"ألم يعد هناك متسع في قلبك لشخص آخر؟! 💙لتعيد ضمى بعد أن تناثرت أضلعي، األم يعد لديك زاد من الحب، لتعطني منه ولو القليل😭💔. لأسقي بي ظمأي😴😴، األم تعد هناك مشاعر مخفية تكنها لي، ترشحني فقط أن اعتلى عرش قلبك، وانجح في احتلال ولو جزء بسيط من مملكتك💔💔، لم يعد بي حول ولا قوة، لأتحمل أكثر من هذا، اانا لست بقوية، ولا أود أن اتظاهر بالقوة من جديد، لطالما اخفييت مشاعري خوفا أن افقدك... والان أراك ترحل عن ناظري، ترحل ليشبع منك أعين غير عيناي، بعدما كنت انا من اشبع من رؤيتها وحدي، وأنت راحل لييتمتع بحديثك شخص غيري، بعدما كنت تروي مسمعي بحديثك 😣💔.💜 "وانا حابسبة دموعي، ماعايزة ابكي ماعايزة زول يعرف اني كنت بحبو وللان لو في فرصة عايزاهو💔😣وبين أصوات الزعاريد، وضحكات الجميع، وابتسامة سامر، الكانت كل الناس ملاحظة ليها، وكلهم مكسرين فيها. حسدت اي زول نطر نظر ليهو نظرة، لو كان ف يدي، اغمض عيون الناس كلها😪😭عشان ماف زول يشوفو غيري😣. ومع كل خطوة ف الجرتق، انا كننت بحس بي قلبي بتقطع من جوة، وابدأ اغير لما اشوفو وهو ماسك يد عروستو، 😭💔، وبعملو ف مراسم الجرتق، وكيف هو رش اللبن عليها وابتدو يضحكو مع بعص😣😭💔. ماقدرت استحمل اكمل الباقي جرىت البيت دخلت غرفتي قفلت الباب على وقعدت اكورك بي أعلى صوتي انابحبببك ياسامر😭💔، واشيل واخبط اي شي القاهو ف وششي😭💔😬. وقعت ف السرير وانا اشيل وابكي💔😭، اتمنىت لو كنت متتت احسن من اني اشوف الحظة دي واشوف سامر لي زول غييري💔😭، ماطلعت من الغرفة تاني وماعارفة الحصل برهه شنو، وهل خلاص سااق عروستو ومشا ولالسه، بس الدليل الكان يصبرني انو سامر مازال موجود ع الاقل حأشوفو لااخر مرة قبل مايمشو عروستو💔😭والمرة دي حأملا عيني منو، أصوات السلاح مازالت شغالة والزعاريد، وغنا الدلوكة، والكل فرحان ومبسوط وبغني وانا برأي هنا ف البيت 💔😭وشغالة ابكي..... تلفوني ضرب لقيتو دا أيمن فتحت الخط رديت عليو، عايز شنو انت كمان💔😬قعد يقول لي وين انتي ماشايف تعالى عايز اتكلم معاك، قلت ليهو ماعايزة معاك كلام اوعا تاني تضرب، وقعد يهدد فيني زي كل مرة😬😭بس قبل مايخلص قفلت التلفون ورميتو بعيد خطيت المخدة ف راسي ونمت😭💔😣............ احكي ليكم عن عيلتنا شوية احنا تلاتة اخوات ماعندنا اخو وانا كنت آخر العنقود😪اي ياها الشخص المدلل داك😂😂الموقف البيت ع رجل واحدة، كلامو مسموع😬😂الكل يغلط ماهو عدا هو صاح ع الدوام، كنت مدلعة شديد، كل طلباتي مجابة😬😂، وازداد الدلع، بعد وفاة بابا الله يرحمو، كنت زعلانه شديد عليهو، 😭😭بس امي قدرت تعوضني شوية من الفقد. امي بالنسبة لي كانت احلى حاجة في حياتي مابحمل زعلها، علاقتي بي سامر ابتدت قبل مده وكان قمة في العادية، هو تصرفات معاي كانت عفوية شديد، بس انا مع مرور الزمن كنت بحس بي احساس غريب تجاهو اممم لعع حتعرفو الباقي لي قدام.وجود اخواتي معاي ف البيت كان بخفف على حببة، بس مع مرور الزمن اخواتي اتزوجو ورحلو ع بيوتهم، وبقيت انا برأي مع امي ف البيت😭💔، هي كانت بتصيني يوميا، وما بتنوم الا تطمن اني نمت، كنت بحبها كميات وما بحمل زعلا😭😬💔، بسس مرات كدا مرات يعني ☹️☹️كنت بزعلها بي تصرفاتي الشفوعية، إلى كنت شفوعية شديد، وبعمل حركات اقسسم بالله الشفع خلوها😂، عادي اطلع ف انصاص الليالي اكابس ف المطبخ والكل نايمين، عشان عايزة لي سكر أسفو، وكنت بعشق لبن البودرة موت😂. 💔امي كم مرة كانت بتقبصني، وبتدسو مني، بس برضو كننت بلقاهو😣😂💔. اها اخش ليككم ف الموقف المضحك الجمعنى بي سامر، اها بعد جيت من الجرتق وكنت زعلانه شديد 😪زي ماقلت ليكم وقمت نمت، صحيت زي الساعة 2 صباحا كدا، عاينت جاي وجاي نور الغرفة مازال مولع، نزلت من السرير وكنت خايفة شديد، عايزة امشي المطبخ💔😪. بيتنا كان عبارة عن شقة فيها أربعة غرف، ومن غرفتي للمطبخ، ماكانت بعيدة شديد، بس كنت خايفة اقطع المترين ديل براي😪😂. كل ماامشي خطوة احس انو ف زول بمشي بي وراي واسي لو قبلت حألقاهو، كنت بقيف، التفت وراي واغمض عيوني، واخت يدي ف وشي، وبسس افتح القى مافي شي😂😂💔💔. طبعا كلنا جربنا الهلوسة دي (والعجب لما تقطع عليك الكهرباء ف الحمام، أو تكون بتغسل ف شعرك، وقلبك يحرقك يقول ليك في شي براقبك فتح عيونك ديل وانت زي العوير تفتح وهو ماف شي والصابون يدخل عيونك😂💔 غايتو اللحظات دي اللهم حدث ولاحرج🙊🙊). فكيتا جرية من الغرفة للمطبخ 😂😂وانا بحس كل شواطين الدنيا دي جارية وتحاول تقبضني واني ف اي لحظة بكون طقشت لي واحد😂وصلت المطبخ دخلت افتش ع علبة لبن البدرة كالعادة امي خاتاه في آخر رف. شلت الكرسي ونزلتها، سفيت وسفيت ماخليت لي حببة 😂💔ومااوقفت لي هنا، خمشت لي خمشة في يدي وانا طالعة 💔عاينت يمين شمال، رفعت قميصي ومستعدة للجرية التانية💔😂. (🙆♀️🙆♀️🙆♀️يوميا انا ع الحالة دي بس جني يقوم على مااخلي حبة لبناية، ماكنت بسلم من امي الصباح لما تزلني وتهيني😂😂). اها كفيت قنيصي وعزمت ع الجري، ماحصلت الغرفة اصطدمت بي شي، قعدت اصرخ، قفل لي خشمي بي يدو وانا كنت مغمضة اتريست حبة، وفتحت عيوني، لقيتو دا سامر😂💔، دخلت في اضافري ما عرفت زاتي اعمل شنو ولا اتصرف كيف 😳💔، بقيت شغالة اتمتم واقول كلام انا زاتي ما عارفة شنو 😂💔)سامر كان جاي من الحمام، وشايل البشير بتنشف بيهو🙊🙊لابس ليهو شورط صغير من غير فنلة، قعدت انططط في عيوني لما انتبه غطا نفسو بالبشكير، فتحت يدي لقييت اللبن كلو اتكشح، وجزو نمنو بي سبب التصادم الفعال دا🙈😂اتكشح ف سامر ولحيتو المبللة اتملت لبن وجزو من صدرو العاري 💔😂. قعد يعاين لي ويضحك، قال لي الحال قلت البنت كبرت وانتي مازلت شافعة💔😂بتسفي ف اللبن مالك، خجلت منو لما خدودي حمرو، جريت الغرفة وخليتو مازال واقف، يقسقش في نفسسسو😂💔. وبس وصلت الغرفة قفلت الباب، ونفسي يطلع وينزل اترمييت ف السرير، وقعدت اتخيل ف منظر سامر وهو ماسكني. وبتكلم معاي،، 😥يحصل شنو ياخ لو كنت انا مرتو😬😬🙆♀️😭😪. بعد خلصو الجرتق، وحسب عاداتنا انو العريس تاني مابشوف عروستو الا بكرة الصباح وهو مسافرين أو ماشين الشقة، رؤي جو معاها اخواتها وتقريبا بنات عمها، وقعد ومعاها عند ناس عمو. سامر جا يبيت معانا اصلا بيتنا فاضي مافيهو غيري وامي، امي طلبت منو يجي يبيت والصباح بأذن الله حيسافرو عشان يقضو شهر الشعل ف مصر 😪😪،صحيت الصباح ع صوت امي، فتحت عيني وقلت ليها قايمة قايمة، زي كل يوم قومي سامر ماعارفة شنو وسامر جاي، 😪وسامر مسافر وقومي ودعي😪سامر!! سامر سامر. قعدت تعاين فيني ورمتني بالمخدة وقالت لي مدام عارفة طيب ماتقوم، حارقة دمي من الصباح مالك😪😪😪. اتذكر انو سامر خلاص ماحقي ابدا ازعل من جديد، مشيت غسلت وشي وجيت طالعة، سامر قاعد برة والناس تودع فيهو وكان لابس بدلة بالكحلي، مووت عليهو😪😭. وماسك يد عروستو مشيت عليهم سلمت عليهو وبست رؤي وباركت ليها قدمناه لي برة لحدي ماجا أيمن وكان هو الحيوصلهم المطار، سامر قعد يعاين لي وقال لي انتي ماجاية معانا ولاشنو 😭😪؟!! قعدت اعاين لي نفسي وانا واقفة بالتوب قلت ليهو ماجهزت نفسي، قال لي امشي جهزي نفسك لسة بدري ع مواعيد الطيارة😪😭. قدر ماقلت ليهو مابقدر عندي جامعة قعد يصر ع ف النهاية 😣مشيت سرعة سرعة سرحت شعري َلبست ومشينا. سامر وعروستو ف المقاعد الوراء، وانا قدام مع أيمن شغال يعاين لي، وكنت متضايقة منو شديد، وهو كل مرة شغال يعاين لي، حمدت الله لما وصلنا المطار نزل ليهم الشنط ورافقناهم لحدي غرفة الانتظار كلها دقايق وطيارتهم وصلت. ودعناهم، وخلاص عايزين نرجع البيت😭😪، وقفت عشان اشوف لي تاكسي يوصلني البيت، ما كنت عايزة ارجع مع أيمن، أصر وجا وقف العربية جمبي، قلت ليهو ماماشة الجامعة راجعة البيت انا😥💔، قلع عيونو فيني وقال لي مجنونة انتي بيت شنو، نسيتي الامتحان 😡💔. لما راسي ضرب ياداب اتذكرت انو عندنا امتحان المدتيرك، لكن انا كننت قارية من بدري 😥🙆♀️وقدر ماعاينت عشان اشوف لي تاكسي مالقيت، ماكان عندي خيار غير اني اركب مع أيمن وبالفعل، ركبت معاهو. وهو طول الطريق ماشال عيونو من علي🙊كنت خجلانة منو شديد 😬☹️وعايزة بأي طريقة اصل الجامعة 😣💔،انتي لشنو مارديت على أمس، قعدت اعاين فيهو وغلبني الجواب😔💔، قلت ليهو ابدا كنت عيانه بسس😪💔، عيانه!!!!؟؟؟ وانااخر من يعلم ياروحي، يرضيك كدا؟!! قعدت اقول ليهو ماتعرف آخر واحد بيفرق شنو يعني انت قايل نفسسسك شنو بالنسبة لي،؟! قعد يجر في دقنو وقال لي انتي نسيتي ولاشنو🙁🙁💔، قفلت خشمي وتأني ما رديت عليهو خالص، واناحابسة دموعي بالعافية، اخيرا وصلنا الكلية بي سرعة نزلت من العربية وجريت دخلت 🙁🙆♀️..... الامتحان كان ظريف شديد، خلصت بي سرعهه وانا طالعة. صادفت سندس من بعيد جاية على وتتبسم، لما قربت سلمت على وقالت لي 🙊، اهو بقينا كويسين 🤭🤭قصدك شنو ياسندس، انتي وأيمن يعني ياهبلة، ضربتها ف كتفها وقلت ليها انتي عويرة يابنت، لو ماكنت مضطرة ماكان جيت معاهو، وحكيت ليها السبب الخلا أيمن يوصلني 🙆♀️💔😪. بعد وصلت البيت جيت بي تكسي مانتظرت أيمن. يوصلني، امي كانت ف المطبخ، دخلت غرفتي، وانا بغير ف ملابسي، باب غرفتي دقة وكانت امي، لحظة ياامي اغير ملابسي وافتح ليك، بعد خلصت فتحت الباب، امي كانت صارة حببة😥ماعارفة من شنو، ياربي يكون من البن أمس، لالا م الدرجة دي كمان امي تزعل، قربت ع ومسكتني من يدي، وقعدت ف السرير وقالت لي انا عارفة ف شنو بينك وبين سامر، قعدت اتهرب منها قلت ليها لالا ابدا ماف شي ياأمي.. ماتحاول تنكري انا بعرف اي شي، بسس انتي لازم تنسى بعددا والراجل عرس، ماف داعي يكون ف شي بينك وبين، اكتر من انو اخوك وبسس سمعتي كلامي دا ماعايزة تحصل ليك مشكلة بي سببو😪💔. أمي خصلت كلامها معاي وطلعت وانا قعدت افكر ف كلامها ساعات بجيني انو كلاما صاح، بس تأني افكر واقول انا مستحيل أحرم نفسسي من سامر حتى لو سمعت صوتو بكفيني ومستحيل ما احبو..... 💜
يتبع....
