قعدنا نشرب ف الشاي ونتونس 😪😴حلات شاي الصباح عندهم، شاي كدا مظبوط مااي كلام، ولا ريحة القنانة(😂في ناس طبعا بكونو ماعرفو ها)، ليها طعععم خاص في شاي حبوبا. خلصنا قعدت الشاي، وبعدو القهوة، لملمت الكبابي مع بنات خالاتي ومشينا نغسلهم 😴💔اما البقية ما زالو قاعدين يتونسسو😂😢. زي الساعة 8كدا حبوبةة كوركت لي فارس عشان يجي يؤدي الغنم للراعي😂😂انا ماصدقت، طوالي قلت ليهو ماشة معاك، مارفض لي خالص، بس شفت امي حمرت لي، لما حبوبة قالت لي خلاص امشي معاهو يابنتي. جريت لبست توبي، كنت لافاهو كدا في نصي😴😴، وشعري مبهدل وخصلو مدلدله على وششي(، كنت جميلة شديد🙊😘احلى واحدة في اخواتي، امي ختتمت بي، زي حكاية حالو فارس كدا😂🙆♀️). طلعنا الغنم ولقيناها للرأعي، ونحنا راجعين ع البيت، قعدت اعاين لي فارس كدا🤓🤓نظرة خباثه كنا بنفهما انا وهو😂يعني ارح نقوم بي مغامرة، من دربنا داك جريناها طويل ومشينا ع الحواشات. كنت مبسوطة شديد، وانا بين الزراعه، وبين الغنم، هي حاجات عادية، بسس بالنسبة لي كانت مختلفة شديد، وفريدة، وتجارب يمكن لي اول مرة اجربا في حياتي. كان ف حمار مربوط في شجرة حلفت الا اجرب اركب فيهو😂🤓وخالو فارس يشيل ويمنع فيني، وانا بسس مصرة امااتنازل ولازم يعني لازم. اخيرا نفذ لي طلبي، وطلعت ف الحمار بس خالو فارس ماسكو لي عشان مااقع، كفيت التوب😂🙆♀️وكنت لابسسة لي بجامة بي تحتو. مجنونة كنت عادي ممكن اقلع التوب، قطعت مسافة طويلة وانا سايقة الحمار داك، لحدي ما وصلنا البحر😘الله على البحر حاجة كدا في منتهى الروعة، ربطنا الحمار في الشجرة 😂ربطو انا طبعا وكنت خايفة منو شديد، يقوم يعضيني. بعدها مشينا قعدنا في قيفة البحر انا وخالو فارس وقاعدين نتونس، كان بحكي لي عن مغامراتو ايام الجامعة، وكميت البنات الكان بحبهم، لحدي ماختم بي بسسسمة😂😪. يشيل ويضحك ع نفسو ومعترف انو كان شافع وللان شافع، لف جامعات الخرطوم دي كلها، والقدر جابو لي بنت الجيران عشان يعرسا😪😂💔. علاقتي مع فارس كانت عفوية شديد، ماظن ف احترام متبادل بيناتنا، كنت بعتبرو اخوي وصحبي وكدا وبتاع🤤قبل علي وبقي يسأل فيني انتي طول قرايتك في الجامعة دي يارهف ماحصل حبيتي؟!! 💔 😜قلت ليهو لالا، قال لي خالص خالص، بقييت بعاين ليهو، وهو شغال مركز معاي، رنققت خلاص وعايايزة احكي ليهو عن سامر😪💔بسس اتراجعت وفضلت اني اسكت. بقى يعاين لي ويقول لي، اقسسسم بالله أولادكم ديل مابشوفو، جمال ذي دا الواحد يفوتو كيف ماعارف😬😬🙁انا لو ماكنت خالك كانت عرستك🙆♀️😂قعد يضحك معاي، وقال لي انتي متأكدة يابت انو ماف واحد محنكك أو كاسرة فيهو ضلعة كدي عايزني لي ف عيوني ديل😴😢. صربتو في كتفو وقلت ليهو اهبل انت يحنكني شنو كمان، ماعندي ف الكلام دا😳😪. نزلنا البحر بس في البداية، ماكان عايزني ادخل جوة شديد، عشان كان خايف الا اصريت عليهو زاتو حتى خلا رجلي يهبشو الموية😴😢. وبقينا نشيل ونرش بعض😂🙆♀️، لحدي ماعاين لي الشجرة وانتبه انو الحمار ماف، جرى طلع من الموية، وانا بي وراهو، لما وصلنا الحمار ريحتو في الرياح ماف. قبل علي وقال لي انتي ما ربطي سمح ولاشنو☹️قلت ليهو لالا والله ربطتو، وأشرت ليهو ع الشجرة الربطت فيها الحمار😪خت يديهو في راسو، وقعد يقول ربنا بعرض صاحبو، دي شجرة بتربط ليها حمار 😬. قلت ليهو انا عرفني شنو انو حيتفكا😒👊👊، بطلي كلام وارح نفتشو يلا، (لما قال لي اربطي الحمار ف الشجرة كان قاصد لي شجرة كبيرة كدا، وكان جنبها شجرة صغيرة، ع العلي قمت رابطاهو في الشجرة الصغيرة، وفوق دا كلو ماكنت عاقدة الحبل كويس وقام اتفكا🤭💔). بقينا تفتش الحمار ماخلينا حواشة ما دخلناها🤭💔حتي الناس المزارعين ف الخلا، نشيل ونسأل فيهم، بقينا نفتش لحدي ما تعبنا، وقنعنا خلاص🤭💔. قعدنا تحت ضل شجرة، ونشيل ونضحك ع بعض، بعد كل التعب دا بس كنت مبسوطة شديد🤭💔، قال لي خلاص ارجيني هنا تحت الشجرة انزل الترعة اشوفو احتمال نزل يشرب ليهو موية😴. عايزة اقوم كدا، قالي اوعا تلحقيني😂نزل الترعة، وبقي يكورك لي، رهف لقيتو لقيتو، انا نسيت كلام قبيل، وجرى نزلت معاهو، اول مرة انزل لي ترعة، بس ماكان فيها موية كتيرة غالبيتها طين😴😂. ماسك الحمار ويجر فيهو، جيت انا نازلة، بس انَزلقت في الطين، وتوبي كلو اتملا😴💔، بقييت ببكي، وهو يشيل ويضحك على. جرى الحمار داك وطلعو من الترعة، جينا راجعين وفي طريقنا سلمو لي صاحبو(لو كان حكي لي المغامرة ديك كان للأبد مااهو ليهو تاني😂💔). رجعنا البيت مع أذان الضهر عديل، امي كانت مقلقة لانو اتأخرنا، ودي طلعة من الصباح 💔😂، وماشايلين تلفونات عشان بَيصربو لينا😢. وصلت وجرى مشيت الحمام، استحميت وغيرت ملابسي، وفارس معاهم برهه يحكي ليهم ف الحصل معانا😂😂. بعد صلينا الضهر طلعو لينا الفطور انا وفارس لانو هم كانو اوردي سبقونا💔، فطرت وكنت نعسانه شديد من مغامرات الليل،ة، اتحدعت في السرير ونمت، 😴😴. ........ صحيت بعد العصر بي شوية، ع صوت ربا، وشغالة تتبسم، ومعاها ريفاج بنت اختي الكبيرة، مسكتها سلمت عليها وجضمتها(😂 الحركة التخلي الشفع يكرهوني). مشيت على اختي، وعلى بنتها رونق الكبيرة كانت في سادس💔😂 سلمت عليهم وعلى النونه الصغيرونة شهلاء عمرها كان سنة ونص كدا.بعد صليت العصر ختو الغدة، بعد اتغديت، دخلت المطبخ، لقيتهم شغالين يجهزو في حاجات ، سألتهم، حبوبة قالت لي عاملين حنة لي فارس عشان الحنة الأولى انتو ماحضرتوها😘. فرحت شديد وبالأخص انها حنة عائلية، يعني حناخد راحتنا علي الاخر😂😂، بقييت اشتغل معاهم ونعمل في الرز، ونرمي ف الزلابية، اانا ماكنت بعرف بس كنت بساعدهم. وعملت ليهم شاي اللبن الحاجة الوحيدة الكنت فالحة فيها😴😴😂، سمر مشت عجنت الحنة وجهزنا كل اللوازم والبخور، ايه ودعاء شالو المكنسة يكنسو في الحوش. بعد خلاص رتبنا إلى شي وجهزنا كل حاجة، مشينا اتظبطنا، 😴😘ظبطنا روحنا وجينا بعددا عشان نبدأ الحفلة 🎈 والرقيص، وونهيص، ونختفل مع خالو فارس🤭🤭. وابتدت الحفلة كنا مشغلين المسجل ونرقص، 💃💃💃وهاك ياغني، ومرة خالو فارس بجي في نصنا ويرقص معانا😂ويبشر💔. حرفياااكان يوم ولا في الأحلام 😍😍. طبعا أكلنا الرز داك 👊🤤والزلابية كمان🙆♀️🙆♀️، ختمناها بي الحننننه، وقعدت احنن في فارس😂💔وختيت لي وراجل اختي مصطفى كمان حنة في يدو، ومراد يشيل يشيل ويتشابا ويقول ادا ادا😂💔، ختبت ليهو هو كمان حنننه. والشغلة جرت خالي مهند😂💔اولادو😂🙆♀️حتتتي جدو كمان 😘😘، خلصنا موال الحنة داك وتميناها ونسسه لحدي الساعة واحدة كدا، بعديها فرتقنا ومشينا عشان ننوم. كنت بردانه شديد💔👊، جريت البطانية عشان انوم ومامنتبه للتلفون وقع ف الارض، شلتو رفعتو، اتفاجأت انو في مكالمة من سامر ماكنت مصدقة عيوني. وبقيت شغالة اتبسسم وحاضنة التلفون😘 عاينت لي اختي لقيتا نايمة 😴🤤شلت التلفون وطلعت برهه عشان ارجع لي سامر. نسيت عهدي القطعتو على تفسسي داك اني تاني مااحااضرب ليهو وحتى لو ضرب ماارد، بس الصراحة الحب يخليك تعمل المستحيل، وتنسى كل العهود القطعتها على نفسك عشان خاطر تسمع صوت زول بتحبو،ة. حرفياااكدا مهما انبسطت في اليومين المرو ديل مع خالو فارس وناس حبوبة ووجود جدو، بس كنت فاقدة سامر شديد😭💔. شلت التلفون وقعدت برهه، جمب باب الشارع عشان ماعايزة زول يسمعني وانا بتكلم مع سامر، رجعت ليهو كنت بسمع جرس، بس مافي زول برد، 😴💔. رجعت ليهو تاني وتالت على قدر المرات الضرب لي فيها، عاملتو بالمثل عشان مايقول جارية ف دربو وكدا😭💔للدرجة دي معقولة بقيت بحسب مكالماتي لي سامر. ماف زول رد مع كل محاولة كان ف جرسسس، بس مابين شي زعلت شديد، كنت عايزة ابكي بس اتمالكت نفسي، وبقيت اخت ليهو في الأعذار💔!! احتمال التلفون في الشاحن.... احتمال هو نايم.... احتمال طلع ونسي التلفون😭💔.... ماقادرة اخت فكرة انو ماعايزة يتكلم معاي تاني، فتحت التلفون من اول وجديد، وبقيت بعاين فيهو والمرة دي بكيت😭💔. خالو فارس شافني من بعيد واتخلع المقعدني بره شنو ف البرد دا، جا على!! مالك في شنو يابنت وقاعدة برة مالك 😬😬البرد دا ماحاسة بيهو؟؟ 😳، بقيت بقش في دموعي، وقبلت ع الناحية التانية عشان ما يشوف دموعي، بس بعدد اشافا💔. قعد جمبي وقال لي احكيي لي ياتالين المزعلك شنو مش انا صحبك؟!! 💔 قعدت اعاين ليهو وقلت لي، انا زهجاااانه شديد زهجانه شديد يافارس. زهجانه من شنو مالك مزعلة زول ولا في زول زعلك😴👊، ونويت خلاص احكي ليهو عن قصتي حبي، بس حبيت احتفظ بالاسم، وبقيت بحكي ليهو سامر بس من غير مااذكر اسمو، ووريتو اتزوج، 😴💔😭، وحكيت ليهو القصهه بالتفصيل. حسيت بيهو اتأثر مع قصتي شديد😭💔حتى هو فتح لي قلبو وكلمني عن بنت كان بحبها من زمن الثانوي، وبرضو النصيب مااداها ليهو. وبقي يصبرني فيني، ويقول لي كلو لي خير يارهف ماتزعلي ع حاجة اخدا منك ربنا، ولو كان في نصييبك حتى بعد اتزوج حيرجهَع ليك💙💙. ولو مامقسسوم ليك، لو قعد عمرو كلو من غير عرس ماحيعرسك😭💔،. ارتحت شديد لاني اتكلمت مع فارس، اخيرا لقيت زول فضفضتا ليهو عن ألفي قلبي، بس وريتو انو كلامي معاهو دا سر ماعايزة زول يعرفو. بالفعل وعدني انو ماحيجيب سيرة لي زول خالص، قعدت اتونس معاه، وقلت ليهو، كنت بتحب كمان 😜💔قعد يكاوي فيني ويقول لي انا كنت قايلك شافعة بس انتي كنتي سايقاني بالخلا ساي واهو طلعتي بتحبي كمان😂💙. ياما تحت السواهي دواهي💔فعلا ياما تحت السواهي دواهي😂👊بقيينا نتونس الوقت سرقنا، لحدي ماانتبهت للساعة لقبتا 2و30 عديل🙆♀️🙆♀️كنت نعسانه، قلت ليهو هوى بعددا مابقدر اساهر ماشة انوم👊😂. مشيت ع غرفتي، رقدت ف السرير وكنت مطمنة وبردد في عقلي كلام فارس لي(لو كان في قسمتك لو اتزوج حيرجع ليك) حسستني بي شوية اطمئنان كدا، ونمت وانا بفكر في الجملة دي واقولمعقولة سامر بعد اتزوج حيكتشف اني بحبو ويرجع لي🤔💔. مرات بقول مستحيل، بس برجع وارجع نفسي وانو ماف حاجة مستحيل مامعروف بمرور الايام حيحصل شنو😳😪. لحن آخر 💙كيف حالك ياسامر هل نمت جيدا هذه الليلة، ام صوت رنين الهاتف😴زعزع نومك؟؟. اعتذر لك وبشدهه أن كنت قد قطعت عليك نومك، وازعجتك بإلحاحي لكي تجيب ع الهاتف💔. كل ماكنت أريده أن أسمع صوتك فحسب، ليتك قد قمت برفع السماعة ونطقت اسمي، لكان ارحم لي من هذا العذاب😭💔. تبا لعقلي كلما أراد أن يفكر بالمنطق وانك لم تعد تريدني بجوارك بعد أن أخذت غيري بديل، أصر قلبي ع دفع الأعذار لك☹️. حتى أنه هذه الليلة وضع لك أعذار ونسب إليك أعمالا لم ظن انك قمت بها يوما 💔💔، هل وجدت ملاذا آمنا لك ام ما زلت انا الملاذ الوحيد.ألم تعد تشتاق لتلك الساعات التي كنا تقضيها سويا وانت تقص لي ماحدث معك من مواقف في بعد نهار عمل شاق. ألم تعد تطوق لسماعي صوتي😭💔أيعقل أنني أصبحت عادية لاوجود لي ف حياتك، اكرهك ياسامر اكرهك. وفي نفسس الوقت احبك أضعاف، تجاهل مكالماتي أن كان تأتي بالسهاد لعيناك😴😴
يتبع....
