تمينا اسبوع ونحنا قاعدين مع ناس جدو، ياالله مرو بي سرعهه، وجا يوم الجمعة يوم العقد العزومة الكبيرة. اليوم القبل يوم الجمعة، كانو عاملين عزومة مرطبات، كان عادة عند ناس الجزيرة، 💙💙يتجمعو فيها الشباب والرجال، على عزومها أساسها البارد، ويختو العريس ألفي النصيب. كان مظهر من مظاهر التكافل عندهم، بالإضافة النفير لما العريس يجي عايز يبني بيتو😴❤️أو أي بنيان في البيت، كانو بعملو نفير يجو يساعدوك، وأنت عليك الاكل بسس والشاي😍😍... قمت من النوم راسي مصدع عايز ينفجر خلاص، سامر من المرة الفاتت ديك مارجع لي مع انو بكون شاف المكالمة، قررت اني مااشتغل بيهو وماازعل عشان هو ماضرب لي. وماانزل دموعي على زول مايستاهلا، لو كان عايزني ومشتاق لي كان ضرب، يلا تاني لو ضرب مابرد ليهو والمرة دي جادة. شذى جات لفتني للان ماقمت والبيت برهه مقلوب قبل، وانا كنت حبتين بتحسس من الجوطة، كنت بردانه شديد جرت مني البطانية وربا اتكفلت بالباقي وصحتني ومراد كمان ماقصر😴💔. قالت لي نايمة للان لشنو، قومي يابت البيت كلو ملان ضيوف، قلت ليها مصدعة شديد والله راسي عايز ينفجر، سمح خلاص قومي اتسوكي وصلى، بمشي أجيب ليك بندول واجيب ليك كباية شاي. مشيت غسلت وشي، واخدت لي دش، كنت مسخنة شديد، لدرجة اني ماحسيت بالبرد، شذى جابت لي حبة بندول بلعتها وشربت الشاي، قالت لي طيب 😴😴اخدي ليك نومة بعد شوية حتبقي كويسسسة💙😪. جريت البطانية واتغطيت، كنت عايزة بشششده سامر يضرب لي، ومتشوقة عشان احكي ليهو رحلتي للجزيرة واحكي ليهو عن ناس جدو ☹️💔وعن الحياة في الجزيرة، وحاجات كتيرة اتراكمت عايزة احكيها ليهو... مسكت التلفون بعاين في الشاي، وانا متلهفة، رن التلفون رفعتو بي سرعة قلت احتمال دا هو، بسس للأسف كان دا أيمن😠💔. رميت التلفون وماارديت عليهو، مع اني كنت بقول لو سامر ضرب لي مستحيل ارد عليهو بس كنت بضعف في كل مرة، ولو ضرب تاني تلقائيا بلقي نفسي رديت عليهو😴💔. نمت لي زي ساعة كدا، وبعد صحيت الصداع كان راح، واستعدت نشاطي😴💔وانا تحت البطانية كنت بدعي، انو ابقى كويسسسة عشان ماافوت اليوم المميز دا😍💙،. مشيت تاني أخدت لي دش كدا، وليست لي توب من تياب اختي، ومشيت عشان اساعد ناس في الشغل. في فترة اسبوع اتغيرت تغير توتلي بقيت بحب شغل البيت، واني اساعد، مااظن في يوم مشيت لي عزومة عرس عند ناس عمي أو حتى عماتي، وساعدت في حاجة او رفعت لي كباية. وانا اساسا في البيت ما كنت بشتغل، بس الحمدلله الفترة القعدتها في الجزيرة، غيرت فيني عادات كتيرة، واهما انو طلعتني من الانطواء الكنت عايشة فيهو، وبقيت انسانه اجتماعية في أقل من خمسة يوم اتعرفت ع بنات كتيرة من الجزيرة وصاحبتهم😂💔. بالإضافة لي صحبات بنات خالاتي😴😍، لبست توبي وطلعت، لقيتهم بجهزو في الفطور مشينا قعدنا نرص في الكراسي. ونرتب في البيت ونشد في الملايات، ربا ماجات ع اليوم داك. كانت حايمة مع ربفاج والتؤم متاب ومثاب😂💔💙، لقت البديل ونستني، اشتغلنا لحدي ماخلص موضوع الفطور. بعدها مشنا فطرنا، وبقية الحريم غسلو العدهه ووضبو المكان، اما نحنا عايزين بعددا مجهز للعقد💃😍، مشيت بنات خالاتي لي حنانه قريبة رسمت لينا في يدينا🙆♀️😘. كانت الرسومات حلوة شديد، وبقبنا مجهز في نفسنا للعقد، مشيت استحميت وليست لي بنطلون وبلاوز كدا نص كم، وكنت خانه الطرحة في نص الشعر، استغنيت عن الباندهه وكنت فاكة شعري ساي🤭❤️. لما جينا كانو حريم العقد جاهزين، وطبعا بتمشي ام العريس وخالاتو ونسوان كبار من الحي، وشذي وملاذ كمان رافقوهم💙. كانت أمي بتسأل في حبوبة، يمة انتي ما متذكرة ختبتيهو وين؟! وحبوبة من برهه قاعدة ف العنقريب وتقول ليهم، يابنات امي اناعاد يتذكرو ليكم، 😢، ويشيلو ويفتشو ويسألو. وجا فارس كافي جلابيتو ويسأل هو التاني😘ماشاءالله كان ظابط شديد بي جلابية العقد، ولا الحلاقة كانت كيف🙆♀️الموت الاحمر💔😂. جا قعد جنب حبوبة ويضحك 😂💔كدا اهي ياامي واتذكري، شمارات تقيلة، ماكنت قادرة استحمل، ومشيت سألتهم بفتشو ف شنو، فارس قال لي رقمي الوطني مالقيتو😂💔. قعدت اضحك عليهو وقلت لي عارض، كمان يوم عرسك رقمك الوطني ضايع🤭، حمر لي وقال لي اضحكي كويس، أن شاءالله يوم عرسك، يحصل ليك كدا😩😩. وانا اشيل واضحك عليهو، مازعل مني لانو اصلا نحنا كدا مع بعض حننا هظار، حتى هظارنا الناس مرات بظنو حقيقة بس ف الحقيقة لا، 💔😩. بعد جهد جهيد اخيرا حبوبة، اتذكرت وقالت ليهم ايوا اتذكرت الناس كلها قامت مبسسوطة💔😂قالت ليهم ختيتو في السحارة🤭🙆♀️، من الصباح ياحبوبة مابالغتي ياخ(السحارة دي زي صندوق بصنعو من الخشب بختو فيهو حاجاتهم الثمينة ومقتنياتهم). فارس شال الرقم وختا في جيبو ومشى صلاة الجمعة وبعدها حيعقدو، والنسيان طلعو مشو ناس العروس، ونحنا قاعدين ف البيت نجهر ف الحلاوة والفشار والخبير لوازم العقد. حبة ف الصينية وحبة ف خشمي🤭😂دا شغلي كان كدا😴😴💔، أذان الجمعة الأول والتاني، الخطبة، وبعدو الصلاة اخيييرا جا وقت العقد. بيتنا كان قريب للمسجد قدرنا من البيت نسمع العقد بي كل تفاصيلو😍😍وكنت فرحانه شديد😢😭، اسمع ليك صوت الزعاريد من جوة الحوش ومن ناسسس العروس. والرجال ف الديوان يشيلو ويضربو في السلاح، كانت حاجة ف منتهى الجمال😭حرررفيااا احلى عرسسس احضرو ف حياتي❤️💙، وكلها فترة زمن والبيت اتلملا نسوان جو يبارك العقد. وهديلك ناس حبوبة حو، والناس تشيل وتبارك ليهم ف العقد، ونحنا نشيل ونقدم ف الحلاوة. ماسلمتا طبعا من البوسات، البدوني ليها الحريم🤭ومبروك لي خالك عقبالك أن شاءالله، سامر كان بجي ع بالي، بس قدرت انساه عشان استمتع بي اليوم دا💔💔. خالو فارس جا داخل بعد ماالناس فقدو بعد العقد ماعرفنو مشا وين😂انا عرفاهو شليق يكون مشي اتشلالق وعمل ليهو حاجة. بالفعل هو بعد العقد ضرب لي بسيمة وقال ليها عايز اشوفك، قعدت تتكبكب وقالت ليهو البيت ملان ضيوف ومعاي صحباتي اطلع كيف. قال ليها ماشغلتي المهم تتصرفي تجي أن شاءالله تجي طايرة😂💔بسسمة اتكمكمت بالتوب، صحباتا زاتهم كانو من ناس الحركات الغرامية دي. هيأو ليها الجو عشان تمزق ومشت قابلت فارس😂💔، بعد باركنا لي خالو العقد، طبعا ونسسسة الحريم كلها كدا، هي دي بنت منو الحلوة دي(ماقعد اكصب عليكم سمع اضاني والله😂💔). ويكوركو لي تعالي يابنت نسلم عليك، يشيلو ويبوسوني، ويجضموني من خدودي، كل أمة حريم امشي بي عليها اعرف ليهم نفسي من الاول، رهف بنت نازك!! رهف بنت نازك!! 😩😩لحدي ما زهجت، لا وفي حريم كمان بقولو لي ماشاءالله كبرتي متين كدا(معليش ياخالتو أمس بالليل لقيت نفسي فاضية قلت أكبر حبة😏😏). مااشتغلنا بي جوطة الغدة ديك، اتكفلو بيها الرجال كانو هم بيجيبو صواني الصفرة من الطباخ، والحريم بشوفو الماتغدا والجا ياداب عشان يغدوه. قعدنا نحنا وبنات خالاتي والصحبات الكونتهم في الأيام الفاتت ديك، راتغدينا، بعديها جربنا كراسينا في ضل العصر وقعدنا نتونس. واتعرفت عليهم اكتر😍😍😍، حبيتهم كومياااات، ياريت لو كان عندي صحبات زيهم كدا من زمان، حسيت اني طول السنين الفاتت دي كنت ضايعة وياداب لقيت نفسي😩💔. حرفيا حياة ناس الجزيرة كانت حلوة شديد، مع انها حياة بسيطة، بس حلوة كمان.ربا بعد لقت ريفاج بنت خالتا، قدرت اخيرا تندمج مع بقية الشفع، وشغالة اليوم كلو تلعب معاهم😂💔بقت زاتا ما بتتذكرني ونادر ماتجي على. وانا زاتي ارتحت منها ومن عباطتها😂💔، بعد المغرب، وانا جاية من الديوان بعد ماامشي رسلتني أودى البدلة لي خالو فارس، بعد ماكوتها وجهزتها ليو 😩😍(اختارني انا عشان امشي اجيب معاهو العروسة) لاني كنت أكبر واحدة ف بنات اخواتو. 🙆♀️😘، المهم وانا جاييية، اشوف ليك سمر واقفة مع ولد بتونسو 💔ماصدقت عيوني.مشيت ادسيت وراء العمود، وركزت اي ياها والله سمر بي لبستها زاتا مابتغبا على، بعد خلصو كلام وكانو مستعجلين، مد ليها حاجة كدا👊😜انا زاتي ماعارفا ها شنو، المهم حتكون هدية حتكون شنو يعني😒😒💔. الولد زاتو كان ظريف ومهذب كدا، وفوق دا كلو كان متشيك، وشعرو مبهدلة بي طريقة حلوة شديد، انا نسيت سمر، وبقيت مركزة بسس معاهو😂😏💔. بعد خلصو كلامهم قام فات وسمو شالت الحاجة دخلتها في جيبا ومشت البيت، الكلام دا بعد المغرب 😂لاحظو الدنيا ظلام، مااتوقعو زول يشوفهم بس انا شفتهم🙆♀️💔. مشيت طوالي لحقتها لحدي مادخلت الغرفة لقيتا بتقفل الدولاب، ونفسنا يشيل ويطلع وكانت تتبسم، بس شافتني اتخلعت وختت يدها في قلبا. قربت عليها وقلت ليها دا منو المزة الكنننتي واقفة معاهو دا🙁🙁💔، قفلت لي خشمي بي يدها، وقعدت تسكت فيني، وتقول لي وطى صوتك ماف زول يسمعنا، شغالة تهمس لي ساي🙁😂، ذنقتها ماخليت ليها مخرج حتى ف النهاية وافقت تحكي لي قصتو💔🙆♀️. وانا قلت ليها من طقطق لي سلام عليكم، جريت الكرسسسي وقعدت جنبها وتشيل وتحكي لي عنو🙆♀️😂كنت بحب المواضيع الزي دي... الولد طلع مكسر فيها من زمن الثانوي ومعترف ليها كمان وبخبو بعض طول المدة دي😍💃، بس هم ماعايزين زول يعرف بالموضوع لحدي ما يكبرو شوية ويجي يتقدم ليها، حسيت من عيونا وهي بتحكي عنو انها بالجد كانت وبتحبو. ومن المواقف الحكتا لي عنو انو هو كمان رايدا وبخبها شديد، قعدت تحزر فيني ألف مرة اني ماجيب سيرة لي زول، ماسكتت الا بعد اطمنت، انو الموضوع يندفن هنا وحدو الغرفة دي، ومايطلع منها😍😏. لحن آخر 💙حب الزول الصاح الممكن ف يوم تستند عليهو💙لما تضلم الدنيا في وشك، تلقاه معاك. يمشي معاك الخطوة بي الخطوة، زول يكون بالنسبة للغير عادي بس ليك انت بعني ليك الكتير 😘مجرد شوفتو تبسطك. ولو اتكلم معاك وقعد يرغي عن تفاصيل يومي تكون قصة براها، زول مهما شاف غيرك يكون مكتفي بيك... مستحيل يبدلك لشنو ماحصل😴❤️زول بالنسبة ليهو انت ف كفة، وفي الكفة التانية انتي برضو، والعالم مابعني شي بالنسبة ليهيتبع.....
