صحيت ع زول بقول لي قومي يابت انتي جنك نومك كدا😂الله يكون في عون البعرسك. وكان دا فارس خالي، يشيل ويرش فيني بالموية في الجو البارد دا🙆♀️، قمت افتح في عيوني ياالله من النعاس. شلت المخدة وجدعتو بيها، بس جلا منها وجات في الارض😂قعد يمد لي في لسانو ويكاوي فيني. قمت عليهو عشان اخد قرصتي، القرصني ليها😪😢، لأنها حرقتني شديد، وفوق دا كلو، رشاني بالموية الباردة، وبرد الجزيرة دا براهو يلفح😭💔،. فتا عليهو بس ماقدرت اعمل ليهو شي😂💔بس وصلتو طوالي جريت واطي، قلت ليهو خير صخيتني لشنو🤔💔. قعد يعاين في السقف كدا🙁🙁البنت دي هبلة ولاشنو ارحمني ياالله، وقعد يحمر لي، مااسي وريتك ارح الغداء، عوجت ليهو خشمي، وبعدها مشيت غسسلت وشي وجيت عشان اتغدا😂. مااستحميت لانو البرد كان شديد 😩قعدت منتظرة الغدا اتذكرت انو تلفوني ما شاحن، جريت دخلت الغرفة، وصلتو في الشاحن وجاية جارية تاني عشششان الحق الغدا. كنت جعانه شديد💔وانا جارية طقشت فارس وانا مامنتبهة ليهو😂💔كان شايل ليهو مبخر كدا ظريف، البجيبوهم من السعودية ديلك. وقع من يدو واتكسر😭الحمدلله ماف زول سمع صوت الكسير، لملمتو ودخلناهو تحت السرير، وخفينا الجريمة💔😭. ياساتر اي جريمة تحصل ف البيت سببا انا وفارس وكنا بنداري ع بعض، مشينا ع الغدا😴😴كنت بعاين ومخلوعة، يالله كل الأكلات الكنت بحبها من يد حبوبة 😍😍وملاح الخدرة عشقي. كنت مستعدة حياتي كلها أفضل اكل خدرة! 😍💙خدرة، دا غير الكسسرة الكنت مشتهىاها لي زمن مااكلتها😭💔. واصناف كتيرة في الصينية، والحلا من دا كلو لمة الاهل والعيلة، كنا كلنا متلمين ناكل في صينية واحدة😭💔، جدو وقاعد جمب حبوبة، وخالو فارس وخالاتي واولادهم😴💔حاجة في منتهى الحنين. خالتو ناهد كان عندها بنتبن وولد وخالتو سارة عندها بنتين بسس، أعمارهم كلها كانت قريبة لي بعض حتتعرفو عليهم لي قدام😴💙. امي طبعا كانت أكبر واخدة في أخواتها وإخوانها، خالو مهند كان عندو ولدين تؤام أعمارهم زي 8 سنوات كدا. قعدنا ناكل ونتونس، ونحنا ماوعييين سبحان الله بي سبب اللمة والونسة، اكتلت كتير، حتى ف البيت كنت مستحيل أتم لي عيششة، بس الونسة معاهم صراحة حلوة شديد😴💔تخليك تاكل وانت ماواعي. في البرندة برة كانو الشفع بياكلو خاتين ليهم صينيه براهم، عشان يخمجو على راحتهم 😴💔، كنت بلاحظ لي ربا وهي بتعاين بسسس، وتاكل في العيشة حافلة وتهبش في الأكل مااكلت معاهم. وبسس خلصت جاتني جارية، تكلمني في اضاني بي صووت واطي😂💔نظام ماكلت هاك وكليني😂💔بقيت شغالة ااكل فيها لحدي ماشبعت، شالت عروستا، ومشت قعدت بعيد تعاين لي الشفع🤭. ماقدرت تندمج معاهم لأنها اول مرة تششوفهم، حتى لما كانت بتجي مع امها كانت صغيرة شديد، بس م مشكلة بي مرور الزمن تتعود عليهم😴😴💙. خلصنا اكل، خالاتي لملمو العدة. كنت عايزة اساعدهم بس حبوبة منعتني وقالت لي اخدي راحتك يابت ياداب انتو جاين من سفر😴😂حمدت الله طبعا وقعدت اتحكرت في نصصههم😴💙. ونسة حبوبة كانت ظابطة شديد، وهي بتتكلم مع جدو، وكان بريدا شديد، ولا حب الزمن دا😍😍ريدة في منتهى الحنية😴💙، جابو الشاي والتحلية🤤🤤🤤كانو عاملين زلابية😍😍احبها مووت. قعدنا ناكل ف الزلابية ونششرب ف الشاي ونتونس، ونضضحك😢😭اول مرة اضحك من قلبي كدا، بعد عرس سامر💔😩. وبعدها جا دور القهوة عشان تاخد نصيبا،طبعا حبوبة كان جنها قهوة، جابو البن وقعدت تقلي فيهو، ويسوطو وبعملو في القهوة. ونحنا نتونس والشفع برهه يلعبو🤭😴، كان يوم من الموت مع ناس حبوبا اتمنىت لو كل ايامي كانت كدا💙. شوية كدا والمغرب إذن جدو وخالو فارس ومهند مشو الصلاة، امي رسلتني لي الشفع عشان اجيبهم من الشارع. لانو الواطة مغربت بعددا، لبست توبي وبي سفنجة البيت مشيت اناديهم. وانا واقفة جمب باب الشارع، شايفاهم بلعبو ف الميدان هناك، انادي فيهم وهم ما سامعيني😩💔طبيعي ماييسمعو صوتي الحنكوش دا😂مع انو الميدان ماكان بعيييد. جا ماري بي ولد كدا، عمرو تقريبا اممممم 25 سنة، كان مزهه🙊🙊كنت بتكرش كتيير، بس مالي درجة كريشي في سامر💔😭، خلونا منو أسى، الولد سمعني اكورك، جا على وكان لابس ليهو عراقي وسروال، من بعيد ماالاحظت ليهو وبسس قرب، عرفت انو الوش دا ماغرييب على 🤔💔. اخيرا اتذكرت اني شفتو في الكلية، من السناير الخريجين، سلم على ووقف مسافة يتونس معاي، وعرفت انو اهلو من الجزيرة هنا، حتى وصف لي البيت ما كان بعيييد شدبد من بيت ناس حبوبة💙💙. واقفة معاهو ساعة كاملة حتى نسيت زاتي انا طلعت الشارع لي شنو😂بسس هو ذكرني قال لي كنت بتنادي على مننو؟!!. وصفت ليهو وقلت الشفع البلعبو في الميدان ديلك ناديهم لي🙁، مشي ناداهم لي سايقاهم وداخلين جوة😬وهو مازال بعاين لي، قعدت اقول قي نفسسي مالو الاهل دا كمان😪👊. كنت استفزازية بعيد عنكم وقاسية شديد مع الاولاد بعيد عنكم 😂💔، دخلت جوة اتلقتني امي، وسألتني اخرك شنو😪ماجيت ليها سيرة، بس قلت ليها الشفع كانو بلعبو ما حبيت اقطع عليهم متعتهم. مشيت الحمام اتوضيت، وجيت صليت المغرب، فصلت تلفوني من الشاحن 😴😪، شغلت الاغاني ومركبة سماعاتي وبعاين للسقف😴😴في منتهى الاستكانه......وبعد المغرب بمدة....... مغمضة عيوني ومركبة السماعة في اضني، خالو فارس فتح الباب وجا يتلبت ماانتبهت ليهو، كان شقى لي درجة وحركاتو معاي كلها عفوية😪😂حتى وانا كبيرة كدا يهظر معاي زي ألكاني شافعة. قعد في طرف السرير وكل دا وانا مغمضة، وعاملة وضع الاستكانه 😴😴شال فردة السماعة من اضاني 😂وقعد يسمع، قال لي ماشاءالله بتسمعي لي ابو السيد كمان😴😂. اتخلعت وفتحت عيوني من الخلعة التلفون وقع مني، ضربتو وقلت ليهو انت حتبطل هبالتك دي متين الحالة حتعرس😪قال لي بعد انتي تعرسي ونبطلا مع بعض😂. ختت اصبعو في خرتي، اقسسم بالله معاملني زي ألكاني شافعة 👊😂، اها خيير عايز شنو المرة دي،ابدا تعالى اتونسي بره معانا💙😴. قلت ليهو ابيت😪👊ماعايزة، قال لي بزعل منك😢😢ازعل عادي يعني شنو، قومي ياخ وبطلي هبل مام ماقايمة. طلع من جيبو حلاوة بقرة واداني ليها شلتها طوالي وقلت ليهو خلاص بجي🤤💔(نقطةةة ضعفي). وقبل مايطلع قال لي ماتتأخري، وجراني من شعيراتي الكنت لافاهم اتنين🙆♀️لما اتفكو... طلعت بره وهم كانو قاعدين ف الحوش، وبنات خالتي ناهد سمر كانت بتقرا في تانية جامعة وعندها رهف دي ياداب ف أولى ثانوي اما خالتي سارة كان عندها دعاء ودي كانت قدر سمر، وعندها ايه وكانت في تانية ثانوي😴😴كلهم أصغر مني بسس م مشكلة، بحاول اندمج معاهم. مع انو من الصباح متجنبيني نظام قايلني متفرية، بس انا كمان لاني ماكتير، عشان كدا كنت خايفة اتداخل فيهم 💙🙆♀️. لقيتهم مجهزين الشاي وخالو فارس كان قاعد معاهم، كنت مبسوطة شديد، لاني حأكون معاهم علاقات من اول وجديد وابدأ اتعرف عليهم. بالفعل كانو ظريفين شديد، ووجود خالي فارس بقى الجو احلى زيادة، حتى ونحنا منشغلين بالونسسسة، نسينا الجو البارد داك، ماكان في زول غيرنا ف البيت، امي وشذي طلعو، ماعارفة مشو وين. وحبوبة جدو وبقية خالاتي قاعدين في الحوش التاني، اخدنا نتونس لحدي مانعسانا وبعد كل زول قام عشان يمشي ينوم😴كنت مبسوطة شديد، جيت راجعة الغرفة، لقيت شذى بتنوم في بنتها، ومراد هو زاتو خلاص نام بس بحاول يصحى، الا امو قعدت تلولي فيهو عشان ينوم. اترميت في السرير خلاص حيلي منهدي، فتحت التلفون، مكالمة منو ماف رسالة ماف 💌 رسالة ماف، جريت بطانيتي بلا حب بلا 🍉 بطيخ، اتغطيت بي بطانيتي ونمت😴💔. سامر ورؤي جايين ع الفندق، بعد ما طلعو يتفسسحو💔، وهم راجعين حصل ليهم حادث😴😭، وكان التصادم عنيف شديد. حتى العربية اتقلبت كم مرة، وتقريبا كدا ملامحها كلها اتمحت، وكانو على الطريق بين مصر الجديدة، وشرم الشيخ😴💔، كل العربات الماشة ف الطريق، وقفو، وشايفين الحالة المأساوية. وجرو عشان يساعدوهم😭💔، اوبدو يطلعو فيهم من جو العربية،وجسمهم كلو بينزف😪💔، الإسعاف عايزة ساعة على الأقل عشان يصل، الناس بدت استغفر وتحاول تقدم ليهم المساعدة لحدي مايصلو. فجأة صحيت من النوم مخلوعةة، وكنت بكورك سامر لاااااا💔😭انا بحبك ماتموت، صحيت على أذان الفجر وانا قابضة ع قلبي، اشيل واتنفسسس، بي سرعة، جرى مشيت شغلت النور. واحاول اضرب في نفسي كف عشان اتأكد اني صحييت وانو داك كلو كان حلم، عاينت جاي وجاي، الحمدلله الغرفة مافيها زول غيري😭💔اترميييت في السرير. ومسكت المخدة وقعدت ابكي، انا بحبك ياسامر، كان حيحصل شنو لو عرستني😭💔، فجأة شذى جات داخلة ولقت عيوني كلها مدمعة، ماقدرت اخفي دموعي منها. طوالي سألتني، مارديت عليها وبقييت شغالة ابكي وهي تشيل وتسكت فيني، قلت ليها مشتاقة لي ابوي يااشذي😭💔هي زاتا كانت أضعف مني، بسس تسمع سيرتو تقعد تبكي. قعدنا نبكي، ونبكي، لحدي ماجفت دموعنا💔😭قشبت دموعي، ومشيت صليت وفتحت المصحف، وقعدت اقرا في القرآن لحدي ما الشمس طلعت😴💔حسسيت اني مرتاحة شديد😴😴. وقعدت ادعي انو الحاجة الحلمت بيها ماحصل لي سامر، ويارب أخبارو شنو، انا خايفة عليهو شديد، بسس هو كمان ماناوي يرسل لي عشان اقوم اطمن عليهو وانا زاتي ماعايزة ارسل لي. اول صباح لي في الجزيرة، الصباح البلدي😍صحيت على أصوات الطيور، من فوق شجرة النيم الكاانت في نص الحوش. وعلى أصوات الحمييير، وأصوات البقر، واحلى شي، ع صوت جدو وحبوبة، كان احلى صباح يمر علي ف حياتي😭💔صباح بي نكهه بلدية😩. طلعت من غرفتي لقيت حبوبة خاتة كانونها برة في ضل الصباح وحوليها الشفع 😭تشيل وتبرد ليهم ف الشاي 😩💔وهناك خيلاني وجدو، وربا شايلة كبايتا وتشرب مع خالو فارس🤤. بقت تقول ليهو خالو العروس😂😂مع انو جدها ياخ بسس م مشكلة نمشيها ليها. حياتهم كانت مختلفة عننا تماما بس حسيت بيها حلوة، والله جمعة زي دي كفيلة بأنها تخليك مبسوط، وتغنيك عن مال الدنيا كلها😢، جريت لي بنبر وقعدت معاهم، وبنات خالاتي قاعدات، بقييت صحبتهم من قعدت السمر الامس😪😴.
يتبع.....
