروب قابيل لليمن ....
ربنا عوض آدم عليه السلام بابن ذكي وجميل وطيب الخلق ....
سماه شيث ( يعني هبة الله أو مكافأة الله .... أو البديل باليونانية والعبرية )

شيث ده يعتبر تاني نبي بعد آدم ،
في عهده حصلت أول جريمة زنا في التاريخ ،
وبكده نعرف ان الزنا من أكبر الكبائر اللي ربنا نهى عنها منذ بداية وجود الانسان على الأرض  .....

عمر الانسان على الأرض 40000 سنة .....
يعني من أيام سيدنا شيث عليه السلام من عشر تلاف سنة وربنا بينهى عن الزنا .....

بيروي أبو ذر الغفاري عن النبي عليه الصلاة والسلام :
" أنزل على شيث خمسون صحيفة " 📜

الصحف دي هي شرع الله للبشرية والأوامر الإلهية ....

فيها بيعلم شيث الناس ايه هو الحلال وايه الحرام ...

ربنا بيحرم فيها مثلا التبرج ، وبيحرم فيها زواج الأخ من أخته بعد ما كان حلال في شرع سيدنا آدم .... وأمور الدين التانية .....

عاش سيدنا آدم مع شيث فترة من الزمن حتى مات آدم ... وبعد وفاة آدم بسنة ماتت أمنا حواء ......

فضل شيث عليه السلام يعلم الناس تعاليم ربنا لحد ما مات ......
وقبره في بلدته " بلدة النبي شيث " في جبال البقاع في لبنان ......
هناك فيه كمان مسجد باسمه.

بعد وفاة شيث عليه السلام فضل الناس بدون نبي ....
ولكن أبناء شيث فضلوا ينشروا التعاليم اللي في شريعة أبوهم شيث  ..... ( أبنائه بالترتيب في كتاب البداية والنهاية لابن كثير هم أنوش ، قينن ، مهلابيل ، يرد ، "خنوخ" وهو إدريس عليه السلام "

المهم سيدنا شيث من أحفاده طفل اسمه ادريس ......

ادريس ده أول واحد بعد شيث يجيله أمر مباشر بتحمل تكاليف الدعوة والنبوة .....

يعني تاني نبي بعد آدم مين ؟؟؟ شيث عليه السلام ابن آدم

وتالت نبي بعد آدم مين ؟؟؟ ادريس عليه السلام

🍀🍀🍀🍁🍁🍁🌼🌼🌼

دلوقتي وصلنا  لسيدنا ادريس ......

محتاجين نعرف ايه عنه .....

أول سؤال ....

ليه سيدنا ادريس تحديدا اتكلف بالنبوة  ؟؟!!   🤔🤔

ربنا سبحانه بيقول ...
"واذكر في الكتاب ادريس إنه كان صديقا نبيا   " .....

الصديق هو اللي بيصدق كل اللي بيتقال من عند ربنا ....
وبيكون صادق في ايمانه ،
صادق في ابلاغ الناس بما يعلم ،
وصادق في التنفيذ
وبيكون دايما فريد زمانه ،
ومميز عن باقي الناس اللي انتشرت فيهم المعاصي والفساد والكدب والضلال