مرو اسبوع وسامر ولاحتى اتذكرني بي رسالة ناهيك عن مكالمة💔. بديت بالجد افقد الامل فيهو...... انو علاقتو معاي كانت عابرة..... أوانوبالجد معتبرني اختو زي ما فهمتني امي بالظبط..ةامسك التلفون عايزة اضرب ليهو اتذكر كلام امي القالتََو لي....أتراجع تاني عن قراري....وصممت اني ماحأضرب ليهو.....وحتى لو هو اتصل💔😪مستحيل في يوم ارد عليهو💔.... تميت لي زي خمسسة يوم كدا مامشيت الكلية ولل شفت سندس. حتى هي مااتصلت على، بس كنت بشوفا متصلة ع الواتس، وما كلفت نفسها ترسل لي. مع اني كل مرهه كنت برسل ليها انا، وهي مرات تتجاهلني ومرات تكون عادية.... لكن بعد دا كلو كنت محافظة ع صاحبتها... طبعا أيمن طول فترة غيابي دي يوميا يتصل عشان يسأل على. بسس انا كنت بتجاهلو وماعايزة ارد عليهو... حتى لما جانا في البيت قلت لي امي قولي ليهو نايمة ماعايزة اشششوفو. امي كانت مستغربة من تصرفاتي الغريبة بالأخص مع أيمن. وكانت بتشك انو في حاجة😢💔، بس كنت بقعد ابرر ليها انو عاادي ماف حاجة بينا ، اختي شذى مازالت قاعدة معانا هي واواَلادها تقريبا كدا ماخلو حاجة في البيت ما كسروها🙆♀️اي شي تطولو يدهم يعتبر في طي النسيان😂....... زي العصرية كدا جاتنا أريج بنت عمي عادل، 😪كان عندي تلاتة اعمام على ياهو ابو سامر وعمو عادل ياهو ابو ايمن بالإضافة لي عمو خليفة🤭😴. المهم جاتنا زي عصرية كدا، زيارة هدفها انها تسلم ع اختي وعلى الشواطين الصغار🤭قعدت معانا فترة تتونس..... جيت من الغرفة لقيتا قاعدة، قعدت اتونس معاهم، وهم قاعدين جابو سيرة سامر... وبقو بحكو عن رحلة شهر العثل وكدا، طوالي بنت عمي قالت لي امي سبحان الله أمس كان بتكلم معاي😴وشوفو الصور الرسلها لي... انا هنا طوالي اتغظت 💔😭... وقعدو يشوفو في صور سامر، وانا قلبي حارقني، يعني معقولة يرسل لي غيري، وانا صحبتو اكتر واحدة مقربة ليهو وكل أسرارو معاي، معقولة ياخ بالسرعة دي ينساني... وعدو كم يوم ماتكلمت معاه ولاحتى فقدني زي زمان، امي قالت لي تعالي يارهف شوفي الصور اتجاهلت كلاما ودخلت غرفتي. 😴😭. وكتَنت عايزة ابكي، فتحت التلفون مشيت ع البروفايل لقيتو مغيرو وخاتي صورتو وهو مع رؤي بعد ماكنا موحدين البروفايل مع بعض😭💔. اعمل شنو اسي ابكي ولا في حل تاني عشان اعملو وحتى لو صبرت حأصبر لمتين تاني، وعشان يحصل شنو، 💔😭. لقيتو "متصل الآن" 😭💔وكانت مؤلمة شديد بالنسبة لي، يعني زول يكون عزيز عليك وعندو مكانة ف قلبك بين يوم وليلة تشوفو متصل ولاحتى يتذكرك بي رسالة أو حتى صباح الخير.... بقيت فاتحة التلفون وبعاين بس لي كلمة متصل الآن، كانت بتصبرني حبة😴💔زي الكأني شايفا هو وبتطمني انو ف اللحظة دي هو كويس وماعندو شي، 😴💔. وبالغلط دست ع لوحة المفاتيح ورسلت ليهو اموجي، بقيت خايفة شديد، دا شنو العملتو دا، مش انا قلت ماحأرسل ليهو واازل نفسي عشانو عمرو امااتكلم ياخ حأستفيد شنو منو😴💔. بس للأسف شاف الرسالة، وانا يدي ع قلبي، ومتشوفة، ياربي حيرد ويقول لي شنو، واعتذارو المرة دي حيكون كيف. قعدت اضربا في راسي واجهز ف الكلام واقول في نفسي اكيد ردو حيكون. أسف يا رهف انشغلت عنك... انا بعتذر ما تزعلي مني..... اخبارك شنو...... وعاملة كيف..... ومشتاق للونسههه معاااك.... ؤ مكالمة الساعةة 9 حترجع ونرجع زي زماان... ماف حاجة انتهت بينا... أقبلي اعتذاري......... وانا بحكم عاطفتي تجاهو كنت حأنسي اي وعد قطعتو على نفسي اني ما اتكلم معاه وكنت حأكون مبسوطة وأرسل ليهو الأموجي دا.. 😍😍😍وكنت حأقول ليهو مشتاقةةة ليك شديد... فقدتك..... انت عارف مكالماتك معاي ليها إثر.... انا قبلانة اعتذارك.... بس تاني ما تكرارها..... وكنت حأنهي الزعل بالبساطة دي.. ما كنت حأفكر كتير... بسس للأسف شاف الرسالة واتجاهلا مارد علي😪💔بقيت منتظرة ساعة كاملة أو اكتر ولا رد.💔😬☹️، قفلت التلفون واخدت لي نومة💔😪، صحيت من النوم، مشيت غسلت وشي، وكنت جعانه شديد، ☹️كل شي ولا الاكل مهما كانت نفسيتي مستحيل اتخلى عن الأكل.، فتحت التلاجة، بقيت افتش لي لي حاجة ساهلة عشان اكلها، مالقيت كل الموجود كان لازم يتسخن بالأول، وانا ماعندي صبر😪، شلت لي عيشة، وحشيتا بي جبنة، وشلت لي كباية عصير، وماشة ع الغرفة.امي كانت بتتكلم بالتلفون، ماعارفة مع منو😴😴😪دخلت غرفتي شغلت التلفزيون وبقيت بحضر.جات امي داخلة ماكنت منتبه ليها، لما شفتها لما اتخلعت، قعدت تضحك 😂وقعدت جمبي في السرير، ادتني جضيمة كدا☺️☺️. وقالت لي تعرفي كنت بتكلم مع منو، 🙁استغربت وقلت ليها اعرف من وين انك بتتكلم مع منو، اي جيت بي جمبك بسس ماسمعت شي🤭،قالت لي خالك فارس خطب وعرسو الأسبوع الجاي😪. من الفرحة ماكنت قادرة أصدق، وقلت ليها انتي جادة ياامي في كلامك، يعني اخيرا الله هداهو ورسا ليهو على واحدة. اتاريها حتكون مزة قاطعة🙆♀️😂😂، مستحيل يرضى ليهو بي بنت عادية، اخيرا بقى عندنا مواضيع وسفرة للجزيرة 😂🙆♀️💔بدل الملل الحاصل دا،. خالي فارس كان صغير البيت 💔آخر العنقود بسس الآخر بي حق وحقيقة، ماشاءالله عليهو جا شايل الجمال كلو😬البتقول حبوبة كانت لاماهو ليهو. الشعر دا كيف، ولااالعيون، ولا اللحية😪😪دا كلو كوم واللون الاسمر كوم تاني، كان حاجة كدا ولا في الخيال جمال فوق ما تتصور😂🙆♀️💔. كنت مكرشةةة فيهو، وهو كان قمة في الافتراء حتى على انا ناهيك عن باقي البنات😂. بسس كنت بحبو كومييات😘😍، حتى وصل لي درجة انو البنات في الجامعة كانو بشاغلو😂💔وشي هدايا، وهو كان ماشاءالله مقضي سنين الجامعة في ال صياعة، بقدرة قادر حتى اتخرج😂💔. كل يوم طالع ليهو مع بنت بي شكل، وواهم دي انو بحبها وهو بهناك مع واحدة 😴💔😂بسس ياربي خطب منو......؟ 🤔العرفتو من امي انها من البلد،، بس بنت منو ماسألتها ماعايزة اعرفها حابة تكون مفاجأة لما امشي البلد..... ، طبعا مناسبة زي دي، عايزة قشرة زابطة، عشان كدا خططت امشي السوق عشان أختار بي مزاجي واتشيك. مستحيل افوت عرس فارس لو شنو ماحصل😴مع اني ياخ كنت زعلانة على سامر وتهميشو لي☹️💔 وخسارتي العظيمة ليهو، بسس كل شي ولا فارس. شكلو موضوع اني حأمشي السوق برأي ماحيظبط معاي، امي واختي شذى كمان حيمشو معااي أ ماشذي ودي كمان بي أولادها ☹️💔. امي كمان قصتا قصتا، كنت بعاني لما امشي السوق معاها، عندها استعداد من الصباح تلف لحدي العصر عشان تلقى حاجة ع مزاجا🙁💔ماكانت بتزهج خالص 😂💔. وانا اقعد ماشة معاها وفي الاخر من الزهج اخم لي لبسسة اي كلام واجي طالعة، عشان شنو عشان الوقت اتأخر بعددا المرة الجاية اختاري السسمح واسي مشي🤭😂دا كلامها الكنت بتقولو لي. 😢لا وكمان اولاد اختي، اقعد اقيس ليهم في اللبسات، ومراد البقعد يتشابا داك، اخير ربا تخت اصبعا في خششما وانا اختار ليها😂💔. أمري لله مشيت معاهم السوق بس قلت ليهم اي واحد بي اتجاه براه😂😂💔ولما تخلصو اتصلو علي🤭كنت عارفة انا الحأخلص واقعد اكوس معاهم واختار🙆♀️. امي قعدت تحمر لي، قلت ليها عشان الوقت يأست لحبايب ونكسب الزمن، يلا سلام ماتتاخرو، ومشيت خليتهم😪💔. وبقيت بفتش وانا داخلة لي دكان وطالعة من واحد، وكل الحاجات كانت حلوة، لو في يدي اشتريها كلها😬💔بس لازم اشتري المحتاجة ليهو😪، اخيرا وبعد خراج روح، لما رجلي اتكسرو عيوني زاتهم طشششو من كترت العيين عشان ماأشيل حاجة واندم عليها💔🙆♀️. رسيت لي ع فستان كدا لونو كحلي، فيهو حبت زخرفة كدا، واخترت شنطة وجزمة بالفضي😪💔، لزوم الحفلة، واخترت كمان بنطلون، 🙁اي ما تتخلعو كنت عادي بلبس بنطلون، مع بلاوز. 😍☺️كملت لبستي وخمتمتها بي بالاكسسوارات عششقي الذي لاينتهي😍😘، كل اللف دا وبهناك هم لسية ماخلصو. مشيت انتظرتهم ف العربية، لما ملييت الحياة😂واخيرا شرفو جوا، بسس مازال لسسة برغو، ويتكلم عن التياب الشافوها في المحل😂🤭. امي ديك كمان مستحيل تسكت جو تمر لي الناقصة في العربية🤭😂، وامي قالت لي سوقي انتي يارهف، بالفعل لبيت ليها طلبا. وهي قاعدة وراء مع شذى وبتفرجو ع التياب، ماعندهم صبر لحدي ما يصلو البيت😂🤭، وامي كانت مصصمة ترجع عشان في توب عجبا، عايزة تبدل الاشترتو، بي قدرة قدير حتى قدرنا اقنعناها😂😴. بعد كملو فرجة خلاص لمو التياب ديلك في اكياسهم وهدو حبببة🤭بين أصوات امي وشذي ومقالطتهم انو التوب داك كان سمح، لالا داك، لا المششجر كان احلى. مراد كان بقول لبه(يعني ربا😂اسم اختو ماعارفة الجاب لبة لي ربا شنو، بسسس لغة شفع مالي بيها انا)، ماحاولت اتَنتبه، لي انو بردد اسمو ربا لششنو، افتكرتو بلعب معاها 😴، وناس امي كمان ماانتبهو مع جوطتهم دي، وبس اسمع شذى بتكورك بنتي!! طوالي التفتتت واخيرا عرفت لشنو مراد من الصباح شغال يقول ربا ربا😴💔شكلهم نسوها ف السوق اي ما فاضيين عشان ينتبهو لي وجودا، شذى تشيل وتسكلب امي يالله ماساكاها. (شفتو لماتهملو شفعكم ويضيعو منكم ف السوق بتبقى ليكم حارة كيف)، ياريت لو بتصبرو حبة ع الاقل عشان يلقوهم ليكم🙁🙁. كانت عندي استكانه عجيب ة كدا، وخاته في راسي انهم نسوها الموضوع ايزي أسى بتمشي بتلقاها، 😴💔اتشالقت وقلت لي شذى خلوها ياخ والدي غيرها هنا امي قرصتني قرصة حسيت بي لحمتي اقطعت من محلها، سكتتت تاني اصلو مااتكلمت😂💔ودموعي زاتا مابية تنزل، ومن نص المسسسافة لما كنا خلاص حنحصل البيت، رجعنا تاني السوق😴💔. وسايقة العربية بي أقصى سرعتها واضرب ف البوري واتخطي أي عربية قدامي😢☹️ناس الشارع يشيلو ويشتمو فيني💔😪. مضطره ياعالم عندنا ننه ضايعة☹️💔، شذى اصلا ما سكتت ومستحيل تسكت الا تشوف بنتها قدام عيونا، وخاته في بالها انو ربا اتخطفت وماحتلقاها تاني💔☹️ياساتر اصلو ماجابت ليها مصير سمح. لكن ليها حق ألزمن دا الشافع يطلع جمب باب الشارع ساي يسرقو ناهيك عن السوق انا زاتي ابتديت اخت يدي ع قلبي خايفة. واتصور انو ربا ما رجعت معانا البيت وخطفوها زي ماقالت شذى، ابدا اطرد الأفكار دي من راسي واقول ان شاءالله بنلقاها. وصلنا السوق ونزلنا نفتش، وانا اسأل في امي آخر دكان دخلتو معاكم ياتو😬🙆♀️، وشذي زاتا مامتذكرة ولا منتبه آخر مرة البت مشت معاهم ياتو دكان🙁☹️. (بالله يامدام وانتي داخلة السوق، شافعك، شافعك داك شايفة الشليق البلعب هناك، واسي زاتو نامنتبه لي وانتي بتقري في الرواية عليك الله وانتي داخلة السوق لو ماتكرمتي، ومسكتي من يدو مع انشغالك بي اختيار التياب اربطي في طرف توبك قوي عليك الله م مشكلة حارة عليهو، بس ف النهاية حافظي على، فقدهم صعب والله ربنا لاطوقك😬💔😪). اشيل واساال فيهم البنت دخلت معاكم ياتو دكان، وهم مامتذكرين زاتو، لاحوله للدرجة دي ماكانو منتبهين ليها. قبلو ليك طوالي على لو كنتي معانا ماكان راحت😬💔التقول انا امها، هي أنها ماانتبهت ليها حأنتبه ليها انا😴💔. 💜بسس من جواي كنت بقول ياريت أسى ماكانت ضاعت لأنها ماقعد تفك يدي خالص💔😭💔. جارين في السوق زي الهبل، نشيل ونسأل في الناس ونوصف فيها، وماف ليها إثر انا جارية وامي جارية وشذي بالغصب كمان تحاول تشيل في رجليها، ومراد المسكين داك رقبتو تطلع وتنزل من الجري ماباقي ليها الا تتكسر.... بقينا مهزلة في السوق واي زول يخلي ألفي يدو ويعاين لينا، تقريبا كدا، لفينا السوق كلو وماف إثر ليها، شذي قعدت ليها جم دكان، وتشيل وتبكي ربا طاعت ربا خلاص تاني ماحأشوفوها امي زاتا قعدت تعزي معاها وانا قلبي كان واجعني. 😬💔نسسمع صوت من جوة الدكان مامااااا اا😢وجات ربا جارية وتشيل تبكي حضنت امها، امها قامت مخلوعة ماصدقت لما شافتها😭😭مشهد مؤثر ياخ ، وكانت شايلة ليها عيششة ف يدها، طلع وراها عمو سيد الدكان. ربا قعدت تبكي وتقش ف دموعها، وقالت لي امها انتي ماعايزني ولا تنو، نسيتني وبس عمو دا لقاني بي بله، الراجل جا طالع سلم ع امي وشذي، وكتر خيرآ لقاهاحايمة في الدكان بتاعو وانتبه لي انو امها مامعاها، مسك عندو وكان شوية وحيبلغ البوليس أو ينتظر لانو اهلها حيجو يفتشو عنها😂😭💔وآداها فطرت، ماعارفة لو ما هو كنا حنعمل شنو 😪😭. حلفت ماتمشي الاتكمل الفطور، دخلت جوة قعدت ف الكرسي رجيناها لما اكلت وبعدها سقناها ومشينا💔☹️😂. طول الطريق شغالة اقول لي امها بكلم ليك بابا، وامها تشيل وتحنسسس فيها😂☹️وهي شغالة ليها مام مام بكلمو، بالجلالة قبلت عليها واقنعتها😂. 💔مع اني كنت بدقها وعندي عداوة معاها وبغييير منها بسسس كانت بتسمع كلامي😂☹️وصلت البيت زي العصصر كذا ياكافي البلاء لاصلينا ضهر لاشي💔كنت تعبانة شديد. اتوضيت جيت صليت الضهر والعصر وبعدها اخدت لي نومة لماقمت المغرب أشوف لي حاجة أكلها. فتحت التلفون دردشت سامر كما هي ماحاول حتى يرجع لي الايموجي الرسلتو لي..... جدعت التلفون وبقيت اجهز في شنطتي عشان بكره مسافرين....لحن أخر 💜كيف حالك ياسامر💙وكيف هي تلك الكلمات التي كنت تعدها لي لتخبرني بها💙💔هل باتت هي الأخرى بخيير ام مازالت تنتظر بشوق محادثتي معك، ام استغنت هي الأخرى، وفضلت ذاك البديل الذي اخترته بدلا عني☹️💔.هل وجد قلبك ملاذا آمنا لااسراره، ام نزلت انا الملاذ ألم تتق لرؤيتي ولاحتى لمحادثتي، الم يعد وجودي يشكل فارقا في حياتك؟!!!!! 💙😪في ماذا تتحدثان، ربما تهمس لها هل مايدور بينك وبينها من حوار، يشبه حوارتي السابقة ☹️💔لاعتقد ربما تتحدثان بشي آخر، فمنذ أن عرفتك وانت تكرههه التكرار لذا لابد انك نسيت كل حواراتي السابقة معك، وانخرطت الان في بناء مستقبلك بعدما انهدم مستقبلي.............تبصح على خيير يامن إذا كان على البعد، ولو زاد على البعد بعدا لازال احبببه#سامري _الاسمر
يتبع.....
