اليوم الجاتني فيهو سندس، بعد ماطلعت وانا قلت ليها واديتا قراري الصريح اني مابقدر اتكلم ليها مع أيمن، واقنعو انو يتزوحها💔. وبعدين هو زاتو سافر، وانا موقفي الحصل ليهو معاهو مابخليني افتح معاهو مواضيع زي دي، والله ياخدا فرصة فيني💔😴.
دخلت غرفتي وبقيت بفكر في سندس وأنها في يوم كانت صحبتي، وجمعتنا مواقف سمحة، فيها شنو لو حاولت اساعدها☹️💔البنت تقوم تعمل في نفسها حاجة كمان. دخلت غرفتي مسكت التلفون، انا كنت اصلا ماسحة رقم أيمن، بقييبت بفتش ف الدردشات القديمة، أمكن تكون ماأتمسحت وألقى رقمو، لكن حأقول ليهو شنو🤔🤔. فكرت اني بس اتكلم ليهو عن سندس، وانو بعد وعدا وعمل فيها العملة دي مفروض يتزوجها، وقررت اني ماأجيب ليهو سيرتي ولااتطرق لي موضوع صوري. بس قلت معقولة بعد المقاطعة الطويلة دي ارجع ليهو والله يقول محتاااجة لي وبتتقرب عشان صورها ويقوم يزلني🤔💔. ف النهاية قلت خليني بعيدة احسن انا مالي جايبة لي نفسي المشاكل تحل مشكلتا وتتصرف براها، الغريبة هي مالحمت لي انو أيمن حكي ليها شي عن العملو معاي. دا خلاني اطمن حببة انو ماجاب سيرة لي زول☹️😴، قررت قرار نهائي اني ابعد من موضوع سندس وأيمن، واقطع علاقتي بيها خالص. لانو البيع نفسسو بالطريقة دي مستعد يعمل لي شي تاني، من اليوم داك سندس حاولت تتظاهر انها عادية، زي الكأنو ماحصل شي☹️💔، بس البيبي دا حتودي ويين حتربي ياربي ولا حيحصل ليهو شنو☹️😴.سندس كانت بتجي المستشفى عادي لحدي مابتدت تظهر عليها أعراض الحمل، أخدت اجازة بدون مرتتب، تاني ماعرفت عنها شي، ولاحتى فكرت في الشي الحاصل عليها، 💔☹️. اما أيمن ياهو مشا الإمارات يشتغل هناك، الأخبار السمعتها عنو اتعين في مستشفى هناك، بي واسطة صاحب ابوهو، مستشفى اي زول بحلم بيها، يلا ماحأول يتعرض لي، أو كان ف تواصل بيني وبينو😴💔.يوم وأثناء دوام المستشفى، كنت قاعدة ماكان ف شغل كتير اليوم داك جاء سامر داخل وكان شايل ولدو التؤام جسمو مسخن شديد، الساعة كانت زي 8مسا. لاقيتو جمب مدخل المستشفى وقف سلم على عادي😴💔سلام بارد شديد، شلت منو على، وحرارة جسسمو مرتفعة شديد، وبقيت ماشة معاه، دخلو على الدكتورة الكان متابع معاها لأنو عندو التهاب ف اللوز وقعد تتعبو شديد. بعد الفحص، اتضح كمان انو عندو ماريا، صرفو ليهو العلاج، وكان لازمو درب، قعدت معاهم لحدي ماخلص الدرب، وركبت ليهو الفراشة، للحقن☹️💔، كنت قاعدة ف الغرفة معاهم. وسامر يشيل ويعاين فيني. ابدا ماكنت عايزاهو عشان يتكلم معاي، بس حالة الشافع كانت صعبة وبحكم القرابة واني دكتور قعدت معاهم😴💔. بعد انتهينا الولد ياداب صحي من النوم، شالو وطلعو، انا كمان مفروض اطلع بعددا عشان الحق المواصلات😴☹️، بقيبت واقفة عشان اشوف لي تاكسي ماكان في والساعة مشت لي 11. امي ضربت لي ألف مكالمة تسأل فيني اخرك شنو💔وريتها اني مع سامر ولدو جابو المستشفى حتى ارتاحت. بس مازالت بتلمح لي بي(سامر دا اختيهو، لاحظت لي دا من طريقة كلامها)،طلعت بره واقفة ف الزلط بس ماف إثر لي تاكسي عشان ااجرو. وعربيه سامر للان واقفة، وانا منتظرة شفتو طلع من السوبر ماركت، شايل حاجات في كيس جا لقاني واقفة، وانا منتظرة المواصلات عاين لي كدا ودور عربيتو. اعتقد انو عايز يمشي ماعايز يقول حتى تعالى اوصلك، (عربيتي اليوم داك كانت ف الصيانة)، دور العربيه وبقيت اعضي ف اسناني واقول (معقولة كدا ياسامر) 😭. لكنو غير اتجاهو وجا وقف جمبي وقال لي اركبي، قلت ليهو، منتظرة المواصلات، قعد يحنس فيني وانا رافضة، لحدي مانزل من العربية وجا وقف جنبي (كان لابس ليهو جلابية، شبشب بالاسود💔، صحتو زادت شوية، بس مازال جسمو رياضي نفس الوسامة ونفس الملامح الزمان، وبي شعرو الطويل، ولحيتو كانت خفيفة شوية، ولابس الدبلة ف اصبعو) 😭. نزل من العربية وجا وقف جمبي، قلبي بقى شغال يدق، قال لي 😳لشنو ماعايزة تركبي مستحيل تلقى مواصلات الوقت اتأخر، (ولدو كان بعاين لينا من قزاز العربيه). اخيرا بعد حاول معاي ركبت 💔، طول الطريق كان ساكت ماحأتكلم معاي، كنت شايلة ولدو في رجلي، هو كمان ساكتت لحدي ماعاينت ليهو لقيتو نائم😴، طلع شكلاتة من الكيس ومداها لي من شفتها طوالي ابتسمت(نفس الشوكولاتة الكان بحيبا لي معاهو من المدرسة لما كننت صغيرة) 💔😴. اترددت ماكنت عايزة اشيلها، بس ف النهاية ماحبيت اخرجو قمت سلتها، قعد يتكلم معاي ريابسسم وقال لي اتذكرتيها😂💔، قلت ليهو ايوة ماناسياها🤪😂💔، قعد يتكلم معاي، حتى اطمنت(من طبعي كنت لو قعدت مع زول ومااتكلم معاي تلقائيا ببدا اخاف منو، الا يتكلم معاي حتى اطمن) 😥. اتونس معاي ونسهه عادية، مااتطرق حتى لي علاقتنا💔😥، لكنو سألني عن الورقة الاديتا ليهو يوم عرسو لو متذكرنها🙄💔، استغربت قلت ليهو انت ماف تحتها، قال لي ابدا والله ختيتا في جييب الجلابية جيت لقيت امي غسلتها😂😂💔كان بتكلم معاي وسايق وبضحك، كشرت وشي وزعلن منو، حسيت بيهو مستهتر بي. سكتها تاني ماتكلمت معاهو لحدي ما حصلنا البيت، نزل من العربية شال ولدو ودخل البيت، وانا دخلت ع البيت💔☹️.دخلت غرفتي ديك، والشكولاتة للان في يدي، كنت مستغربة اداني ليها لشنو ولشنو دي بالذات💔☹️، الا يكون عايز يذكرني علاقتنا. لو ماكدا ماكان حيديني ليها، غيرت ملابسي، أمس جات داخلة قالت لي اطلع ليك عشا قلت ليها ماعايزة، ماشة انوم بسس. الصباح وانا ماشة الحمام، اني قعدة تتكلم بالتلفون مع زول لكن ماعارفه هو منو، قعدت اتصنت عايزة اعرفو، سمعت بتقول ليهو، طيب انا موافقة خلي يجي يتقدم ف البيت!! 💔، عرفت طوالي انو امي جايبة لي عريس كالعادة. مااشتغلت بالموضوع، لأني حأرفض كالعادة، مشيت غسلت وشي، وجيت صليت، شربت الشاي وطلعت الشغل عادي مااسألتها ولا حتى بينت ليها اني سمعت الكلام☹️💔💔.
