عديت فترة وانا قافلة ع نفسي ماكنت بتكلم مع زول 💔بس شغالة افكر، والقرار الحأتخذو شنو، اخيرا وبعد مدة طلعت من عزلتي دي، بي قرار اني حأعرس وما حأنتظر سامر. انا زاتي امي عندها حق، يوميا بكبر، ورفضت عرسان كتيرين أتقدم لي😥😭، ليهو حق بعد دا الموضوع يشغل امي، وذي كل ام هي عايزة مصلحتي وعايزة تشوف أولادي، 😴💔. ما منو رجى سامر، اصلا مع طول الفترة دي حيكون صرف نظر عني، ماأظن بفكر فيني، طلعت من الغرفه لقيت امي قعدة برة. مشيت عليها وانا مدنقرة رااسي، اول ما وقفت جنبها رفعت رأسا تعاين لي ونزلتو تاني، اترميت جنبها في الأرض، وبقيت ماسكة يدها وابوس فيها، وشغالة ابكي، واقول ليها سامحيني ع الكلام القلتو ياأمي😭💔. امي كانت ساكتة وبتعاين لي وانا مازلت ببكي، وكل متنها بي موافقتي اني موافقة على العريس الاتقدم☹️💔، امي مازالت ساكتة، بس ف النهاية هي زاتا حضنتي وقعدت تبكي، وبتقول لي، انا ماعايزة غير مصلحتك والله يارهف.انتي رفضتي عرسان كتار، والعمر حياخدك، احسن ليك تعرسي، واناماغاصبة عليك، انتي اتعرفي عليهو طيب، وتاني اديني موافقة.قمت من جمب امي بعد ما رأضيتها، وعرفت انو هي بس عايزة مصلحتي وكل الكلام القلتو لس داك كان ف لحظة غضب، والدليل انها قالت لي، شوفي وااعرفي عليهو، وتاني اديني موافقتك😭💔.قبل ماتقوم قلت لي لأمي طيب خليهو يجي يتقدم💔💙، مشيت غسلت وشي وجيت راجعة الغرفة، قعدت فيها مامشيت الشغل اليوم داك.بالمساء امي جات لفتني ف الغرفة. كلمتني انو حيجي بعدين عشان هو زاتو يتعرف على، واني اخد زمني وافكر في الموضوع وتاني اديها موافقة💔😭ولو ماعايزة وفي سبب واضح لي رفضو كمان اكلمها.مشيت جهزت نفسي، ولمن وصلو مشيت الصالون، لقيتو قاعد سلمت عليهو، وكان معاه اختو☹️💙، امي قعدت معانا شوية وتاني طلعو خلونا برانا💔.😴عشان ناخد راحتنا في الكلام، انا كنت قاعدة ساكتة، وما نطقت وبادرت بي كلمة، هو زاتو كان شغال يعاين لي، لحدي مااتعقدت من نفسي.، وبقيت ابلع في رايقي وشغالة أصلح في طرحتي، ساعة كاملة ونحنا على الحالة دي💔☹️، ماف زول عايز يتكلم مع التاني،اخيرا هو كسر الصمت داك وبدأ يتكلم معاي، ويعرفني عليهو، بديت انا زاتي اعرفو على نفسسسي، مااضفت ليهو حاجة جديدة، كان عارف اي شي عني، امي ماقصرت كلمتهم بي أي شي😳💔.قعدنا كتير مع بعض اتونسنا، وهو بي ذات نفسو تاني عرض ع انو عايز يخطبني، واخد راحتي وافكر في الموضوع، قبل مابمشي حتى وريتو موافقتي واني موافقة☹️😴، قعدو معانا فترة طويلة وبعدها مشو.جيت راجعة غرفتي وانا نص فرحانة ونص كدا زعلانة بس لازم أرضى بالقدر💔😴امي اتلقتني وقالت لي اها رسيتي على شنو يتتالين، قلت ليها موافقة، الله يرضى عليك يابنتي وربنا يسعدك، امين، وبعدها دخلت غرفتي.كنت زعلانة عشان كان دا آخر امل لي ف سامر وهو ما جا راجع لي، بس بقييت بفكر ف المنطق، وانو كلام امي صاح البنت بتكبر بي سرعة، وانا حالتي زاتا مستعصية.كمية من العرسان يتقدم لي وارفض، في سبيل اني منتظرة سامر، وهو ولا همو💔☹️، ماكان عندي سبب مقنع عشان المرة دي كمان أرفض حسام، مافيهو شي يخليني مااوافق.عمرو كان قريب لي عمري شديد، وفوق دا كلو شغال معاي ف نفس المجال، ودا بيدينا فرصة عشان نتفاهم اكتر، من ناحية الشكل هو ماشاءالله عليهو💔😴، وشكلو نبتسم ع طول، ملامحو بتبذو انها طفولية حبتين☹️💔،، قبل مايطلع كان شال رقمي، بالمساء لقيتو منو رسالة ف الواتس حتى استأذن لي لو كان ممكن يضزب لي ولالاوريتو انو مافيها مشكلة، بالفعل ضرب لي، واتكلمنا مع بعض فترة، دمو كان خفيف شديد، وفي نفسس الوقت مثقف، وبتكلم مع وكلام كلو بحس بي منطقي......بس من جواي كان ف شوية زعل من سامر واني للان بحبو، ماكنت عارفة حأتخلص من الشعور ادا كيف، بس طمنت نفسي اني بمرور الزمن اكيد حأحب حسام، ويكون عندي أطفال يشغلوني عن سامر، وانو سامر مافيها نصيبي، نسيت كلام خالي فارس، وقررت خلاص انو دا نصيبي ولازم أرضى بيهو. كنت عايزة العرس يتم بي صورة سريعة عشان بس اصحي وألقى نفسي متزوجة وابطل تفكير في سسامر 😴😴💔. استمريت فترة طويلة وانا متواصلة مع حسسام، واعترفت عليهو غن قرب اكتر، لحدي ماحددو موعد العقد. امي كانت مبسوطة واخواتي كمان، انا كنت مبسوطة لاني حأتزوج بس، ماعشان أخدت الحاجة العايزا ها أخدت لي اجازة لي مدته عشان اجهز تفسسي العرس. ، اخواتي كانو معاي، وهم بقو شغالين مع اني ينظمو في موضوع العرسسس، سامر بكون سمع بي موضوع عرسي، بس انا خلاص شلتو من راسسي☹️😭💔، كنت بمشي معاهو كل مرة عشان نجهز الشقة. والطريقة دي بديت اتقرب ليهو اكتر☹️💔، وحسيت اني اطمنت من ناحيتو، هو كمان كان عايزني شديد، وبعمل اي حاجة عشان يرضيني😭😪. حسيت انو دا المناسب لي لو ماكان سامر، يلا يوم بعد يوم العرس خلاص قرب، قبل العقد بي يوم دخلت غرفتي أخدت لي بكيية شديد، عشان تكون اخر دموع انزلها عشان سامر. ويكون آخر لي عقد معاهو، ومن بكرة حياتي حتاخد منحى تاني، وحأبقي مع زول جديد اعيش معاهو حياتي بدل مااخلي عني سامر😭💔😪. حسام ابوهو كان متوفي قبل فترة كدا، عشان كدا تم العرس بي صورة مختصرة وسريعة💔😭، جونا ناس حبوبة من البلد وبالإضافة لي أهلي الهنا، طول اليوم كنت مبوذة وإعلان. لحدي ما اتذكرت ابوي وانفجرت بالبكاء، العقد كان مع صلاة الجمعة، وانا ق البيت، سامعاهو بي تفاصيلو سددت اضني، عشان ماابسمع اسمي واسم حسام مقرنين مع بعض، بس كنت عايزة العرس يتم والسلام، ماخاتة ف بالي فكرة اني اكون مقتنعه أو حأكون مبسسسوطة بعد العرس ولالا😥💔؟؟!!!!!. ، سامر جا بعد العقد سمعت صوتو برهه بتكلم مع امي ويبارك ليها، وانا قاعدة جوة في الغرفة معاي بنات عماتي، طلب يشوفني عشان يبارك لي، لبست توبي وجيت طالعة ليهو برهه. امي كانت واقفة، بعدها مشت خلتنا، سامر مد لي يدو😴☹️، اترددت ف اني اسلم عليهو، وبقيت شغالة اعاين فيهو، وأولادو التؤام كانو معاه، عابنت فيهو فترة طويلة، لحدي ما اخير مديت يدي وسلمت عليهو. ، بقيت ماسكة على يدو فترة طويلة، هو زاتو فضل ماسك يدي وسرحان فيني😴💔، ما انتبه الا ع صوت ولدو وهو بجر في جلابيتو وبقول (الح نمسي يابابا، /ارح نمشي😴💔). حتى فكي يدي، وقال لي ربنا يسعدك، وبعدها مشي، كنت بتابع فيهو وهوطالع، لحدي ما اختفى، التفات لقيت شذى بتعاين لي، بي طريقة غريبة ومستغربة، وبتقول سااااامر معقولة؟!!!!! شكلها فهمت اني كنت بحب سامر ودا الكننتت منتظراهو، ما اتكلمت معاي، دخلت الغرفة وقعدت جوة😴💔. بس ماقدرت امسك نفسي من البكاء، وبحاول اقش في دموعي. تم العرس داك حتى اخيرا ارتحت هم وإنزال، مشيت غرفتي عشان انوم، بس تاني اتذكرت سامر من اول وجديد، شذى جات لفتني ببكي، قعدت جمبي، تمسح لي ف دموعي وقالت لي عارفه انك كنتي بتحبي سامر وياوهف. بس هو مافي نصيبك، أرضى بالكتبو ليك الله، وان شاءالله ربنا ماحيظلمك وتتهني مع حسسام. بقيت حاضمتها وكلاما كان ف محلو انو سامر مافي نصيبي، وفي النهاية اتزوجت ودا المهم، قضيت الليلة ديك مع ناس امي عشان بكرة الصباح حنمشي، بورتسودان نقضي شهر العسل هناك زي نااقترح على حسام💔😴. #تعديلكنت رافضة لي فكرة اني اسافر اي مكان عشان نقضي فيهو شهر العسل، وكنت رأسية ع انو مافي داعي اصلا، حنمشي بيتنا انتهى الموضوع، حتى ف الخرطوم ماعايزة امشي مكان، بس هو اقترح على انو لازم نمشي بورتسودان، بقيت رافضة الفكرة، وهو يشيل ويحنسس فيني لحدي ما وافقت بس الموضوع ماكان داخل لي ف راسي😴💔. #كسههرةمازلت في عنادك، ومازلت تخفي ذاك الحب الذي أره بأم عيناي 😴انتظرتك كثيرا وانت لم تأتي، ولاخر لحطة كنت انتظر. وحتى عندما واشكت على النهاية، أن كنت أتيت حتما كنت سأتنازل لأضيف إلى مملكتي 💔☹️، ولكنك فضلت أن تبقى بعيدا عني، وان لاتبقي أسير بحوزتي. ، كنت في كل مرة اضع لك الأعذار، اعارض كل من قال بأنك لن تأتي😣، وكنت أملي نفسي برؤيتك من جديد، لكن ماذا حدث؟!. جيئت تهنئني بذاك الزواج الذي رضيت به رغما عني رضيت فقط لأتخلص من ملاحقة المجتمع لي، لما لم تتزوج إلى الآن وماذا تنتظر، ورضيت لأرضي امي، بعدما باتتت تحمل همي كل يوم. احبك كثيرا ولكني مضطرة أن أخرج حبك من قلبي، لأدخل له حب رجل آخر، سيكون والدا لأطفالي في يوما ما، ☹️💔. كنت أظنك ستحارب المسافات من أجلي، وتأتي إلى راكضا، بعدما تركتني ف المرة الأولى ولكن ها أنت تتركني ثانية، والي الأبد لم يعد لدي أمل بأنك ستأتي يوما يوما☹️💔. حتى إذا أتيت سيكون الأوان قد فات😥😭، من لمساتك لي أيقنت حقا انك تحبني، ولكن لماذا لم تبادر إلى تتويج ذاك الحب برباط، أيعقل أن يكون هناك سر تخفيه عني؟! 💔 لايهمني ماتخفي ولايهمتي أن كنت تحبني اولا. الوداع لآخر مرة........اخيييرا.....
ان شاءالله يكون الجزء الأول من الرواية نال اعجابكم
وارآكم تهمني ما تبخلو على بيها ولو في نقد انا مستعدة اتقبلو كتاني رواية لي بعد رواية" بين الحب والنصيب💜".... أحداث كتيرة حأوافيكم بيها في الجزء الثاني وحتعرفو هل رهف حتستمر مع حسام ولا حيحصل شي يغير مجرى الأمور. وحنعرف سر انتحار اخو سامر وحكاية رؤى شنو...
كونو في الانتظار ما بطول عليكم 😍🖐️🖐️....
مع تحيات رهف محمد...
النهاية...
