وكأنَّ في الخيال حياة

الحلقه الخامسه

الحلقه الخامسه
....................
وصل ريان وتلا الي القصر .. هبطوا من السياره وتلا تحمل الحقيبه بيدها وتقدمت عن ريان في الخطوات ووقفت تنتظر الخادمه ان تفتح .. نظرت الي الخادمه وجدتها تكتم ابتسامتها مما جعلها تستغرب وتحدثت :
_فيه ايه؟؟
أشارت اليها الخادمه الي الداخل فتقدمت تلا الي الداخل وهي ما زالت علي استغرابها ولكنها توقفت وهي تنظر الي الوضع بصدمه .. وقف ريان بجوارها وهو ينظر الي ما تنظر اليه بهدوء وكأنه معتاد علي هذا الوضع !
كان كيان يجلس وبجواره تجلس روان ومريم تجلس امامه وبيدها قطعه من الثلج تضعها علي وجهه صرخ كيان بها :
_براحه يا دكتوره البهايم .. انتي مبتعرفيش تتعاملي غير مع الحيوانات اللي شبهك!
_ماانا بتعامل معاك اهو بس انت اللي مش عاجبك المعامله شكلك من النوع اللي بتحب معامله خاصه!
قالتها مريم باستفزاز شديد فـ ضحكت تلا بقوه عليهم فتوجهت جميع الانظار اليهم ونهضت كلا من سيدرا ومليكه اليها وتحدثوا في نبره واحده :
_اكيد جبتي الصوره!!
نظروا الي بعضهم ثم نظروا الي تلا من جديد التي تبتسم وتحدثت :
_ايوه جبتها .. اقتربت من مليكه وهمست .. وجبت الاوراق عشان لازم تروحي بكره!
نظرت مليكه حولها نظره سريعه ولاحظت نظره ريان الثابته عليهم فهمست لها :
_طيب ابعدي عشان ريان مركز معانا !
ابتعدت عنها تلا سريعا وهي تتمسك بالحقيبه وتوجهت الي كيان وهي تتحدث بمرح تصنعته :
_مين اللي دمر ملامحك كده ؟؟
نظر اليها كيان بضيق وهو يردف ساخرا بصوت هامس :
_ومين بيتشطر ع خلق الله غيره المفتري!
كتمت مريم بسمتها وهي تنظر لـ تلا ثم نظرت الي مريد ففهمت تلا فأردفت بنبره مرتفعه :
_بقي مريد مفتري يا كوينان اخص عليك !!
نظر كيان الي مريد برعب ثم نظر اليها وتحدث بدعاء :
_اشوفك مولعه يا تل ابيب قادر يا كريم!
_تل ابيب؟؟
نطقت سيدرا الاسم باستغراب شديد منه فتحدث كيان بسخريه :
_وبالنسبه لـ كوينان ده بالنسبالك عادي؟؟
نظرت اليه سيدرا للحظات قبل ان تجيبه :
_لا بس تل ابيب اغرب الصراحه!
_اعترضي لو مش عاجبك!
قالها كيان باستفزاز وهو ينظر اليها .. تحدث ريان بثبات وهو ينظر اليه :
_كيان .. علي اوضتك!
نظر اليه كيان وهو يردف باعتراض :
_هو انا طفل صغير تقولي علي اوضتك يا ريان فيه ايه؟؟
تحدث ياسين هو تلك المرة :
_انصحك يا كيان تطلع اوضتك فعلا عشان تحافظ علي ما تبقي من ملامح وشك!
_طبعا من شابه توأمه فما ظلم.
قالها كيان بتهكم وهو ينهض فـ تحدثت تلا باستغراب :
_توأم ايه؟؟
أجابته روان وهي تضع يدها علي وجهها تخفي بسمتها علي ردة فعل تلا المتوقع :
_ريان ومريد توأم!
_نعــــــــــــــــــــم!
لم يكن صوت تلا فقط بل مليكه وسيدرا ايضاً .. نظر اليهم الجميع باستغراب من هتافهم معاً فتحدثت سيدرا :
_توأم ازاي ده مفيش شبه !
تحدثت مريم بابتسامة فقد تعرض مريد وريان لهذا الأندهاش كثيرا في صغرهم :
_توأم مش متشابه .. متعرفيش أن بيبقي فيه توأم مش متشابه !
_ايوه يعني ريان نزل في يوم ومريد اليوم التاني ؟
تعالت ضحكات كل الموجودين وخاصة ريان ومريد علي هذا التحليل الذي قدمته إليهم سيدرا .. اقتربت منها تلا وهي تنغزها بخجل :
_ده سؤال تسأليه يا سيدرا .. انتي هبله؟؟
نظرت سيدرا أسفل قدمها بخجل شديد مما تفوهت به .. تحدث ريان وهو يتوقف عن الضحك :
_لا نزلنا في نفس اليوم .. بس حكمة ربنا بقي !
_حتي أهلنا كانوا مستغربين .. بس رضيوا في الأخر بالأمر الواقع.
قالها مريد وهو يتقدم من ريان ويقف بجانبه نظر الجميع إليهم بإعجاب نعم ليس هناك تطابق بالشكل ولكن كل شئ اخر متطابق العقل والقوة كل شئ!
تحدث شهاب بمرح وهو يتقدم منهم ويقف في المنتصف :
_وسع يا عم انت وهو بدل ما احسدكم وانا بقي عيني مش بارده الصراحه وهحسدكم !
كتمت روان بسمتها علي حديثه .. نظر اليها شهاب مطولا وبدون أن ينتبه إلي ما يتفوه به :
_انا عايز اتجوز!
صمت الجميع وهم ينظروا إليه .. نظرت اليه روان بصدمه من حديثه ونظر اليها الفتيات جيعهم .. تحدث كيان بدهشة :
_تتجوز ايه؟؟
نظر إليهم شهاب جميعاً وهو يستوعب ما قد قاله من ثوانٍ فوجد أن لا يود مفر .. فتحدث بهدوء :
_ريان انا عايز اتجوز روان !
إذا كانت قد تعرضت للصدمه عندما اخبرهم انه يريد الزواج فهي الان اصبحت في عالم اخر كليا فتلك المره ليست هينة ليته قد ظل علي جملته انه يرغب بالزواج دون أن يذكر أسمها .
نظر إليه ريان مطولاً دون حديث مما جعل التوتر ينشب بهم .. تقدم للداخل بخطوات هادئه دون أن يعيرهم اهتمام جميعاً فنظر اليه الجميع بصدمه من ردة فعله .. تحدث شهاب بصدمة :
_ريان فيه ايه؟؟ انت مش موافق!
_لا !
قالها ريان بثبات دون أن يتوقف وأكمل طريقه إلي غرفته .. نظرت تلا إلي روان اولاً ثم إلي شهاب وتحدثت باستغراب :
_ليه موافقش؟؟
لم يجيبها أحد فتوجهت هي إلي الأعلي فتحدث ياسين باستغراب :
_رايحه فين يا تلا ؟
_لـ ريان
أجابتهم بإيجاز وهي تصعد إلي الأعلي توجهت إلي غرفته ووجدته بالكاد يخرج منها توقفت مسرعة قبل أن تصتدم به وصعد خلفها الجميع حتي شهاب الذي يريد ان يعرف سبب الرفض .. تحدثت تلا بهجوم :
_انت مش موافق عليه ليه؟؟
نظر إليها ريان مطولا دون حديث ثم تحرك ولكنها وقفت امامه من جديد وهي تتحدث :
_رد عليا .. انت مش موافق عليه ليه ؟؟ هو بيحبها وده باين للكل وهي بتحبه يبقي انت مش موافق ليه؟؟
_ميخصكيش!
قالها ريان ببرود شديد وكاد ان يتحرك ولكنها وقفت امامه وتحدثت بهجوم غريب :
_لا يخصني .. ليه ترفض اصلاً ده قرارهم وبعدين دي بنت عمك وده صاحبك ليه ترفض ها ؟
_قولتلك ميخصكيش!
نطقها ريان ببرود .. فتقدمت مليكه منهم وهي تحاول أن تأخذها من امامه لأنها تعرف ما ستصل إليه الامور .. تحدثت بهدوء :
_تلا تعالي معايا
_لا .. لازم يديني سبب مقنع والا .. كده مفيش غير سبب واحد!
ضيق ريان عينيه وهو ينظر إليها .. يخشي أن تقول ما يفكر به .. تحدثت تلا بابتسامه مستفزه :
_لـ تكون أنت اللي عينك من روان !
قالتها .. نعم قالتها لم تلاحظ نظرات الجميع المصدومه من خلفها علي ما تفوهت به تلك الحمقاء .. حتي شهاب هز رأسه رافضا لما قالته متحدثا بهمس :
_ليه يا تلااا ليـــه تقولي كده؟؟
أسودت حدقتي ريان وتراجعت مليكه إلي الخلف خوفا منه تاركه تلا في مواجهته وقفت بجوار سيدرا ومريم وكلا منهما ينظر إلي ما يحدث امامهم برعب ...
تحدث ريان بنبرة باردة كالجليد :
_عيدي اللي قولتيه تاني!
_اوعي !
همس بها مريد بداخله .. نظرت تلا إلي ريان بتوتر شديد وهي نادمة علي ما قالته ... تحدث ريان بنبرة قوية :
_بقولك قولي اللي انتي قولتيه تاني !
_مقولتش حاجه !
قالتها وهي تغمض عينيها بفزع من هيئته التي بات عليها .. تحدث ريان وهو يتقدم منها متحدثا بنبره لم تعهدها هي خلال اليومين السابقين :
_متنسيش انتي موجوده هنا ليه ؟؟ موجوده لأني مش واثق فيكي وحاطك قدام عيني .. يعني متديش لنفسك تجاوزات اكتر من اللي انا حاطهها ليكي!
انهي حديثه وتخطها إلي غرفة مريد ولكنه توقف وهو يتحدث بنبرة ثابته :
_انت مرفوض لأنك من غير اهلك يا شهاب .. جيب اهلك وبعدين ابقي تعالي وساعتها تبقي تعرف ردي .. وانتي يا مريم خديهم لأوض الضيوف !
_انا عايزه ابقي مع تلا !
قالتها سيدرا وهي تتجه لتقف بجوار تلا .. تقدمت منهم مليكه وهي تقف بجوارهم وتحدثت بتوتر :
_وانا كمان !
نظر ريان اليهم ثم تحدث بهدوء :
_مريد جيب حد يركب باب للأوضه وخليهم يقعدوا فيها !
_تمام !
قالها مريد وغادر لتنفيذ ما قاله ريان ودلف ريان الي الغرفه وهو يغلق الباب خلفه .. تقدم ياسين من تلا وتحدث :
_ليه قولتي كده يا تلا .. ريان عنده كلنا اخواته حتي مريم و روان ليه تقولي عليه كده !
تركها بعدما رمقها بأسف .. تحدث كيان تلك المره بجديه غريبه عليه :
_انتي عامله زي اللي بيتعمد يعصب ريان .. وانصحك يا تلا تبعدي عنه ريان مش زي الكل !
تركها ورحل هو الاخر وهي تنظر اسفلها بشرود وهي ما زالت تتذكر حديثه .. تحدثت مريم بابتسامه جاهدت في رسمها :
_طب اي .. هنفضل واقفين في الطرقه كده !
_ايوه .. تعالوا ندخل اوضتي .
قالتها روان مسرعه وهي تستعد للذهاب ولكن اوقفتهم تلا وهي تتحدث بهدوء :
_لا انا مش قادره اقعد مع حد .. هدخل الاوضه عقبال ما مريد يجي !
لم تنتظر ردهم ودلفت الي غرفه ريان .. جلست علي الفراش وهي تتذكر كلماته التي وجهها اليها .. اردفت بوجع :
_طب وانتي متضايقه ليه؟؟ هو معاه حق .. انتي دخلك اي بكل ده .. ده انتي لسه جايه البيت ده من يومين .. بتدي نفسك اكتر من حجمك وبتخطي حدودك كتير يا تلا .. تستاهلي !
نزعت الحقيبه التي مازالت تحملها وهي تضعها علي الاريكه .. دلفت كل من مليكه وسيدرا اليها .. تحدثت مليكه :
_متزعليش يا تلا !
_مين قال اني زعلانه .. حقه !
_الصراحه حقه !
قالتها سيدرا بخفوت نظرت اليها تلا دون حديث .. نظرت مليكه الي سيدرا بتهكم ثم نظرت الي تلا وتحدثت مسرعه :
_ريان هيحصل معاه ايه
_في ايه؟؟
سألتها تلا باستغراب فأجابتها مليكه وهي تصعد علي الفراش وتضم ركبتيها وتتحدث :
_انتي نهيتي الحلقه اللي فاتت لما قابل اللي هيحبها .. هيحصل معاه ايه بقي؟؟
_شكله هيحطمها !
قالتها تلا بهمس لم يصل اليهم .. فتحدثت مليكه باستغراب :
_مسمعتش .. بتقولي ايه؟؟
_ابدا يا ستي .. هيبتدوا الاول نظام قط وفار وبعدين هي هتحاول تخرج اسوأ ما فيه !
قالتها تلا بابتسامه وهي تصعد الي جوارها .. جلست سيدرا بجوارهم وهي تتحدث :
_عشان غبيه ليه تطلع اسوأ ما فيه ما تسيبه في حاله !
_مهي غبية بقي!
قالتها تلا بهدوء .. فتحدثت مليكه بحماس وقد نست بالفعل ما حدث :
_وهو هيسكت عليها ؟؟
_ريان أعقل من انه ينتقم منها والكلام الفاضي بتاع الروايات ده .. روايتي المره دي مختلفه مفيهاش انتقام .. حد بينتقم من حد عشان ياخد حبيبه .. عاديه !
صمت الجميع عن الحديث .. رجعت تلا بظهرها إلي نهايه الفراش ثم اخرجت اللاب الخاص بها وهي تحتضنه بشده :
_وحشني اكتر منكم بالامانه !
نظرت كلا من سيدرا ومليكه الي بعضهم البعض ثم قفزوا عليها وهم يضربوها بخفه وسط ضحكات منهم .. انتفضوا فزعين وهم يستمعوا الي صوت مريم من خلفها :
_خيااااانه .. خدونوي معاكم والنبي !
انهت حديثها بمرح وهي تنضم وسطهم واتت روان وانضمت هي الاخر اليهم وسط جو سائد من المرح والضحكات !
..................................................................
هبص الجميع الي الاسفل في الصباح التالي ... نظرت كلا من مليكه وسيدرا وتلا الي بعضهم والي تلك الملابس التي قد جلبتها تلا بالخفاء امس في الحقيبه الخاصه باللاب .. كبتوا ابتسامتهم .. توقفوا وهم ينظروا الي مريم وروان الذين اتوا ايضاً ونظروا الخمسة الي بعضهم ثم ابتسموا بصمت !
توجهوا امام الطاولة وتوجهت انظارهن علي مريد الذي نظر اليهم وهو يكبت ابتسامته ولكن لم تنجحن هن في فعل ذلك ذحكوا بقوة وهم يتذكروا ما الذي حدث في المساء
*** انتفضن الخمس فتيات من الفزع وهم يستمعوا الي صوت من ورائهم يردف بصدمه :
_انتوا اتجننتوا ؟؟ اي اللي بتعملوه ده والباب مفتو مفتوح اي ده مفيش باب اصلا !
_استر علينا يا مريد!
قالتها روان بطريقه دراميه وهي تأخذ المفرش الموجود علي السرير تضعه عليها .. اصحبت سيدرا جزءا منه وهي تتحدث :
_احنا كنا بنهزر علي فكره اوعي تفهمنا غلط !
سحبت مليكه منهم الفراش وهي تضعه عليها هي الاخري متحدثه بخجل :
_طبعا انا لو حلفتلك ان كان غرضنا شريف مش هتصدقنا صح !!
جلست مريم بجوارهم وهي تأخذ ما تبقي من المفرش متحدثه بابتسامه بلهاء :
_طبعا انت ابن خال قمر ومش هتقول حاجه صح؟؟
نهضت تلا وهي تتوجه الي مريد الذي ينظر اليهم بزهول نظرت اليه بثبات ثم وبدون إنذار أمسكت بيده وهي تتحدث برجاء :
_سااايق عليك النبي ما تفضحنا احنا غلاااابه !
نظر اليهم مريد بصدمه من ردة فعلهم جميعا ثم أخذ يضحك بقوه عليهم جميعا وبالأخص علي ما فعلته تلا .. ابتعدت تلا عنه وهي تنظر اليه باستغراب واقتربت من الفتيات وأخذوا ينظروا اليه بتعجب ...
أنتهي مريد من ضكه بعد خمس دقائق وأخذ يمسح تلك الدموع التي قد هبطت من فرط الضحك وتحدث :
_انا لو ماسككم بتعملوا فعل فاضح مش هتعملوا كده !
نظروا الي بعضهن ثم أخذوا يضحكن بقوة .. تحدث مريد بصوت حازم :
_ثبات انتي وهي !
صمتوا الثلاثة مسرعين وهما ينظروا اليه .. تحدث مريد بنبره قويه
_قولت ثبات انتي وهي !
وقفوا جميعا مسرعين وهم ينظروا اليه بتوتر وكأنهم قد فعلوا شيئا خاطئ وبإنتظار العقاب .. اقترب مريد من تلا وهي ينظر اليها وتحدث :
_بقي انتي يا كاتبه يا عاقله يطلع منك كده !
ثم تحرك خطوتين امام روان وهو يتحدث :
_ وانتي يا اعلاميه يا محترمه عقلك كان فين !
لم تنطق ونظرت الي الاسفل .. تقدم خطوتين من سيدرا وهو يتحدث :
_بقي انتي هتبقي مُعلمة أجيال في يوم!
كانت ستجيب ولكنه تقدم من مليكه التي اخذت تحرك يديها بتوتر :
_وبالنسبه للبشمهندسه .. كنتي فين وانتي بتعملي كده !
_اي السؤال ده ما انا كنت معاهم !
قالتها بهمس خافت رمقها بشر مما جعلها تصمت .. تقدم من مريم وأخذ ينظر اليها للحظات ثم تحدث بهدوء :
_وانتي .. يا دكتورة يا المفروض اعقل واحده فيهم ..بتشاركي في الهبل ده !
_واحنا عملنا اي يعني احنا كنا بنضرب بعض مش اكتر !
قالتها مريم بإندفاع ثم تداركت ذاتها فترجعت للخلف خطوة .. نظر اليها مريد باشمئزا وتحدث :
_مالك بتقوليها وكأنكم كنتوا بتبنوا السد من تاني .. عارفين انتوا عقابكم ايه ؟؟
نظروا اليه بتساؤل فتحدث هو بخبث :
_ان كيان يعرف .. ده اسوأ عقاب ليكم !
_لاااااااا
صرخت البنات في وجهه في فزع مما جعله ينتفض الي الخلف قليلا .. فتحدث هو :
_طيب خلاص بس بشرط ؟
_شرط ايه ؟؟
سألته تلا باستغراب فنظر هو إليهم بابتسامه خبيثه وبعد مرور ربع ساعة .. تحدث مريد بنبره جامده وهو يرتشف من كوب الشاي الذي بيده :
_الباب هيقع .. أمسكي كويس وانتي بتشتغلي !
وجه حديثه لـ روان التي تمسك بالباب .. دفعت الباب اللي الداخل بغيظ وهي تنظر إلي مريد .. تحدثت سيدرا بعدما دلفت مع مريم :
_دي مش اصول ضيافه دي .. المفروض اننا ضيوف هنا !
_ضيوف اي يا شيخه لا سمح الله .. انتوا اصحاب بيت .. خلصتوا تنضيف الاوضه !
نظرت إليه مريم بإحتقان وتحدثت :
_خلصنا !
_عااال .. تلا اتأخرت ليه ؟؟
_جيت !
قالتها تلا وهي تدلف الي الداخل حامله القهوه للجميع وتقدمت من مريد وهي تمد القهوه اليه متحدثه بغيظ :
_القهوه
نظر اليها وهو يكبت ابتسامته علي هيئتها وأخذ القهوه منها وارتشفها ثم اعدها من جديد وهو يتحدث :
_فين السكر ؟؟
_ماانت مسكر لوحدك فـ خفت عليك !
قالتها تلا باستخفاف منه . نظر اليها وتحدث :
_طيب .. انا هجبلكم كيان وهو يتصرف في السكر ده !
تركوا الفتيات الباب بعدما انتهوا منه وتوجه جميعهم ناحيته وتحدثت مريم في بدأ الامر :
_اسمع بقي انا اتحملتك كتير وده عكس طبيعتي
_عمال تأمر وتشخط فينا وكأنك وصي علينا
قالتها روان .. تحدثت سيدرا بغيظ :
_ما احنا ممكن نروح نقول لـ ريان وهو يتصرف معاك !
_وريان شخصيا وراكي !
انتفضوا جميعهم من ذلك الصوت .. نظروا اليه والتفت تلا وهي تنظر اليه باستغراب من وجوده .. تقدمت مريم منه :
_ريان .. مريد مشغلنا خدامين !
_عمايلكم يا حلوة !
قالها مريد باستفزاز لها .. نظر ريان الي تلا بنظره لم يفهمها غيرها فنظرت بعيدا عنه .. تحدث ريان بهدوء :
_بالعكس .. انتوا كسبتوا صنعه اهو .. يلا يا مريد !
ابتسم مريد بشماته وهو يغادر الغرفه مع ريان .. نظرت الفتيات الي مكان رحيلهم بصدمه ثم اغلقوا الباب خلفهم ونظروا الي بعضهم البعض واخذوا ينهالوا علي بعضهم ضربا لما تعرضوا له من تعب منذ قليل !***
جلسوا الخمس فتيات بجوار بعضهم والثلاث فتيان بجوار بعضهم وريان يترأس الطاولة .. تحدث ريان بهدوء :
_مفيش شغل النهارده .. النهارده اجازه !
نظروا اليه باستغراب من حديثه .. تحدث ريان مجددا :
_المفروض كنتم هتروحوا المول امبارح ومحصلش حاجه .. فـ هنروح النهارده !
هللت الفتيات بفرحه عدها .. أخذت تتناول طعامها بهدوء شديد .. تحدث ياسين بهدوء :
_ماشي يا ريان .. بس علي الاقل نروح ساعتين نشوف الشغل !
تأفف كيان بضيق وهو يتحدث بهمس ولكنه وصل إليهم جميعاً :
_بتموت انت في التعب والفرهده .. ده الامر جي من ريان نفسه ودي بتحصل مره ف العمر .. دي نعمة حد يرفض النعمه !
نظرت اليه سيدرا وهي تضع يدها علي فمها ثم قامت بركله بخفوت من اسفل الطاوله .. نظر اليها باستغراب .. أشارت بعينيها علي الذين ينظروا اليه .. تطلع اليهم وجدهم يحدقون به بسخريه من حديث تحدث ببلاهة :
_اكيد مسمعتوش حاجه صح ؟
_للأسف كلنا سمعنا !
قالتها روان بشماته نظر اليها بدهشه .. فنهض هو مسرعا قبل ان يقتلع عنقه ياسين وهو يتحدث :
_طيب انا افتكرت حاجه مهمه اصل ..
_اقعد !
قالها ريان بأمر فجلس كيان من جديد .. تحدثت مليكه بعد صمت :
_بس بشمهندس معتز ميعرفش اني مش هاجي .. وانا معييش حتي رقمه عشان ابلغه !
نظر اليها ياسين بضجر وتحدث :
_انا رئيسك واديتك اجازه مش لازم تاخدي اجازه تاني !
_مع احترامي لكلامك بس هو رئيسي المباشر وحضرتك اللي عينته عليا يعني لازم يعرف !
نظر اليها ياسين بغضب شديد قابلته هي بتحدي .. تحدث ريان ليقطع ذتلك النظرات :
_خلاص يا مليكه انا هكلملك الاداره تجبلك رقمه !
_وتاخد رقمه ليه انا هكلمه انا !
قالها ياسين باندفاع .. نظر اليه جميع الموجودين بدهشه من ردة فعله .. اقترب كيان برأسه من سيدرا الجالسه امامه وتحدث :
_شكل ياسو بيقع ف الحب !
_شكل مليكه هتتجوز قريب !
قالتها سيدرا بنفس الطريقه التي تحدث بها كيان ثم نظر كلا منهما الي الاخر باستغراب من تقاربهم هذا وابتعدوا عن بعضهم مسرعين وكلا منهما يتنفس بصدمه وكأنهم قد انتهوا من سباق الجري للتو .. تحدث كيان بزهول :
_انا اي اللي عملته ده ؟؟
_انا اي اللي عملته ده ؟؟
قالتها سيدرا بزهول من نفسها ثم نظرت اليه سريعا ونظرت امامها مجددا .. تحدث ياسين :
_عن اذنكم داخل المكتب !
تركهم وتوجه الي غرفه المكتب .. لم ينظر ريان اليه ولكن رافقه مريد بنظراته ثم نظر الي ريان وجده يبتسم بهدوء مما جعله يردف بداخله :
_بتفكر في ايه يا ريان ؟؟ اكيد مش ...
صمت عن الحديث وقد توصل لما يفكر به ريان .. جحظت حدقتيه بصدمه مما توصل اليه نظر الي ريان مجددا وجده ينظر اليه ويبتسم وكأنه يؤكد إليه تلك المعلومه .. حرك رأسه باعتراض علي تفكير ريان ولكن لم يتحدث ...
تحدثت مريم بمرح وهي ترغب في أن تزيل ذلك التوتر :
_هنمشي امتي يا ريان !
_لو عاوزين ممكن دلوقتي !
قالها ريان بهدوء وهو ينظر اليها .. تحدثت هي مسرعه وهي تنهض :
_الا موافقين .. موافقين طبعا .. يلا كل واحده فيكم تقوم يلا يلا !
انهت حديثها وهي تقوم بسحب الكراسي التي تجلس عليها الفتيات وتدفعهم للأمام مما جعلهم ينهضوا وهم ينظروا اليها .. تحدثت مريم مسرعة وهي تنظر الي ريان :
_احنا جاهزين كلنا اهو .. نمشي بقي !
_احنا لو بنقولك العريس علي الباب مش هتبقي مستعجله زي دلوقتي !
_كياااان !
قالها مريد بحده وهو ينظر الي كيان الذي نظر اليه بعدم اهتمام .. ثم نهض وهو يتوجه الي الخارج متحدثا وهو يرحل :
_انا هستناكم برا !
تحدثت روان بهدوء :
_احنا هنركب كلنا في عربيه واحدة !
_فكرة حلوة جدا !
قالتها سيدرا بتأييد لتلك الفكرة .. نظر ريان الي تلا التي التزمت الصمت علي غير العادة منذ الصباح ولكنه لم يتحدث .. نهض من علي مقعده وهو يتحدث :
_تمام هيكون افضل ليكم عشان تكونوا مع بعض .. معلش يا روان نادي علي ياسين !
هزت روان رأسها بـالموافقه وتوجهت الي ياسين في غرفة المكتب .. تحرك ريان عدة خطوات الي الامام ولكنه توقف عندما استمع الي صوت نداءها ...
اخذت تنظر اليه وهي تشعر بالتوتر أتقترب أم لا ولنها فعلت هذا وتحدثت بنبره مرتفعه نسبيا :
_ريان !
توقف ريان محله وتقدمت هي منه ثم نظرت اسفلها وتحدثت بتوتر :
_بعتذر علي اللي حصل امبارح .. انا فعلاً مكنش المفروض اتدخل وقولت كلام مكنش ينفع اقوله .. بعتذر جدا واتمني تسامحني !
انهت حديثها وهي تتركه صاعده الي غرفتها حتي تجلب شيئا من الغرفه .. وقف ريان للحظات يستوعب ما قالته ثم تحرك مجددا وكأن لم يحدث شئ !
وقفت تلا وهي تضع بعض الاوراق في حقيبه متوسطة الحجم .. شعرت بيد توضع علي ذراعها مما جعلها تنتف فزعة .. نظرت خلفها وجدتها مليكه التي نظرت اليها باستغراب :
_انتي بتعملي ايه ؟؟
_بجيب الورق عشان لازم يتسلم !
_مش المفروض انا اللي هسلمه؟؟
سالتها مليكه باستغراب فتحدثت تلا بهدوء :
_كده كده احنا في مول وهقابله هناك .. انتي هتفضلي مع البنات وانا هسلم الورق وارجعلكم المهم ان محدش يحس بغيابي !
نظروا الي الباب بصدمه وهم ينظروا الي صاحب الصوت الذي تحدث بشك:
_ورق ايه اللي هتسلمه؟؟ انتوا هتعملوا ايه؟؟؟
.........................................................................
..... يتبع
#Nemo