مرت الايام بي سرعة، وبقيت في آخر سنه لي ف الكلية بعد كل الأحداث العايشتها دي، كنت عايزة اجتهد عشان اتخرج😪💔. بس مازالت الأحداث عالقة في ذهني وماقادرة انساها، بس كنت مجتهدة شديد في قرايتي، ومرات كنت بضعف لما اتذكر سامر، واتذكر الحاجات الحصلت لي مع أيمن. وياداب بقى يظهر لي حجم الخطر، وأنها حتأثر على حياتي كلها💔☹️، موضوع الصور تاني أيمن مااتطرق لي لييهو. وانا زاتي ما سألتو منها تاني😪💔، ضميري كان مأنبني اني طول المدة دي مخبية على ناس امي وماجبت ليهم سيرة بالموضوع. في الجانب التاني علاقتي كانت عادية مع سندس، بس كنت حاسة بي ببعض التغير فيها💔😪وأنها بقا توصلها معاي قليل. كنت بقول عشان آخر سنة والامتحانات حتكبس وكدا، احتمال هي زاتا مشغولة بي قرايتها، وما أديت الموضوع اهمييية، انا زاتي كنت مشغولة، وحاولت اخفف خروجاتي واتفرق لي قرايتي بعد دا💔☹️. بعد مضت فترة على زواجهم رؤى اخيرا أنجبت، وجابت تؤام اولاد، كنت حاسة بيهم كلهم مامبسوطين ماعارفة لششنو، بس تاني قلت احتمال من كترت المصايب المرت عليهم عشان كدا هم مازالو حزنانين😪💔. سمو واحد على عمو على والثاني سموه على ابوي 💖بس خالص ماكان ظاهر انهم فرحانين بالمولودين ديل💔😪، ماعارفة السبب شنو، زي الكانو سامر كان شاكي في حاجة. اما مرت عمي في حاجة تانية كانت مزعلاها، امها كانت متوفية وابوها متزوجة مرة تانية، ماظن كانت تهتما بيها، عشان كدا مرت عمي قالت تولد هنا معاها ف البيت عشان تقوم بي خدمتها. مشيت مع امي العصرية بعد جيت من الكلية عشان نتحمدل ليها السلامة😪😪، كنت بكرهه اطلع امشي لي مرة والده بسس كالعادة امي اجبرتني بالغصب وقمت مشيت معاها☹️💔. وانا عندهم مشيت المطبخ اشرب لي موية، كنت جادعة الطرحة في كتفي لانو سامر كان مافي، وفجأة جا داخل المطبخ.. بقيت بعاين فيهو، ومنططة عيوني وعايزة اطلع😪💔، بس مسكني من يدي، وبقي يعاين لي شديد، وطول دا وانا بس واقفة وبعاين فيهو☹️💔، وشغالة ابلع في ريقي، واعاين في. ، ماتكلم معاي ولاحتى قال لي ششي، كنت بستنشق في ريحة العطر الخاتيهو نفس الكان زمان لما حضنتو، كنت عايزة اعيد الكره تاني بس يالله مسكت نفسي 😪💔. بس فجأة فكاني وطلع من المطبخ، انا قعدت اعاين فيهو بي استغراب ومن حركتو، وقعدت افكر هو لششنو عمل كدا عايز شنو ياربي🤔💔. مشيت كملت قعدتي معاهم، ونحنا طالعين كان قاعد في الشارع برههه في العربية، امي وقفت سلمت عليهو وقفت معاه، سلمت عليهو من بعيد، حسيت بي مراقبني حتى لما حصلت البيت عايزة ادخل اتلفتت، لقيتو مازال مراقبين. دخلت غرفتي، كنت محتارة، وفرحانة في نفسسس، الوقت وقعدت اقول في نفسسسي، معقولة يكون فتح الرسالة الاديتا ليهو زمان، معقولة للان بفكر فيني وعايزني😪💔، كل الأسئلة دي ماعارفه ليها جواب😪ولي قدام حيتضح ليكم كل شي💔☹️.مقابلتي لي سامر اليوم داك وابتسامتو الطولت منها، ادتني شوية امل انو ممكن سامر في يوم من الايام يرجع لي💜. وبقيت اتذكر كلام خالي فارس(لو كان في نصيبك حتى لو اتزوج حيرجع ليك) كنت بحسس انو كلامو بالجد بادي يتحقق، ومقابلتي معاهو كانت تميَهيد للعلاقة من جديد 😪💔. بقيت مبسوطة شويتين كدا، بس كنت خاته في بالي حكاية أيمن، وكيف حأقدر داساها عمري كلو😪💔كنت متأكدة انو أيمن ماجاب سيرة لي زول، 😪☹️وكاتم هو كمان الموضوع والاتنين حنكون خايفين انا عارفة انو الشيطان غشاهو عشان كدا غلط غلطةةة زي دي 😪💔............ صحيت يوم مع الفجر بعدما مانمت متأخرة كنت قعد اذاكر للساعة 1،مشيت غسلت وششي، وجيت صليت، عملت لي كباية قهوة. وجيت الغرفة، كان عندي شوية مذاكرة كدا، خلصتها، وبعد الشمس طلعت، زي الساعة 7كدا مشيت الكلية، كنت بضرب لي سندس بس تلفونها كان مقفول😴😴، مشيت قعدت ف البنش منتظراها عشان تجي بس ماجات. عاينت لي تلفوني لقييت باقي المحاضرة زي ربع ساعة كدا، حاولت اضرب ليها تاني بسس ماردت😴💔، مشيت حضرت المحاضرة، وانا في المحاضرة تلفوني ضرب، وكانت دي امي، صمت التلفون وانتظرت لحدي ما اطلع 💔😴. بعد طلعت رجعت ليها، قالت لي الليلة تعالى البيت بدري عشان جايننا ضيوف، ماتناقششت معاها كتير، مع انو كان عندي مواضيع كتيرة عايزة اقوم بيها اليوم دا، وأولها أني امشي لي سندس، بس قلت ليها حاضر حأجي بدري. استغربت وقعدت اتكلم مع نفسي ياربي ديل منو الضيوف ديل؟!! 💔 زي ماقلت ليكم سندس كل الكنت بعرفو عنها انهم ساكنين في شقة مأجرنها، بس ماحصل قلت ليها منو من البنات ساكن معاك، لاني كنت بسمعا بتقول ساكنة مع بنات بقرو في جامعة تانية بس من بلدهم😴💔. وكنت عارفة الشقة وين لأني كم مرة وصلتها بي عربيتي، 😴💔، طلعت بعد المحاضرات وانا في الطريق اشيل واضرب ليها، وكنت بسمع جرس بس مافي زول برد. ابتديت اخاف شديد عليها، لأنو ماحصل ضربت ليها وماردت على، رميت التلفون في الكرسي، ضرب من جديد رفعتو رديت، رهف انتي وين يابنت،، جاية بأمي شوية كدا واكون في البيت. اسرعي عليك الله الضيوف حيجو بعددا، ضيوف شنو ياأمي، لما تجي حتعرفي اسرعي بسس، قعدت اتحايل عليها عشان توريني بس أبت 😪💔، وقفلت الخط في وشي. اخيييرا وصلت العمارة الكانت ساكنة فيها سندس، كانت ساكنة في شقة ف الطابق التاني😪💔، اخيرا وصلت وبقيت أدق ف الجرسسس، بس مافي زول جا، بقيت أدق وادق لما زهجت عايزة ارجع. لكن كنت سامعة صوت التلفزيون شغال عرفت انها جوة، انتظرت شوية كدا، قلت لو ما فتحت لي ارجع، لكن فتحت الباب وكانت خايفة شديد، سلمت عليها وكان سلامها لي بارد وتتمتم في الكلام. اول ماشافتني قالت لي رهف اهلين وكان صوتها برجف، عرفت انها ماطبيعية قالت لي ادخلي، وكانت بتتلفت بي طريقة غريبة💔😪عرفت انو في شي. وخاصة انها كانت بتردد اسمي وكل مرة تعلي في صوتها، رهف اهلين مشتاقين، زي الكأنو كان ف زول وعايزة توريهو انو انا هنا😣😢، رحبت بي، قعدت وهي كانت بتفرك في يديها ومتوترة شديد. سألتها لشنو ماجات الكلية، قالت لي كنت عيانة شوية، مافي شي، قعدت جنبها، قامت مخلوعة كدا من جنبي، وقعدت تقول لي ابدا مافي شي 😣😢، كررت عليها السؤال لو في شي توريني بس كانت مصرة انها كويسسة😪. امي ضربت لي ف اللحظة ديك، انا زاتي ماكنت عايزة اقعد شكلو الجو مامناسب، حتى وانا طالعة ماحاولت تعزمني أو تقول لي اقعدي حبببة. عرفت انو في شي ماطبيعي😣😣💔، وانا طالعة لاحظت لي تلفون أيمن ومفتاح عربيتو مختوتين في الطربيزة، شلتهم، وكنت مابقبي عننَهم، سألتها الجاب حاجات أيمن هنا شنو😪. جات بي سرعة قلعتهم منى وقالت لي نساهم أمس ف الكلية وحبتهم معاي، اصلا مادخل لي كلامها في راسسسي وكنت عايزة بس اطلع بي أي طريقة، وكنت متأكدة انو أيمن قاعد معاها كنت خايفة شديد😭💔، انو تكون متفقة معاهو ويجي طالع يعمل فيني حاجة 😣😣😭. بي سرعة جارية عشان امرق نفسي بي، قبل ماايمن يجي طالع، وانا كرعي ماشايلاتني، لقيييت نفسي بسس في عربيتي وماعارفة بالسرعة دي جيييت كيف. سقت عربيتي وبقيت طالعة، في منطقة بعيدة من العمارة لقيت عربية أيمن واقفة، اتأكدت بعددا انو بالجد أيمن كان مع سندس، ماكنت متخيلاها تطلع بالوقاحة دي. 😣😭كنت طول الفترة دي مصاحباها واثقة فيها 💔💔معقولة تطلع من نوع البنات الشمال، بقيت بس شغالة ابكي لحدي ماوصلت البيت دموعي ماوقفو. وصلت البيت امي كانت في انتظاري، مما دخلت شابكاني اخرك شنو وكنتي وين😣، كنت مصدعة شديد وماارديت عليها، هي زاتا ماكترت كلاما معاي. وقالت لي امشي غيري هدومك وتعالى لي ف الصالون💔، دخلت غرفتي قعدت ف السرير افكر، في سندس والشي العملتو، وابتديت اكرهه أيمن اكتر مما كنت بكرهو، يعني هو عشان عندو قروش يستغل البنات كدا💔مابخجل من نفسو. مشيت غسلت وشي، وجيت الغرفة لبست لي توبي كنت رابطة ف نصي، وماشة عشان اشوف الضيوف😢ماكنت خاته ف بالي ناس كدا معين حيكونو هم، وقبل ماأطلع من الغرفة امي جات لقتني بي توبي داك. قالت لي دا شنو العاملة في نفسك دا، اقلعي التوب دا والبسي ليك فستان، 😣💔فستان!! فستان شنو ياأمي، وبعدين الضيوف ديل هم منو ذاتهم. ما تناقشيني كتير يارهف اعملي القلت ليك عليهو وتعالى لاحقاني، طلعت لي فستان كدا من الدولاب لبستو وعملت حبة ميكب ومشيت عشان اشوفهم. وبس دخلت، ماكنت مصدقة عيوني، انو القى عبدالرحمن، تتذكرو الولد الكان قلت ليكم، قابلتو في الجزيرة وهو من كليتنا، 😢😢. دخلت لقيتو قاعد ومعاه امو سلمت عليهم، وأمو ماشالت عيونا من على، اكيد هو الموضوع كان باين، انو جاي يخطبني برأي ختيت الاحتمال دا حتى قبل مايتكلمو💔. امي جابت ليهم العصير وكانت عاملة ليها كيكة، تتخيلو الولد طول السنة الفاتت ديك كنت بقابلو ف الكلية عادي، وانا ماخاتة في بالي شي😢. كنا قاعدين نتونسسس حبة ولسا مادخلو معاي في الموضوع، امو قالت لي امي، نطلع احنا يانازك نخليهم ياخدو راحتهم في الكلام 😪😪. اممممم وطلعو انا زاتي ما كنت عايزة اتكلم معاهم، ولا حتى اديهو فرصصصة عشان يتكلم معاي، قبل ماينطق حتى بي كلمة، قلت ليهو لو انت جاي عشان تخطبني ماتتعب نفسك انا ماموافقة. وبعرف انو امي حتكون ادتكم رد بسسس انا رافضة حتى لو كنت مامفكر فيني😣😣💔، قعد يعاين لي كدا، ووشو كشششر حبببة، قال لي تقصدي شنو بي كلامك دا،؟!ماقاصدة شي، بس دا كلو العندي ماعتقد عندي زيادة، زعل شديد مَن الكلام القلتو ليهو وقام طلع ماتمينا حتى نص ساعة مع بعض، جا طالع وقف جمب الباب وقال لي امو ارح ياامي امي حنمشي بعددا. اموجات عليهو بي خلعة كدا في شنو ياعبدالرحمن، قال ليها ماعايزين يناسبونا شكلهم كدا، وطلع، امو زاتا ماوقفت عشان تعرف الحاصل طوالي طلعت بي وراهو. امي مشت وراهم، قدمتهم لحدي الباب، ركبو عربيتهم ومشو😣💔💔،، كنت مراقباهم لحدي مافاتو. أمي قفلت الباب وجات داخلة، وبسسس شفتها ماشة ادخل غرفتي😣💔قعدت من الحوش بره تكورك لي دا شنو العملتيهو دا يارهف😠😠. ماعملت شي ياأمي بسس رفضتو، قعدت تعاين لي دخلت غرفتي ودخلت بي وراي، وقالت لي ترفضيهو كيف😠💔انت عارفه الولد دا القروش العندهم. عايزة يجيك عريس كيف احسن من كدا💔💔انتي مجنونة ولاشنو😣😣قعدت ابكي وقلت ليها ماعايز اهو ياأمي اعرسو غصبا عني يعني. قعدت تتكلم معاي بي أعلى صوتها، وانا زاتي ماقدرت استحمل وقلت ليها ابوي لو كان عايش ماكان عمل فيني كدا 😭😭، انا ماعايز اهو ماعايز اهو 💔. 💔امي ادتني كف وقالت لي انا عارفاك بتفكري في سامر، احسن ليك شيليهو ِ من راسسك الراجل متزوج، انا حأعرف اربيك كويس الظاهر تربيتي ليك كانت غلط. من الليلة كلية مافي، لحدي ما تتأدبي، وطلعت من الغرفة وقفلت الباب بي قوة وراها😭، بقيبت ابكي وافكر في سامر، طيب لو كان هو للان عايزني مايجي يتقدم لي عشان ارتاح، 💔. ، بقيت حابسسة نفسي ف الغرفة ماطلعت منها خالص، بالليل زي الساعة 11 سندس اتصلت على، اتجاهلتها كم مرة بسس كانت مصرة، قمت رديت عليها قعدت تبرر لي في الحاجة الحصلت قبيل، وتديني كلام اصلا مامنو فايدة. ماتناقست معاها كتير وقلت ليها، من يوم الليلة انسى اني كنت بعرفك، وانا غلطانه زاتي لأني وثقت فيك، قفلت الخط ور ميت التلفون، وكنت بفكر ماعارفة زاتي بفكر في شنو، بسس راسي كان مزدحم أفكاريتبع....
